الدنيا دوارة 😏

ذكريات من الماضي 2

طوموبيل من نوع رانج روفر كحلة غادية طايرة من العاصمة الرباط إلى الدار البيضاء كالسة زهرة ورا الشيفور سارحا فالخيال و هي قالبة وجها جبهة السرجم .
#قبل 14عام و بضبط فمنزل بسيط عائلي ساكنين فيه ثلاثة ديال لخوت كل واحد و عائلتو . الاخ الاكبر علي عندو ثلاثة ديال دكورة لكبير فيهم فعمرو ١٣ عام و مراتو مسمومة و مغيارة حاشية خنافرها فكل حاجة . الاخ الثاني مططفي اب البطلة ديانة و ختاها شيماء بنت مختالفة على ختها بلونها لبيض و عينيها صغار و حفيرات ديال زين و مهم امرأة طيبة و نية انا الاخت الصغرى مريم فهي شابة مستمتعة بالحياة الضحكة مقاتفارقش وجهها و عندها بنت صغييييرة سميتها عبيير و هادي هي عمتها ديال زهرة  .
داخل وحدة من ديك ديور كالسين لعائلة ديال سي مصطفي دايرين على طبلى ديال لماكلة فجو لا يخلي من النقاشات لي كدور بين زهرة و باها .
زهرة ( هازا لقمة فييدها و هكام ممهنياش لهدرة و نقاش و تقشاب عندها فالدم ) : و با غير سمع و الله تانقدر متحكرنيش .
مصطفى ( داير نضرات ديال استفزاز فبنتو باش يفقصها زعما ههههه غير كيضحك) : دابا واش منيتك انص مترو نتي باغا تولى امرأة اعمال .
زهرة ( حطة داكشي لي كان فيديها و ربعتهم زعما راها تقلقة ) : و الله مكتيق فيا نتا علا شنو ناقصني رآه نقدر تكون شيحاجا كتر غا كنبغي نتواضع و صافي .
مصطفي : ههههه صااافي بلا متقلبي علينا عاود انا راه كنتمنى غا فوقاش نشوفك حققتي هادشي لكتمنايه هاداكا نهار لكبير عندي ابنتي .
زهرة و عاد رجعة فيها روح و دارت واحد ابتسامة ملودن تا لودن و نقزت من فوك كراسا ديال لكوميدور باش تعنق باها : هههه و شتي هاكا نبغيك و انا كنواعدك عنحقق هاد لحلم لينا بجوج المهم  بااااااي رآه تعطلت
الام و هي هازا سندالة و تابعاها: ياك شحال من مرة كانكولك متنقزيش منفوق لكراسا 😠😠😠يخ على كنس و تترجعي ...
مصطفى شاف مرتو و دار ابتسامة عارفها كاضرب تمارة و كتعيا و هاد جنية عندو مكتبغيش تعاون ماماها فشقا ديال دار بقا كيشوف كيعتابر هاد لعائلة صغيرة هي حياتو كاملة يقدر يدير لمستحييييل باش يعيشو مزيان و املو أن بناتو يطالعو حسن منو و ميدوزوش تمارة لي دوزة هوا . دار عند بنتو صغيرة و لي بطبعها هادئة حانية على لفطور كاتاكل و مامسوقاش لله يجعلا تنوض لحرب العالمية ثالثة لمهم ماتسمحش ففطورا: ونتي اش باغا تكوني ولا ياكما ناويا تزوجي و تهني راسك مرة من هاد صداع ههههه
شيماء : ههه ماحنا علا فالك غير شنو انا باقا صغيرة باش نفكر فهادشي هي دابا رآه عندا لباك عليها .
نخليو هادو مجمعين و نمشيو عند لبطلة ديانة لي خرجة مدار و هي لابسة سروال بلوماري مزير و طالع مع تيشرت بيضا قصيرة ملقدام و سبرديلا بيضا و خلات شعرها علا راحتو طويل و كتافات بمسكارا و كريما ديال شمش خارجة مع الباب متجها لليسي و لقيلة كدرب ليها فشعرها و كتعكس لونو لغريب لي مايل لحمر مغلوووووق و رطب كيبري و فرمتها مقادة و عامرة من النمناطييق ههه🤭🤭مكينش لي متبسلش عليها و هي دايرا فيها زعمة عزة نفسي حتا كتوقف قدام واد حديدة من نوع اودي ر واقف حداها شاب حروفو كحلين مطلع رجل متكيه على الطومبيل و طالق رجل لآخر عندو جسم رياضي و طوولة منعاودش ليكم لابس تيشرت مطرطق علية و سروال حكل و كوفيغش كحلة و باينة فيه غيطرطق بالاعصاب يلاه وقفات حداه و هو يبدا .
فهد و هو ساخط و حواجبو معقودين و سدرو كيطلع و كينزل دقول سيد دابا و هو تقطع فيه النفس : وااااش ديما نفس لخرا وااااااش مكتعيايش ااااا اااش باغا توري ااااش😠😠😠 و كنقسملك بالله ماندوزها هاد لمرة ( سكت و هو كيشوفها مادارت تا شي ردت فعل غير كدور عينيها فالناس ) طلعي .😤
قال هاد لكلة و تاجه لبلاصتو باش يسوك هي طلعت دغيا ماشي حيت خافة و إنما نفسها عزيزة و مابغاتوش علاش دارفيها حدا الناس عليها فضلت دحاسبو بطريقتها . شادين طريق ليسي و حتا وحد مهدر لآخر هو وخا مازال صغير شاب عندو ٢٤ عام و إنما عصبي و حاجتو ميحملش يشاركها مع شي حد .