معاناة منذ الصغر
🖤 evihadil 🖤
مَأّأّصٌعٌبِ عٌأّدِةّ أّلَعٌبِثّ فِّيِّ أّلَذّأّګرةّ مَأّقِبِلَ أّلَنِوِمَ
(وردة)
وردة:بقينا نتواصل اني وعلي وصار تواصلنا بشكل يومي اعتبرته صديق الي بس طبعا بعد الساعه ٦ مانتواصل لان أبوية واخوية يكونون موجودين بالبيت ومحذرته ميخابر الا اني ادگ يومي صار اداوم وأحضر اكل وتنظيف ومدرسة وانضاف ليومي علي ..علي احتواني وعوضني صارلي اب وام واخ وصديق وكان كلش محترم ويايه مافديوم سمعني كلمه مو حلوة جانت دائما اكو مشاكل بيني وبين أبوية وبهاي الفترة حجيتله عن كلشي آمنت بيه وكلشي يصير ويايه اكللهياه صار الأمان الي جنت أريده وانطاني الحنان الي فقدته والاهتمام الي ادور عليه ب( ٢٠١٥.٥.١) دكيت على علي رفضه ورجع هو خابرني
وردة:هلو شلونك
علي:هلا بوردة الحمدلله انتي شلونج
وردة:زينه الحمدلله شخبارك
علي: الحمدلله . ورد اريد اكلج شي
وردة:يي گول
علي:وردة تدرين الحب شي حلو والحب موجود بكل شي مثلا حب الأهل أو الأكل أو الأشخاص حياتنا بلا حب ولاشي. واني حگلج شي وإذا تقبلتيه اكون اسعد انسان وإذا لا انسيه وبقيني صديقج .. وردة اني احبج وسديته
وردة:هههه عزا هذا شبيه اشو كلي احبج وسده ههههههههه
بقيت مااحجي وياه لحد يوم ١٠-٥ دكيت هو رفضه ورجع خابرني
علي:وين هل غيبه
وردة:علي اني احبك وسديته بوجهه ههههه مثل مسوا رجع اتصل
علي:صدك تدالي سمعته
وردة:هههه يي
علي:عيديها
وردة:شعيد
علي:الكلمه الگلتيها
وردة: ياكلمه
علي:يوووه وردة گوليها اريد اسمعها
وردة:احبك
علي:واني اموت عليج واعشق واحبج انتي النفس اليصعد وينزل
وردة:هوب هوب على كيفك قلبي الصغير لا يتحمل كلهن سوا
علي:ههههه تدرين اني احبج من زمان من اول مرة شفتج انعجبت بيج بقيت افكر بيج واتناسيتج بس مرة سمعت اختي من تحجي وياج ورجعتي استحليتي عقلي وورا فترة اخذت رقمج من زينه وخابرتج وشكد عرفت بنات بس مجنت احبهم بس انتي غير حبيتج من كل قلبي
وردة:هههه اول مرة من شفتك ضجت منك لان هواي باوعت عليه
علي:يي شسوي غير كيكه وكاعدة گبالي
وردة:كافي ترا استحي راح أيده
علي:هههه لا لاتسديه بطلت
وردة:يي ... بقينا نحجي ووراها سديته مبقى شي على جيت أبوية حسيت نفسي طايرة ورجف قلبي ودعيت يارب لا تحرمني منه لأن علي ماكو منه شايل حنية محد شايلها بالدنيا كلها قبل رمضان تقريبا ب٥ أيام بقيت الوب حسيت استعجلت لان سويت علاقه وكمت اشك خاف ميحبني ويجذب عليه لو يعرف بنات وبالأخص اني مااحجي وياه بليل ثاني يوم خابرته
وردة:الو علي اريدك بشغله
علي:كولي قلبي
وردة:اريد نتعاوف
علي:شتكولين شنو تخبلتي
وردة:لامتخبلت شنو الي يضمنلي انت ماعندك غيري لو تحبني
علي:ولله احبج وماعندي غيرج
وردة:الكلام ماكو اسهل منه اني اخذت قرار اسفه مااكدر اكمل وسديته وبقى يخابر وماارد واجى رمضان صادف ٢٠١٥.٦.١٧ يوم الاربعاء وهم خابر واني مااجاوب بقى يوميا يخابر ومرتين جاوبته ويكلي متعوفيني اني احبج ومااكدر بدونج بقيت قافله لحد ١٥ يوم من رمضان گام ميخابر حسيت على الغلط السويته اني راح افقد جوهرة علي ماكو منه بقيت لحد مصار ٢٠ يوم على رمضان خابرته مكدرت اعوفه اكتشفت اني احبه وراح اكدر أنساه جاوب
