عالم المافيا 🖤🔫🇮🇹(مكتملة)

نهاية 🥺❤

المهم للغدوة وجدنا روحنا مليح حسينا مليح بلي راما نكون عرسان 😍 كان لابس كوستوم خارج عليه هبال مع جسم نتاعوا يهبل
انا نسقملوا في قمجتوا : افففف ... علاه دايرين عرس يلبسوا فيه هاك والله لوكان نسيب نلبسلك جلباب ☹
هو يضحك (يا يما على ديك ضحكة) : مام انا لوكان راني درتك في قلبي واحد ميشوفك .... ايا خلاص راكي واجدة نخرجوا ...
انا: ايه .... علابالك لوكان دروك شرطة راهي تقارع برك نخرجوا باش يرفدوكم 😂
هو:  مام الى صرات نديك معايا للحبس باش مانقعدش موسوس الى كاش واحد توشاك ولا
انا: و يا عمري كي يغير .... ايا نخرجوا راهم يقارعوا...
خرجنا برى للحديقة كان قراف غاشي هبال و كان كاين تماك برك رؤساء معروفين ب بيع و جرائم و قاع .... طلعنا للمنصة هو شدلي يدي و بقا يهدر خبرهم انه راح يحبس الخدمة و راح يعيش معايا في منطقة امنة و مليحة لولادي ...كمل و  نخب على اياد ...بعد قدبنا موس( سكين) و قطعنا القاتو(كيكة)  كيف كيف و مع بعد يد فوق يد ... دار عندي شدلي يدي و يشوف في عيني كأني وحيدة لكنت في ديك منطقة
قال من قلبوا كأن اخر كلمة يقولهالي: نحب.....
حبس كلمة ....حط يدو على قلبه و شاف يده كانت معمرة دم .... شاف فيا و طاح ... انا هودت و نطلب ربي ميكونش لي في بالي صرا نحاول نفيقوا و نوضوا ... كلش تبلع عليا نسمع برك تواغ و وحدين هاربين سمعت اسمي من شخص حسيتوا انوا يقصدني في حجا
هو: سلين لي درته علابالي بلي مراهوش مليح لكن فكرة نتع تزوجي واحد غير متقبلتهاش سامحيني
دار كابوس على راصوا :نعشقك سلين
........
كانت اخر كلمة قالها بعد مطاح فارض معمر دم....سلين معرفتش واش دير زوج ماتوا قدامها واحد تحبوا و واحد يحبها مكانتش متقبلة هاد الشي كل مصرا انها طاحت غشوة....
*
هي دايخة راصها يضرها : اه واش صرا
شافت واحد باين شيباني و كبير
هي تفكرت كلش قدبت داك راجل بعنف و تهدر معه بامل و خوف: راني نوم صح ياك؟؟ قلي بلي ادم راه بخير قلي حمبوك قليي (و قدبتها هستيرية من بكا )
يهدي فيها داك راجل حاس بالم نتعها مليح...
بعد ما صرى سلين دخلت في اكتئاب حاد كانت وين تروح تسمع صوتوا و وين تروح تتخيلوا كان ساكن في عقلها ملامح نتاوعه صوتوا كلش كلش راح تهبل حبت تقتل روحها.... بسبت هاد الاكتئاب الحاد طاح طفل ... خلاص كلش بدا يروح بكات و بكات بزاف كانت اخر قطعة منوا راحت....
*
تتمشى برا شعرها طالع لابسة ملابس نتع رجال باينة نتع ادم ، تمشي و تعاير فناس ناس كلهم يحقروها كلهم يديروا فيها ديعيات على انها سحارة و شيطانة واش ذنبها اذا حبت و هبلت ؟ ناس مي يحسيوش بيها و لوكان يعرفوا  حكايتها يبكوا دم .... اييه... سلين هبلت و ولاة متشردة و نسات كلش دارها عائلتها حياتها بسبة اودوية لي كانت تشربهم لكن حجا وحيدة منساتهاش هي ادم لي حباتوا من قلبوا ... لانوا سكنلها في قلبي مشي في عقلها باش تنساه ....  سلين خلاص مولاتش سلين ....
*
اياد صاحب بهجة و سرور خلاص راح بسبة الحب بسبت طرف تاني لي رفضه  ... وسلين لي كانت وحيدة لي دخلت لقلب بوص وحيدة لكسرة جليد و برود  نتع قلبوا لي هو اسد و صاحب غرور ..كل بنات كانوا يتمنوه لكن انتهى بيه مطاف بموت بسبة صاحبوا و خوه لي حب مرته و حبيبة قلبه .... ايه هدا الحب ....
اما قصر لي كان معمر ضجة كبيرة من عمال و تلاتة اسود لي متحكمين بيه(لوكاريوا و بوص و اياد) و لي كان حامل اسم فخم من صاحبوا لي كان محافض عليه و حاروسوا من اعداء و لي كان حامل اقوى جيوش و افراد مساهمين لمحاربة اعداء ... درك راه ساكنوا غير ريح كلش خاوي مبقا فيه حياة خلاص ... بعد ما كان حامل اسم قصر فخامة  .. ولا اسموا قصر مسكون .... 💔

◇◇◇◇◇◇◇◇◇◇◇◇◇◇◇◇◇◇◇◇
اسف.....🥺💔

سامحلي على نهاية والله ❤ المهم نحبكم مكنتش باغية نكمل قصة مي كاين وحدة شجعتني باش نكملها و مغسي..... svp فوتيو و كمونتوا باش نحط رواية اخرى...و اسف مرة اخرى على نهاية لي درتها و ايضا اسف على اخطاء الإملائية و الى رواية فيها انتقاد قولولي بنصيحة

بحيث هادي  رواية ثامنة لي كتبتها في حياتي و اولا لي كتبتها فوتباد

🖤و شكرا لكم