حب بعد زواج أجباري🔥🔥🖤

الجزء السابع🔥🔥

..
..
..
..
..
..
7
..
..
..
..
..
..#ليتني استطيع ان احتفظ بك لي وحدي ؛
اعذر انانيتي ف انا اعشق ما املك وانت جزء مني ❤🙈

وطلعنا عشان نركبو انا تميت ندور في اياد عشان نركب معاه بس ملقيتش شوي وحسيت بيد تسحبني ع جنب شفت وكان اياد
اياد : تعالي نا هنا كنتي دوري فيا صح؟
انا ابتسمت : اي كنت ندور فيك
اياد ابتسم وخذني لسيارته ركبت معاه ومشينا ووصلنا نزلنا بالحاجات وحكينا مع هل ساره وخشت وهي منحرجه ع اساس وقعدت جنبي وحكينا شوي وبعدها صبت وطلبناها رسمي وقالو نشاور باتها وخوتها ومن هالكلام وحكينا شوي بعدها رن عليا اياد وقالي انهم برا سلمنا ع الكل وطلعنا ركبني معه وحدي والباقي ركبو مع هيثم
وروحو بس نا واياد مشينا في طريق ثانيه
انا : وين واخذني
اياد : عنديش نيه نشوف العيله وممبيش نقعد وحدي هناخذك للبحر نكسد نا وياك غادي شن رايك
انا : كنت هنرفض بس دامه فيها بحر مفيهاش رفض لحكايه 😹😹❤
اياد ضحك وتكا ع مطعم وجاب نصاص ومشروب ومشينا للبحر ووقف ع الشط
اياد : منظره حلو هك
انت : اي صيف بدا
اياد : اي رمضان قرب
انا : اي مزال اسبوعين
اياد تنهد : قبل متعودين نصيمو اول يوم مع امي وباتي💔
انا مسكت يده شافلي : ربي يرحمهم وابتسمتله : اول ارمضان نصيمه نا معك
اياد ابتسم واتكاء ع الكرسي : اي اول ارمضان بس الغريب انه لنا توا ثلاث اسنين ونص متزوجين وهذا اول ارمضان لنا مع بعض
انا : اي عباطه كان سمعنا حد 😹😹😹💔
اياد ضحك : اي 😹💔
وقعدنا ساكتين شوي
اياد : ارام ممكن نحكو بصراحه مع بعض
انا : اي اكيد
اياد : عمرك حبيتي حد بحياتك ؟
انا سكتت شوي : اي حبيت
اياد قلبه وجعه : اها شن اسمه
انا : مش هنقولك
اياد : ليش
انا : لانه يخصني بروحي
اياد : اها به
انا : وانت حبيت
اياد : اي
انا غرت : من هي
اياد ابتسم : وحده خذت عقلي وقلبي وكل سعادتي متعلقه بابتسامتها تصدقي مجرد بس نسمع صوتها كمية السعاده اللي نحس بيها مش هتتخيليها عيونها بحر مليان سحر يسرق فيا ويجذب فيا شورها كلها هك مش بشر ملاك جنالها مش طبيعي وضحكتها وخذ نفس وابتسم : ضحكتها ترد الروح وتنشر كمية فرح مش هتتخيليها
انا نشوفله كيف يحكي بحب وهيام وقلبي يوجع فيا وحاسه بشعور واعر بكل حاولت نبين روحي طبيعيه ومش هامني : تحبها واجد
اياد شافلي : نعشقها عشق
انا : قوللها انك تحبها
اياد : ميصير شي لانها تحب غيري
انا شفتله : تحب حد يحب غيرك
اياد : القلب وما يهوى شن تقولي عد
انا :انت سالتها
اياد : انتي ادعي انها تحبني مستقبلا
انا من وسط وجع قلبي ،: ربي يخليها تحبك وتسعدك 💔
اياد ابتسم : أمين
انا : ادي يلا نروحو
اياد : خلبنا شوي اخرى
انا : اوك
وقعدنا ساكتين شوي
اياد : به شن اول حرف من اسم حبيبك
اانا : الف
اياد : والثاني
انا : مش هنقولك خلاص
اياد : به نعرفه نا او هو يعرف انك تحبيه
انا : لا للاثتين
اياد : يلا نمشو
انا : يلا
وروحنا للحوش ونحن الاثنين غيرانين ونفكرو خشينا ومكانش في غير هيثم لانه الباقي روحو
هيثم : وين كنتو ازح
اياد : نبيش نشوف اللي اسمهم هلك
هيثم : اياد يا راجل هلك حتى انت
اياد ،؛ لا وتصبحو ع خير ومشاء فوق
هيثم : كنه قالب وجهه
انا،: درعنه
هيثم " نسالك شن جو ساره 😅😅
انا :فرحانه بس دايره روحها متحشمه 😹😹😹😹💔
هيثم: 😹😹😹😹 نمشي نكلمها نا 😅❤
وطلع نامشيت للمطبخ وخذيت شوكلاطه ورقيت خشيت لقيت اياد راقد في داري سلحت وشاحي والعبايه والكاويش وقعدت نمسح في الميك اب حولته وخذيت توته كات وشرت ومشبت دوشت ودرت لوشن ومرطب ومعطر ولبست التوته وطلعت لبست متاع الصلاة وصليت اللي فاتني بعدها مشيت خشيت جنب اياد وغمضت عيوني ورقدت طول
بعد عشر دقايق اياد التفت عليا بشوي لقاني راقده ابتسم وباس جبيني وباسني بشوي وكرني الحضنه ورقد مرتاح