وردة:علي اسفه ولله احبك ومااكدر بدونك
علي:ليش تاذيني ولله احبج وماعندي غيرج
وردة:اسفه بعد مااعيدها
علي:احبج
وردة:واني هم حبيبي
علي:ياروح حبيبج
وردة:من دخل علي الحياتي صارت حلوة صار بيها معنى حبيته ويوم عن يوم احبه أكثر من القبله ونهاية هاي السنه كانت سعيدة عليه كلش وفرحانه واجت سنه
(٢٠١٦)
وردة:نجحت لصف الخامس الاعدادي نسيت اكللكم اني ادبي وعلاقتي بعلي طورت هواية حبيته أكثر أحسه يمشي بدمي أحسه موجود بكل دقه من دقات قلبي ..وعلاقتي بأهلي نفسها متغيرت وبالأخص امي گمت كل فترة اخابرها اني جنت اخابرها بلهفه واتمنى تغير أسلوبها ويايه بس للاسف كل مااخابر انصدم لان تجاوبني ببرود اخر شي اني هم صرت باردة وياها بس هي تبقى امي مااكدر انساها خلصت العطله وبلشت الدوام والامتحانات وعلي غير شغله فتح محل تصليح سيارات ببغداد يعني انقل من كركوك لبغداد ومرت سنه على علاقتنا قررنا نتشاوف
علي:اريد اشوفج
وردة:واني هم بس شلون تجي وشغلك
علي :اعوف كلشي علمودج
وردة:اوك بس لازم احددلك وكت الي تجي بيه لان تعرف اني مو كل وكت اكدر ولازم وكت الدوام
علي:يي انتي امري واني انفذ
وردة:احبك
علي:واني هم قلبي
وردة:اتفقنا ع جيته راح اضرب الدوام ونتشاوف انطيته عنوان مدرستي جانت بعينكاوا والساعه الي يجي بيها واتفقنا نتلاكه بمطعم اللبناني لفه قريب على المدرسة جان دوام ضهري بدلت ب ١٠ ونص اجى الخط وأخذت موبايلي وصلنه للمدرسة ١١ونص باقي ع الدوام اجوا صديقاتي هم
وردة:هلووو بنات تعالوا وصلوني
البنات :وين
وردة:لمطعم لفه راح يجي علي
دعاء:يا امشي لعد حترحيله هيج
وردة:ليش شبيه
دعاء:ههه مابيج شي امشي
وردة:رحنا للمطعم بعده مواصل البنات اخذوني للحمام دعاء انطتني جاكيتهاطبعا الموعد جان بشهر الخامس والجاكيت جان صيفي هذا الخفيف لبسته وعدلوني هههه عبالك ديزفوني رحنا كعدنا ننتظره
وردة:دعاء حبابه اجى علي روحي جيبيه دليه على مكانه
دعاء:يي هسه نزلت جوا شفته رحت عليه انت علي
علي:يي اني
دعاء:تعال وردة تنتظرك فوگ انداريت وصعدت اجى ورايه وعفناهم وحدهم ورجعنا للمدرسة وورا ميخلص الدوام نجي نأخذها
وردة:گلبي صارت دقاته الف ارتبكت ولساني انعگد و .........
،،،،،،،،،،،،،،،،،،،،،،،،،،،،،،،،،،،،،،،،،
هسه نكللكم ليش اختارينه اسم وردة الياسمين لبطلة القصه
وردة:مرة داحجي وية علي وكلتله مااحب اسمي
علي:ليش هو اكو احلى من اسمج ليش متحبيه
وردة:مااحبه ميعجبني
علي:لعد راح اسميج منا ورايح وردة الياسمين
وردة:يي حبيته كلشي منك احبه ... اختاريت هل اسم للقصة لأن علي اختارلياه
هلو شلونكم ممكن تتفاعلون صوتوا وعلقوا 😘😘😘
يتبع..........
أنت تقرأ
معاناة منذ الصغر
Romansaقصة حقيقية 💖 كَلَ شّـيّّء تًُـمِـنٌيّّتًُـهِ لَمِـ يّّحً ـدتُ وُكَلَ شّـيّّء لَمِـ آآتًُـمِـنٌآهِ حً ـدتُ وُكَأنٌ آلَقدر يّّسًسًـخٌ ـر مِـنٌيّّ🖤
