#حياة_يتيمه🔥
#الحلقه_الخامسه
#قصه_واقعيه
.
.
.
.
.
.
.
.
.
.
.
لين جي موعد ولاده امي والكل يستني في ولد 😅 لي حد ما شرفت اني ع الدنيا 😍
جابتني اني والكل كانو يستنو في ولد بس طعتلهم اني كلهم ما فرحوش هلبا يعني
بابا كان خاطره في ولد بس حمد ربي وشكره عشان جت بنيه ومافيها شي يعني سليمه
قعدت في المستشفي يومين وبعدين روحو بيا لي حوشنا وقعدو يتعزمو ع مني يسميني😅
خالتي : قالتلهم سموها ريم والا ريان لانهم حلوات♥️
وماما قالت سموها ياسمين عشان كانو زمان بيسموها ياسمين بس جدي غير رأيه
بابا..قاللهم جداي هيا لي بتسميني جداي ام امي كانت تعز ع بابا هلبا كنت بنت بيضه وشقره وحلوه 😍
جداي قالتلهم لا عادي اختارو اسم يلي يعجبكم وسموها بس بابا اصر وقللها مش رح يسميها حد الا جداي يلي هيا ام ماما
جداي سمتني ملاك كانو يشوفو فيا زي الملاك صغيره وحلوه وفعلا سموني ملاك 😇
قعدنا في الحوش وجونا ناس هلبا وفرحو بيا بس خواتي من بابا كانو مايحبوناش ويضربو في اختي ع ابسط شي اديره بالرغم من أنها كانت صغيره وقتها 💔😔
قعدت نكبر بالشوي وكل يوم نتعلق بي بابا ونحبه هلبا وكل يوم بابا يشوف فيا نكبر قدامه ويجيبلنا في العاب وحاجات 😍مش حارمنا من شي
وقعدت اختي قمر كل يوم دير في عمايل كانت شيطانه هلبا مرات تلعب في الحوش وتكسر في اثات الحوش 😂
واني كنت عاقله هلبا ومانتكلمش بكل بس ومرات ندير في عمايل معا اختي لنا كنا اني واختي زي توأم بابا كانيجيبلنا في حوايج نفس بعض الوان نفس بعض وكل نشبهو لبعض شوي، 😂 بابا لما كان ياخد فينا معاه ويسلم ع صحابه يقولا شن يامحمد صلحت توام 😂
بابا هههههه لا والله بس هما يشبهوو لبعض
وكان بابا اي حاجه يجيلها لاختي من العاب وملابس وكل شي يجيبلي زيها ما يبيش يفرق بينا ♥️😍
ووقت كنا نديرو عمايل وبابا لما يسمع يجي بيضربنا ونهربو لعند ماما ايامات كانو يهبلو 😍♥️
وطبعا اختي هبه حتي هيا تزوجت وخواتي جوهم صغار وطبعا احني عشنا في حوش متع للجيل
جداي ام ماما كانت طيبه هلبا واختي قمر تعلقت بجداي وقعدت معاها وكان جداي لما تجي لحوشنا ع طول تحضن في قمر وتسلم عليااااا وديما واخدتها في حضنها ونا ماتسلمش عليااا زيهااا😥💔
مشو ايامات واختي كبرت شوي لعند وصل عمرهاا 7سنين وقتها كانت فرحانه عشان بتخش للمدرسه
أنت تقرأ
#حياة_يتيمه 🔥
Romansaتحكي علي حياة بنت عاشت حياتها وهيا يتيمه ومررت بظروف قاسيه زواج اجباري🔥
