#حياة_يتيمه 🔥

المقدمه

#حياة_يتيمه

#المقدمه

#قصه_واقعيه
.
.
.
.
.
.
.
.
السلام عليكم ورحمة الله رجعلتكم برواية واقعيه وهادي قصه حقيقية 100‪٪يعني مازدت عليها شي من راسي ورح نحكيها بكل تفاصيلها ورح تكون طويله نطولش عليكم ونبدو في المقدمة كالعاده💋

ملاحظه رح نتكلم بلسان صاحبه القصه كالعادة
.
.
.
رح نبدا في القصه من البدايه يعني من قبل لانولد حتي اني♥️

بوي اسمه محمد مواليد 60 من طرابلس شخص معروف ومحبوب من قبل الناس لانا كان معاملته معا الناس كويسه وديما يحب يساعد الناس ويلي في جيبيه مش ليه

طبعا بوي كان متزوج بمرته الاولي قبل لايتزوج امي وقبل حتي لانجي انا ع الدنيااا هادي

مرت بوي اسمه امنه مواليد 65 بوي كان يحب مرته هادي هلبااا بكل وخداها ع قصه حب واكيد انتو مستغربين لو يحبها عليش تزوج  في القدام بس رح تعرفو كل يلي بيصير في الحلقات الجايه♥️

خوتي من بوي كان عندي 4خوات بنات و2خوت شباب

احمد خوي اكبر واحد في العيله مواليد 85متزوج مرته امل وعنده بنيه حلوه، 😍

وبعدها  اسماء مواليد 88متزوج من ولد عمها وتسكن جنب حوش بابا وعنده 3ضغار ولد طبعها كويس ونحبها واحسن وحده في خواتي بس لسانها طويل وتتصرف باستعجال وتبي تمشي كلمتها ف الحوش😂

اختي سناء 90 متزوجه وعندها زوز ضغار وبعدها يجي خوي مراد 92 يقرا هندسة مستواه متوسطه يعني 😂شخص طيب ودمه خفيف  يحب العيله هلبا ومتعلق بي امه هلبا وكان ماعنداش في الكلام التانيه يعني الحشيش والدخان بس صار شي خلاه يخش عليه 💔😥

اماني94مش متزوج مكمل قرايه وقاعدة ف الحوش وهبه 96اصغر وحده في لبنات هيا دلوعه بس واعره ما يقدها حد السانها متبري منها✨

بوي كان حالته الماديه متريحه يعني معبي لانا لما كبر لقي بوه خادم عليه وهوا زاد وقعد يخدم وفلوس زي ماتقولو مايعدش فيهم بكل، ♥️

بابا كان عنده فيلا في طربلس وكان عنده حوش في الجبل الغربي يعني لما يبي يفوت جو الزحمه والمدينه يمشي للجبل ويقعد ايامات غادي

وعلي الرغم بما انا بوي كان معاملته كويسه معا الناس الا انا كان فيه ناس ما يحبوش😥  وكانو ديرين عينهم ع أملاكه وكل يوم يبو ياخدو منا فلوس بس بوي كان مش هامه حد داد عرس كبيره لبناته وولده وكان يجري ع خوي مراد بيش يتزوج بس مراد يفكرش في الزواج وكان شادها دهواري وخلاص😂✨

زي اي يوم عادي كان بوي يشرب في القهوة معا مرته ف الصبح يعني مرت بوي مزال انا قاعده ماجيتش ماتلخبطوش ♥️

بوي الحمدلله هكي تريحت علي ولدي وبناتي الزوز بس مزال مراد هدا مايبيش يتزوج

امنه:  اي والله الحمد لله وضحكت ضحكه خفيفة 😁

بوي خيرك شن في خيرا مراد

امنه مرته لاهوا يبي يتزوج وعنده بنت يبيها بس قالي توا نقولك عليها

بوي باهي فرحتيني وشاف لساعته لقاها الساعه 10بوي حي وقت ع المحل نوض جيبي مفتاح السياره من الدار ياامنه

امنه من عيوني 😚

ناضت امنه وخشت للدار بيش تجيب المفاتحين طولت

وبوي كان مستعجل وقعد يكلم فيها بس مافيش حد رد 💔

مشي يجري خش للدار ولقي مرته طايح ع الوطا ومغمي عليها

ع طوول اتصل بالاسعاف..... 💔 😥

وصلوو للمستشفى وكان.....

#يتبع

طبعا هادي المقدمه من الروايه بس وقاعد مابديتش في الاحداث نفاعلو معاها لانا عندي البداية اهم شيء 😚

#تحياتي_Marwan