واحد مرة كنت قاعدة في شومبرتي ... حتى نسمع كي شغول بكى برا ... تشوكيت شكون راه يبكي .... خرجت برى لقيت خدامة فارض تبكي نتخلعت ...رفدتها و دخلتها لدار و بقيت نهدي فيها
انا: واش بيك تبكي قوليلي
هي: سمحلي مدموازال لي ديرنجيتك
انا: ايه نورمال احكي واش عندك ضربوك؟
هي قالت ايه براصها و طرطقت ببكا
انا: علاه ؟؟؟؟!
هي: دربني شاف نتاعي ،حقرني، و خلا كامل خدمات، دايما انا لي ندير كلش واش سبب لاني يتيمة .. تالية فيهم عطاني هاد برية نتع تهديد و بوص لوكان يشوفها راح يقتلني
انا: علاه يقتلك واش فيها هاذ برية
هي: هي برية رسلها سي **** و هو عدو كبير لهاد قصر رسل تهديد للبوص
انا: هييه و نتي واش دخلك فبرية و علاه تبكي على جالها
هي: خطرا صرات هاك و واحد خدام مد برية للبوص و قتلوا قدمنا حيت انوا بوص كي يتنشع يقتلنا قاع و راني خايفة (و طرطقت بلبكى )
انا: خلاص خلاص دوك انا نفريها ، نتي قعدي هنا ديري لي حبيتي رقدي كلي نورمال اوكي
هي عنقتني بقوة و قاتلي: ربي يحفدك مدموزال
انا حسيت بافتخار لاني فرحتها بصح دروك بقى البوص راحت عليا معاه بسور... خوفتني هدرتها عليه راح
رحت عندو و دخلت 🙄
انا معرفتش كيفاش نبداها: جبتلك خبر ميفرحش
هو:؟؟؟
انا: بصح توعدني مديرلي والوا؟
هو: واش هو الخبر واش درتي
انا مديتلو برية و شدها و يشوف فيا بتساؤل ... شاف هاك عرفها بلي تهديد .. درب بيروا بيديه .. و انا نخلعت و معرفتش نخرج و لا نقعد رجليا تلفتهم ...
هو: مراحش يطلقني في حياتوا كامل (يهدر مع روحوا )
رفد صوالحه و خرج و جبدني معاه باش 😐 وين راح يديني هادا ... راح لطنوبيل
هو: طلعي
انا: لوين؟
هو:(خزر فيا نتع باغي راس يطير)
انا طلعت نجري .... طريق كامل و هو ساكت يخمم و يجري بطنوبيل ... انا خلاص راح قلبي حبس
هو حبس طنوبيل في وحد قصر كبير و معمر لواطة نتع lux
هو: قعدي هنا راني جاي(و راح )
انا وتفك هدا علاه جابني حمبوك 😑
بعد قريب نص ساعة باش خرج كان باين كاره حياته جا عندي قلي اخرجي ... انا خرجت ... و هو قالي تبعيني . .
غير بشوية باش ميفيقوش بينا داني لوحد بلايص بزاف و بينين سريين و قالي هادو حفضيهم مليح مبعد نفهمك .... و رجعنا لطنوبيل و رجعنا لقصر ...
غير دخلنا جا اياد و لوكاريوا يسقسو ... بعد محكينالهم
داني بوص لبيرو نتتاعوا و فهمني واش هادوك بلايص
و قالي راح تعاونيني باش نديروا خطة🖤 باش ننتاقموا من هاد شخص... قالي برك عامة واش راح يدير
هو: راح تكون كيما خطة لي فاتت ...
انا: كيفاش راح نكون حبيبتك (اوياااااا 🤦🏽♀️ دوك يحسبها حجا ودوخرا )
هو:😏.... نو خطيبتي
انا:😳......
هو: ايه بيسك لي ننتاقمو منوا مراحش يخليك دخلي الى والى كنتي خطيبتي
انا: احم حم (حشمة مقدرتش وليت حمرة )
هو راه ملاحظ اني حشمت و فاق بيا : و راح نديروا حفلت خطوبة قريب 😊
انا:😶 ايه ايه و زيد بعدها(نهدر و نتهرب بعينيا )
هو: بعدها نديروا خدمتنا ... و ندخلوا لداك القصر و بعدها نزيد نخمم ... فهمتي؟
انا: ايه فهمت خلاص نجم نروح
هو : ايه😏
انا( خلاص قلبي حبس و ليت حمرة و عرق بيسك عرفته بلي فاق بيا و حشمت منوا دروك مراحش قاع نقابلو😭)
خرجت من عندو و خرجت نهدر وحدي كالعادة
لوكاريو: سلين
انا درت عندوا
هو: ايه صفا
انا:وي
هو: واش بيك كنتي تهدري وحدك؟
انا:😳 نووو
هو: ايه صحا معليش راني مصحقيك منا على 2 سوايع
انا(نخلعت بيسك كانت 7 نتع ليل و منا على زوج سوايع يكون ليل ) : علاه؟
هو: 🤷🏽♂️ يعني سحقيتك في حاجا مهمة
انا: اوكي اوكي ( و مسوسة منوا)
بعد شوية قفلت 2 سوايع و رحت عندوا كان تحت ف جغدان
هو(شاف ساعة) : نيشان فوقت
انا(ضحكت)
هو: برد هنا نو نطلعوا فوق شمبرتي
انا:😳..ايه اوكي مش مشكل
هو داني لشمبرتوا كانت شمبرتوا شابة بزاف يعني ستيل هبال
هو: امم قعدي هنا راني جاي
راح و جاب معاه الما و ويسكي
انا:😳 منشربش !!
