#حياة_يتيمه 🔥

الحلقه الرابعه

#حياة_يتيمه

#الحلقه_الرابعه

#قصه_واقعيه
.
.
.
.
.
.
.
.
.
.
.
طبعا بعد ما مشو خواتي قعد بابا يمشي هوا وامي كل أسبوع لطرابلس عشان يديرله زياره وحياتهم تحسنت

وماما حملت بي اختي يلي اكبر مني واختي الكبيرة اسماء لما سمعت الخبر انصدمت وقررت انها ادير لامي شي عشان تخلي بابا يطلقها او هكي ماتبيهاش يكون عندها صغار 😞💔

ع طول مشت زنت ع خواتي اماني وهبه وقاتلهم امشو اقعدو معا بوكم لانا غادي خير  وتغيروو جوكم خير من هنا

مشووو خواتي وقعدو معا ماما وقعدو يتعبو فيهاا وهياا حامل وكان كل مره اطيح وبابا يجي يرفع فيها للمصحه يديروها في تغذية ويروحها بيها مشو شهور لين جابت امي 😍

كان بابا خاطره في وليد  بس الله غالب جابت امي بنيه ويلي هيا اختي يلي اكبر من وكان باتي فرحان بيها هلبااا  مش عارفه كيف😂

فرحه امي وبوي متتصدقش بي اختي بس خواتي كانووو مش فرحانين بكللل كان يفكرو في الورثة وبس😕

المهم باتي وامي قعدو يفكرو شن بيسموها قاللهم الدكتور هدي تشبه القمر سموها قمر😍♥️ وفعلا سموها قمر وروحو بي اختي للحوش وجو ناس وباتي دار عشي هكي وعزم ناس♥️

قعدو زحمه متاع اسبوعين ناس تمشي وتجي وكانو خواتي الزوز عندنا وفي وحده من النساوين عجبتها اختي اماني وجت بتخطبها لولدهاا

جت المراه وشافت اختي وزدات عجبتهااا وقالت شوفو روحكم وردوي علينااا ❤️

بابا: سال ع الولد وكان ولد كويس ويخدم ع راسه وماشاء الله عليه

وطبعا  بابا خدي راي اختي اماني قبل عشان باتي مايحبش يغضب باته في الزواج يخلي فيهن  علي براحتهم

وافقت اماني عشان كان تعرفه الولد وتحبه وجو الناس وتقدمو رسمي ودارو بيان كبير وكان الكل فرحان والجو كاين حلووو هلباااا😘

بعد شهرين من خطوبة وليد يلي هوا خطيب اماني قروو انهم يديرو عرس وبالفعل بابا دار عرس كبير لاماني  زي خواتهاا وجي خوي احمد حضر العرس 😍❤️

بالرغم انا من لما تزوج بابا معاش جي عاش كان مش موافق انا بابا يتزوج بس جي وسلم عليه وطلب منه ان يسامحه ❤️

داروو عرس اختي اماني وكمل العرس وقعد بابا وامي واختي هبه ف حوشنا وبعدين اختي هبه قالت بنقعد معا اختي أسماء ف طرابلس باتي وافق ورفعهااا غادي❤️

مشت قعدت غادي وكان بابا وامي فرحانين باختي قمر وديما يرقدو فيها معاهم ومش مصدقين انا عندهم بيبي 😂

مشت لأيام وكان بابا يخدم وكل مره يزيد من ربحه ويعوض ف خساره وكانو خواتي يجوو ويساعدوو فيه وهكي ومشي عام وحملت امي من جديد 😍❤️

  مشت امي للمصحه عشان تعرف بنت او ولد والفرحه لما قالولها ولد فرحت امي  هلباااااا لانا بابا كان يتمني انه يجيه ولد جت امي خبرت بابا 😍

باتي طار من الفرحه وكان مش مصدق بكل وروحو للحوش وهما فرحانين وبابا قال لأمي من اليوم معاش اديري شي واي حاجه تبيها تجيك لعندك

امي قعدت تدلع عليه وكان يوم تطلب في حاجه وبابا يقوللها من عيوني ويجيبلها فيهااا😂😍

بس للاسف ما كملتش الفرحه بابا كان كل شهر يمشي لطرابلس هوا وامي عشان يشوف عيلته غادي وخوته وهكي

مشي بابا وامي لطرابلس ومعاهم اختي قمر الصغيره

هدرزو وتعشوو وباتوو غادي وتاني يوم وهما مروحين لحوشهم

في نص الطريق دارووو حادث 💔💔

ع طول سعفو امي وبابا للمستشفى وكان بابا محصل كدمات علي راسه ووجهه واختي قمر كانت في السيارة من وراء وماوصل فيهااا شي

بس امي جت الخطبه من جيتهااا وعلي طوول دخلوهاا للعينايه وكان بابا مصبي ف الممر ويدعي انا مايصيرلهااا شي😥💔

شوي وطلع الدكتوور جي بابا وقال طمني يادكتور

الدكتور قدرنا نقددو الام بس للاسف الطفل فقدنااا 💔.

كان خبر قاسي ع بابا بحكم انا كان يراجي ف ولده الصغير بالدقيقه بس الله غالب هكي ربي كاتب، 💔😥

ماات خوي الضغير قبل لايجي ع الدنيا وخوي احمد جي للمستشفى ولقي بابا مقعمز ف الممر وحالته حاله جي وصبه معا بابا وجوو خواتي وقعدوو معا امي لين روحت للحوش 💔😥

مشوو ايامات علي الحادث وكان الوضع متوتر بس اختي الصغيره قمر كان تغير ع روتين الحوش وقتها كيف تتعلم تمشي وتجي جنب بابا وقعدت تشبح فيه لين بابا يضحك من دون قصد😂

مشوو ايامات وبابا رجع لخدمته من جديد وخوي احمد تزوج مراه تانيه لانا امل رفضت انه ترجعه بس للاسف طلق مرته بعد 5شهور من الزواج ومعاش تزوج بعدهاا💔

‎‎المهم بعد اختي قمر طق عمرهاا 3سنين ماما حملت بيا وبابا رفعها للمستشفى عشان كان خاطره في وليد

داروها الجهاز قالولها توام😂😂 بعدين  قالولها مش متاكدين بنت ولا ولد داي روحه😅

كان بابا فرحان ع عشان يحسابه روحه بيجيه ولد وقعد يوتي في كل شي وهكي لين جي موعد ولاده امي والكل يستني في ولد 😅لي حد ماشرفت اني‎ ع الدنيا....

#يتبع

من هنا بتبدا قصه حياتي وعمري ومن هنا رح يبدوا أحداث روايتنا🔥

#تحياتي_Marwan