(معاناة منذ الصغر)
🌻 evihadil 🌻
وُأنہ طألـ ألـِِتًمہنہيّــّ......
وردة:راحت عليه سنه واعتبروني راسبه..و عبدالله متحمل العيشة باربيل وراد يرجع واني هم اريد ارجع اكمل مدرستي لان أهنأ الإجراءات تختلف ولازم نقل ودراستهم تختلف عنا المنهج كله يختلف وعدهم كورسات وجانت الأسئلة الوزاري كلها اختيارات اني ممتعلمه على منهجهم قررنا وطبعا بموافقه أبوية ارجع اني وعبدالله اكمل الثالث اهناك رجعنا لبغداد وصلنا للبيت نظفته جان كله تراب وعبدالله جاب اكل من برا أكلنا وراسن رحت نمت من تعب الطريق والتنظيف مقاومت بلش الدوام وداومت ومروة جانت ناجحه راحت لصف الرابع مو ويايه وتعرفت على بنيه جانت كلش حبابه اسمها هالة ومشت اموري تمام ارجع انظف واطبخ لو مرات احظر الطبخه من الليل ومن ارجع بس احميها ......
وردة:ها عبود اشو اليوم جاي من وكت
عبدالله: يي اريد احجي وياج
وردة:احجي
عبدالله:اني لازم ارجع لاربيل
وردة:ليش
عبدالله:أبوية لگالي شغل ولازم ارجع
وردة:واني ومدرستي شنو تردون تروحون عليه هاي السنه هم
عبدالله:لا متروح عليج راح تبقين ببيت جدو ومن تخلصين نسويلج نقل وتقررين لو ترحين ادبي لو علمي
وردة:اهووو شراح يحملهم بس يلى اهم شي اخلص الثالث.....شوكت تروح
عبدالله:اسبوع الجاي
وردة: إنشاءالله خير ... من اجى موعد سفر عبدالله اني لملمت غراضي وقبل يوم من روحته وداني لبيت جدي أهل امي اهناك اعيش جان تعاملهم حلو ويايه ودللوني مخلوني اشيل گشاية وحاطيلي غرفه وحدي وأنواع الاكل يسوولي مخليني براحتي جان بالبيت عايشه بيبيتي وخالتي والطابق الثاني ساكن بيه خالي ومرته وعنده ولد وبنات اثنين عمرهم مقارب العمري والبنيه الكبيرة مزوجه هي اكبر مني ب ٦ سنوات صح جانوا مدلليني بس اني ابد ممرتاحه وضايجه دائما وابچي هواية بهذيج الفترة جنت كلش نحسه ومخنوكه واريد بس تخلص المدرسة حتى اروح لاهلي جانت بعدلي خمس اشهر واخلص من المدرسة وبوكتها جانت بسنه (٢٠١٤)وداعش جان مسيطر على الطريق واذكر وصل سعر التكت مال طيارة ١٥٠ دولار تقريبا هاي الايام كلش أكرهه ومااريد اذكرها هم ... خلصت المدرسة وطلعت النتيجه ناجحه بس مگدرت اروح لاربيل يم اهلي بسبب الأوضاع وداعش بشهر العاشر بدايته گدرت اروح لاهلي خالي دبر سايق يعرفه وأمين وخوش رجال وصلنا لسيطرة اربيل ومناك أبوية اجى أخذني لان هو عنده اقامه
وردة:هلو بابا شلونك حضنتها وبوسته ..اشتاقيتلك
ابو وردة:حبيبتي واني هم البيت محلو بدونج
وردة:رحنا للبيت بدلت وارتاحيت ورا اسبوع تقريبا راح عبدالله يمشيلي باجراتات النقل واني كلش متأخرة ع الدوام هما بلشوا بيوم ١٥ .٩. وراها عبدالله بقى ببغداد لان عنده كم شغله يخلصها يلى يجي دز كتاب النقل بيد سايق وابوية استلمها وكملنا الإجراءات ورحت اشتريت الزي جان تنورة كبس نيلي والقميص سمائي وليلگ نيلي وجواريب سمائي او اسود أو ابيض والحذاء تكرمون ابيض او اسود بس هذني الالوان المسموحه ..تعرفت على بنيه اسمها دعاء كلش حبايه وانطتني الدروس الفاتتني وصارت صديقتي وتعرفت على بنيه ثانيه هم اسمها هدير ..هدير نفس شخصيتي وتصرفاتي من شفتها عرفت حتكون صديقتي
دعاء:مرحبا اني دعاء صديقه وردة راح اعرفكم عليها شوية عن اطباعها داومت وهيه كلش متعصبه وهادئه ومتجنبه كل الطلاب بوكتها اني اجيت وساعدتها لان جانت جايه متاخر وفايتها شويه دروس فساعدتها ونطيتها الدروس ودفاتري وشويه شويه تقوت علاقتنه جانت عصبيه وشوية ام لسان جانت شاطره كلش وكل المدرسات يحبوها ومن جانت توكع بمشاكل بسبب غضبها او عدم صبرهه جانت المديره تنصدم تكولها انتي شاطره شجابج للاداره ومرة حجت قصتها بچت الصف كله ومن ومنها كلت ابد مراح اعوفها كانت انسانه عصبيه كلش وتتنرفز بسرعه وكانت الطالبه الي تكرهها وردة هاي الله غاضب عليها هههههه ومرة تجاوزت على طالبه وراحت الطالبه اشتكت عليها ووردة اترزلت حتى الباحثه الاجتماعيه حاولت تحل مشاكلها ودزت على ابوها وحجت وياه وليهسه اذكر من گلتله ليش هيج هاملها ...
مرحبا حبايب مثل مگلت هاي القصه حقيقيه وحجيت وية صديقه وردة دعاء وهي كلتلي ع الأحداث هم .اتمنى تعجبكم ..صوتوا وعلقوا وگلولي شنو توقعاتكم 💐💐
🌻evihadil 🌻
أنت تقرأ
معاناة منذ الصغر
Romansaقصة حقيقية 💖 كَلَ شّـيّّء تًُـمِـنٌيّّتًُـهِ لَمِـ يّّحً ـدتُ وُكَلَ شّـيّّء لَمِـ آآتًُـمِـنٌآهِ حً ـدتُ وُكَأنٌ آلَقدر يّّسًسًـخٌ ـر مِـنٌيّّ🖤