هو:🤨 مي داك نهار شربتي ؟
انا: ايه باش نتا تشرب داك سم
هو:😑( متمشتلهش الخطة لي بغى يديرها )
انا: اممم... واش كنت باغي تحكيلي
هو: وي... نسيت حبيت برك نعرف على حياتك يعني قبل مدخلي للمافيا (و يشوف في عيني )
انا: عادية يعني نقرى ندخل لدار نرقد عادي بزاف
هو: مممممم..... مكانش عندك حبيب
انا: نوو جامي لكان عندي حبيب
هو: 😐 srx !!! كيفاش وحدة كيما هاك يخلوها
انا: ايه ... في جزائر ميحبوش وحدة كيفي يعني وحدة سمراء يعني يحبوا وحدة شقراء و بيضة و شعر صفر الى هنا في اطاليا يحبوا بلاك جوغ نتاعي 🤷🏽♀️
هو: وي صح نحب بزاف زين هاك ، هو صحا عجباتك حياتك هنا؟
انا: اممم نورمال على اقل راني بعيد على خطر
هو: بعيد على خطر !!!! علابالك لوكن دروك يدخلوا بياري و بولسية تكمليها حياتك فحبس ؟
انا:☹ صح ؟
هو: ايه حسبتلك ساهلة تقعدي هنا
انا: بصح خير ميدوني مافيا ودخرين و يقتلوني
هو: ايه صح راني معاك
انا(شفت فساعة ): اممم ديجا العشرة .. اه خاصني نروح
هو(بخيبة الامل) : دروك
انا: ايه... امممم.. خطرةى جاية نديروا فيها سهرة
هو: صحا صحا اوكي و مغسي لهاد ليلة شابة(و يقول في قلبوا جاي نهار و ترقدي بين يديا)
( متنسوش انو كي نهدر مع لوكاريوا نهدر معاه بانجليزية)
المهم ... للغدوة صباح كنت راقدة في امان ربي و يخلعني اياد كيما مداري 😑
هو: ايوا عروستنا نودي (و حل ستار)
انا: حمبوك اياد خليني نرقد
هو: اوكي نخليك ترقدي و نشوفوا شكون راح يخطبوا البوص
انا بخلعة: ليوم الخطبة
هو: وي ليوم نودي وجدي روحك خفي راه كلش واجد لبسة كلش
انا: اوكي راني نايضة بفففف
هو: اممم ... و عندي خبر ليك شباب مبعد نقولهولك
انا: صح؟! نو قلهولي دروك
هو: منبعد(و خرج)
نضت انا و فجأة تفكرت بارح و عاود تكسلت و انا نهدر مع روحي وزبلة لي درتها حتا عاود رقدت .... شوية هاك حسيت حجا حنينة على وجهي تمر على وجهي ... انا عرفتها بلي اياد سامط ... بعد شوية تفكرت بلي مشي لي اياد هو لي يكون حنين و تفكرت لوكاريو و بزيادة يشوفني فهاد الحالة 🤯 دورت وجهي و حليت بشوية عيني لقيتوو .... 😳
هو: لالة راهي راقدة و انا نقارع ☺️
انا: لا مشي افهم
هو: اممم ؟
انا: كنت عيانة ورقدت
هو: و دروك باغي تكملي رقادك ؟
انا جيت نايظة تفكرت راني لابسة شورط قصير بزاف
انا: راح نوض
هو: راني نقارع
انا: مشي راح نوض باش نبدل قشي و قاع
هو: اييه فهمتك
انا: اياااا
هو: ايااا واش ( ناض و جمع في بلاستي ) راني نقارع
انا:ب.....
هو: واش مزلتي تهدري!!!!
اناخفت على ناقشو و مكان غير عليا نوض هاك و حشمت باش نقلوا بلي راني عريانة .. نضت و انا ميت بحشمة و نسيي نهود شورت و نستر فخادي ... و هو قاعد بكل حياء يوشوف و مركز معايا 😑 حتى هربت لل صال دو بان ... كلب ميحشمش
.........
بعد مراح اياد نوض سلين... راح عند بوص قالوا راهي جاية... قارع بوص مدة طويلة و كره قرر يروح عندها دخل لشومبرتها لقاها كي ملاك راقد (تصويرة💙💙💙🖤)
أنت تقرأ
عالم المافيا 🖤🔫🇮🇹(مكتملة)
Acción#1 chronique 💞💕 (💙 بلهجة جزائرية💙) جمعهم القدر كل منهم ... كل القى مكانته من حيث المشاعر و مكان... خطفها فخطفت عقله و اصبحت نقطة ضعف لاقوى و اذكى زعيم مافيا ... 💙 للقارئ : _ اسف على اخطاء الإملائية _ يمكن البداية تكون مملة فقط اصبر لنهاية فهن...
