الدنيا دوارة 😏

لقاء بعد فراق طويييل1

وقفت حدا واحد لفيلا أقل ما يقال عليها روعة جنة فوسط الأرض الحديقة لي غالب عليها الهدوء و السكينة بحال مولاتها مايمكنش تقنط ونتا جالس فيها دخلت لبيتها الواسع و لي كيتوصطو فراش بغطاء رمادي و لحيوطا لي كاملين زاج كيطلو على منضر ولا اروع دخلت لحمام شوية و خرجة لاوية عليها فوطة فالوردي بانت مثيرة مع جسمها السمر تاملت راسا فالمرايا شوية رخات لفوطة طاحت فالارض و دوزت يديها على شعرها الطويل و لي فيه لون غريب ما بين لحمر و لحمامي لمغلوق من دائما و هي كتحلم يكون عندها شعر طويل فسغرها و كتفرح فاش كانت كاتصايبو و لكن مالا دابا مفرحاناش بيه جسمها لي كان كل أملها فصغرها أنه يكون مقاد هاهو دابة حسن مديال ليمنكان و لكن هي ماحساش بكاع هدشي مكيهماش هي شحال هدا طمرات راسا و قرت تعيش مع قناع ديال لقوة لي مخبعا فيه كاع آلامها و ضعفها . كتشوف فالمرايا بعينيها لكبارين و شفيرات لي باقين فازكين و فم حمر من مور دوش شوية و هي تاجه لماريو لبست لبسوة رسمية معا طالون عالي و دارت شد بحال ديما قررت دير مكياج و برزاتو بلون حمر ففمها شي لي عطاها قوة و جادبيو من نوع خاص شافت فراصها لآخر مرة و دارة نظرة توعد و قوة .
زهرة : مابقاش بزاف و نتلاقاو
هوادة مع الدروج و رأسها مرفوع حتا قاطعاتها دادا هي مرا كبيرة شحال و هي معا زهرة كتعتابرا بحال بنتها .
دادا : بنتي فين غادا و حتا لغدى ماكليتيهش .
زهرة بكل ادب و صوت هادئ: متقلقيش ادادا دابة ناكول مي دابا مزروبة حتالمنبعد عفاك .
دادا : عارفاك مشحال و نتي كتسناي هاد نهار و لكن متسرعيش ابنتي لي وقعليك كان مقدر و مكتوب كلشي فيه خير متقسايش ابنتي متقسايش .
زهرة زيرة على يديها و هي كاتسمع كل كلمة قالتها دادا للحظة عمارو عينيها بدموع ولكن لا ماشي هي لي تستسلم و تراجع خاصة من بعد ما وصلة لهاد لمرحلة خرجة ملقصر ركبة فسيارة من نوع رانج روفر و تابعينها جوج طوموبيلات  كوحل ديال ليكارد . و لوجهة كانت دار لي غتغير مجريات القصة .