قصة معاناة منذ الصغر
🌻evihadil🌻
مرحبا حبايب صوتوا وعلقوا حتى تنرفع القصه وتوصل لأكبر عدد💖💖💖
مرحبا اني اسمي وردة الياسمين (بعدين راح تعرفون ليش اختاريت هذا الاسم) مواليد ٩٨ من سكنه بغداد عائلتي متكونه من ٤ أشخاص امي وابوية واخويه عبدالله واني ...امي وابوية تزوجوا عن حب واحنا ثمرة حبهم.... أبوية كان مصور وامي ربة بيت...چنا مثل كل عائله بيها حب وحنية ودفوا وعطف وطبعا متخلوا من المشاكل ...أبوية وامي صح جانوا يحبون بعض وزوجوا على حب بس مابينهم تفاهم اثنينهم عصبيين ويعاندون وب٢٠٠٦ زادت مشاكلهم والجو توتر حتى اثر علينه كان عمري ٨ سنوات بيومها تعاركوا عركه جبيرة وأمي تعيط وتصيح وهو هم نفس الحالة واني واخوية نتفرج واني ابجي كلش خفت ...امي خابرت على خالو ورا مااعرف شكد ندگ الباب وطلعله أبوية وتعاركوا وامي لبست عبايتها واخذتنا ورحنا وية خالو طبعا ورا هاي المشكله انفصلوا وبقينا ويه امي تفرقنا عن أبوية اصعب شي هو انو اهلك ينفصلون وتعيشون ويا واحد منهم صح جان عمري صغير بس افتهم الي ديصير اتفككت عائلتنا صح نشوف أبوية بس مو يوميا وعشنا بيت جدي حسيت جزء مني انفقد فجاءة راح الحب والعطف والحنيه جنت طفله بس دائما وحدي ماكو احد يعتني بيه كلها مشغولة عني ورا فترة امي سافرت للبنان وعافتنا وانگطعت علاقتنا بيها ووراها عرفنا بيها زوجت وراحت ويه زوجها للسويد ورجعنا يم أبوية جنا عايشين ببيت وحد كل الوقت وحدي اخويه لو ويه أبوية بالمحل أو ويه أصدقائه وابوية هم بالمحل محد يهتم لا من أهل امي ولا من أهل أبوية حسيت محتاجه أحد يكون بجانبي محتاجه ام جنت اذكرها دائما بس هي ولا مرة خابرت وسئلت عبالك ماعدها بنيه وولد نستنا وراحت بقت غصى بقلبي جنت اتمنى عندي ام تگعدني وتبدلي وتوصلني للمدرسة ومن ارجع تبوسني وتهتم بيه جنت اتمنى امي توعيني على الصح والغلط جنت اتمنى امي تشبعني حنيه وحب نطلع نفوت احجيلها أسراري اتمنى امي من اتمرض تسهر عليه ويضل بالها وتخاف لايصير بيه شي محسيت بحنان الام ابد بس اسمع بيه واشوفه من أمهات صديقاتي والطالبات يجون يطمنون على بناتهم لو يتلگوهم بباب المدرسة بوس وحضن لعد ليش اني هيج ماعندي ام أبوية جان حنون بس هم علاقتي بيه مو كلش وويه اخوية هم هما دائما مشغولين عني أبوية أول كم سنه هو متولي البيت لان جنت صغيرة ومااعرف اسوي شي بس بعدين تعلمت ورا سنتين وشوية صار التنظيف والأكل عليه.جنت دائما احس بالوحده ادعي ربي يعوضني ....
((((2012))))
وردة:صباح الخير بابا
ابو وردة :صباح النور سويلي ريوگ قبل ماترحين للدوام
وردة:يي هسه احضرلك
ابو وردة:گعدي عبدالله هم عنده دوام
وردة:تمام ... حضرت ريوك وگعدت عبدالله جنت لابسة ملابس المدرسه دوامي صباحي سويتلي لفه وطلعت رحت لللمدرسة گعدت بالرحله صفنت
مروة:بخ شبيج اربعه وعشرين ساعه شايلة هموم الدنيا فوق راسج
وردة:جفلت ..شبيج خرعتيني ..ههه وهذا شي موجديد شايلىة هموم الدنيا
مروة:اضحكي يمعودة الدنيا متسوا
وردة:صحيح الدنيا متسوا ....دك الجرس وبلشنا بالدروس خلصنا طلعنا للبيت اني غير البنات ماارجع للبيت الكى ام مسوية غدا وتنتظرنا نجتمع ووراها انام لا اني ارجع اطبخ وانظف وانتظر أبوية واخوية يرجعون يتغدوون ويرتاحون ساعه ويرجعون يطلعون من يطلعون اني اروح انام وهما لل ساعه سبعه يلى يجون ومرات أكثر بس تعودت ...
—
¤÷('[¤*مؤلم عندما يقول لك الناس كن قويا
وليس لديهم اي فكرة عن صعوبة ماتمر به
ف يارب لاتحملنا مالا طاقة لنا به💮*¤]´)÷¤—
أنت تقرأ
معاناة منذ الصغر
Romanceقصة حقيقية 💖 كَلَ شّـيّّء تًُـمِـنٌيّّتًُـهِ لَمِـ يّّحً ـدتُ وُكَلَ شّـيّّء لَمِـ آآتًُـمِـنٌآهِ حً ـدتُ وُكَأنٌ آلَقدر يّّسًسًـخٌ ـر مِـنٌيّّ🖤
