الدنيا دوارة 😏

ذكريات من الماضي1😌😌

بعيد على لبطلة ديانة و بالتحديد فكازا . فوسط قصر  فخم غالب عليه لون دهبي و بضبط فغرفة كبيرة اثاثها رجولي فيها تلفازا كبيرا و حوايج رجالية مليوحة فكل قنت ولكن لي كيجدبك فيه هو هاداك الجسد إلى ناعس على كرشو و عضلات كتفو بارزين تقولي شديتي تلاتة ديال رجال و عجنتيهم 🤭🤭لابس غير سروال رمادي ديال دار و لفوق عريان . راجل بكل معني الكلمة شعرو لكحل هابط على عينية لحادين لونهوم غريب مع ضو كيبانو فرمادي و لحيا مطراسيا آبار الفم لي حمر من عند الله 🤤🤤. هدا فهد من اكبر رجال الأعمال رغم سنو صغير إلا أنه قدر يحقق احلامو عايش مع مو مرا كبيرة و ضريفة قريبة بزاف من الله و كل أملها فالحياة دشوف ولدها مكون اسرة و مستقر و لكن هي عارفاه و عارفة عنادو لي خلاه يرفض بزاف ديال لبنات ملعائلة .
طالعة لخدامة فدروج باش تفيق لبطل ديانة و مترددة واش دق ولا غير عتخلي دار عشتها ليوم حيت كلشي عارف بلي فهد رغم حس الفكاهي فبعض الأحيان إلا أن عصبيتو داغيا كدهر و على اتفه الأسباب كيكره شيحاجة سميتها لعناد حيت هو اكثر واحد كيتقنو يندم لواحد الا حاول يتذاكا عليه مي اون فوا يكون راشقا ليه طلبي عينيه يعطيها ليك حيت أكثر حاجة كتعجبو هي الوضوووووح و الاخلاص لي مزال ملقاهم في حد من غير مو.
لخدامة بصوة مهزوز و بطرقات خفاف على الباب: سيدي عافاك رآه لفطور وجد و لالا كتسناك
خسر وجه بطريقة رجولية و تقلب على كرشو بلى مينطق تا كلما بقا خمسة دقائق و هو كيستوعب عاد ناد بشوية و رجع شعرو لور و فتح عليها لباب بحال رعدة : اشكااااين ياك لباس
لخدامة مفافية و هي كتشوفة هكاك بصدرو عريان مقدراتش حتا طلع عينيها: ر...رآه لللفطور...
شد لباب أو قول شعطوليها فوسط كمارتها مسكينة تنهدة و قلبة دورة حيت هما مولفين على هاد تعامل ماشي اول مرا .
نمشيو عند لبطل لي تجه ديركت لحمام خدا دوش معتبر و خرج كيتمختر و قطيرات ديال لما باقة نازلة عليه . تاجه لدريسينغ و هو كيسفر بواحد طريقة غريبة هادئة و فنفس لوقت كتنيض فيك رعب خرج و هو لابس سروان جين كحل مع بودي بلعنق كحل مطرطق عليه مع كابة ديال جين و كونفيرهيرس بيضة و ساعة فاليد لحاصول جا وااااااااو 🤩🤩.
رش عليه شوية ديال ريحة ولي خاصة بيه و ميزاه على كلشي لي كيشما فيه كيدوب و هبط متاحه لطابلة في كالسة مو .
فهد و هو كيبوس لمو رأسها: صباح نور عمارة داري .
لالا نعيمة: سباح لخير الله يرضي عليك . غا شنو ماااشي انا هي عمارة دارك غولدي . ونتمنا نشوفها قبل مايدي مول لامانة امانتو.
فهد و هو عاقد غوباشتو : اش هاد لهدرة الوليدة على صباح . ( رخى ملاميحو فاش تفكر بلي رآه كيدوي مع اقرب إنسانة لقلبو) رآه باااقي لحال حتا نزوجوك بعدا و لا بايلي معاجبكش هاداك جارنا هههه رآه واخا شويرف نفسو باقا صغيرة هههه.
للا نعيمة و هي مضحك على هبال ولدها : سير لله يمسخك و انا كنقول ولدي كبر ودار عقلو خاااصو غا لمرى
فهد : اوا ستنايني تا ندير عقلي
خرج من لقصر و مخلى مو كتحلل و تفسر غا بوحدا مسكينة عيات معاه و هو راسو قاسح إذا قال لا فهي لا و حتى مو مقداتش تبدل فيه هاد طبيعة . ركب فسيارة من نوع بورش و قبل ماي ينطلق هبط لكوسان و رجاع راسو لور و غمض عينو لي يشوفو من بعيد كيبالو هادئ و لكن فداخل ديالو كاينا صورة وحدا هدي 14سنة و هي لاسقاليه فداكرة ديالو و مستاحيل تزول صورة بنت مراهقه بشعر طويل لونو مميز و عيون كبار ظاهرة فيهوم لبراءة و بستسااامة عريضة و ساااحرة مزينالها وجها 😍😍😍ابتسامة ماكانتش كاتفارق لملاميح ديالا . فاق من سهوتو على طليفونو لي كيسوني.
الشخص : سلام سي فهد سمحليا مي خصك دجي دابة لشاريكة .
فهد بملاميح جامدة: شواقع🤨🤨
الشخص: رآه ..ل..واليد دسياتك كاين فلبيرو ديالك
قطع فهد و هوا حابس راسو باش مينفاجرش  مجرد ما كيتفكر هاد لإنسان لكسميوه باه كيبغي يفقد لاعصاب ديالو كيتفكر كاع لحجات لي دازو و لي كيحاول ميتفكرومش زير بيدو على لفولون و قال بنبرة قاسية : غادي نجبرك و بقدر معزتك عندي غندم اي واحد كان عندو دور ففراقنا 😠😠
# باقي عندو امل أنه يجبر حب الماضي معرفش أن البنت البريئة لي خلاها هادي شحال ولات كتلة من القوة و عاميها الانتقام حيت بكل بساطة هي انثى تفنن الزمن فتعذيبها سلب منا كاع الناس لي بغاتهوم و جزاها بضلم و لقهر و بناس مفقلبهمش دارة ديال رحمة مسحة شي حاجة سميتها الضعف و الابتسامة من حياتها باش تبقا عائشة على هدف واحد هو الانتقام . وهادشي خلاها تولى اعند و اكثر تسلط و يمكن مايكونش فصاليح ديال لبطل ديانا ولا يمكن يكون هو الوحيد لي يقدر يتحكم فيها و فالافكار لي كدور فبالها.