عشك الشيخ علي

البارت التاسع

هلو حبايب رجعنالكم ببارت جديد ...تصويتكم من فضلكم.
انه المستاحش المتعوب 😢
الغريب 💔
البعيد 😑
التايه
ابلا رأي
المغركهم العطشان 😇😇....

.............

مهره : نمت وانه شابكه شماغ شيخ علي حبيبي وفرحانه وهم ظليت افكر انو انه راح اتزوجه واعيش وياه بنفس البيت ومنو كال امي ترضه خاف تكلي جبير عليج وووووتفكير عميق منا لمن نمت....

شيخ علي : وصلت بنيتي وحبيبه كلبي مهره لبيتهم وانطتني كلادتهه بيهه فراشه وجناحهه ازرك وبقيت طول الوكت فرحان احس توه الهوه يدخل بريتي ورحت لمضيفي وكعدت ....

وكالعاده اجو اهل الديره بليل يتعللون يمي وكهوه وسوالف دافيه ..

ضاري : شيخ شيخ وين صافن الوادم انتبهت عليك

شيخ علي : صافن افكر بمهره وامسح بشواربي ورايح بغير وادي منا لمن ندسني ضاري ...

ضاري : شيخ شمالك شيخ ال .... حاجاك وماجاوبته

شيخ علي : اااه اسف العفو شيخ اشويه حسبه ابالي

شيخ آخر : اي شيخنه صافن صافن هليام امورك مو تمام

شيخ آخر : ههههه جنك عاشك وطايح يشيخ علي

شيخ علي : يمعودين كولوا ياالله والله حسبه أبالي
الكل : هههههه الي يهدي بالك شيخ .....

مهره : كعدت الصبح كلي طاقه وحيويه وخرت شماغه من على صدري وشميته عطره يرد روحي وكمت ضميته بالكنتور وبدلت ورحت للمدرسه انه ورفل اختي وحمودي صارت طلعتنه سويه ...

شيخ علي : بعد ماراحو الزلم من المضيف ضحكت على روحي من الناس تحاجيني وانه مو يمهم وطبيت للبيت وصعدت لغرفتي مددت وجان اطلع كلادتهه واخليه بين اديه وابوسهه وهيج اعز من روحي كلادتهه صدك رديت مراهق بعد ماشاب راسي افااا والله ولفيت راسي ونمت ...

كعدت الصبح ..

شيخ علي : صبحج الله بالخير يمه شلونج

ام الشيخ : هلا يمه صباح العافيه أتريك اكلك لكمه

شيخ علي : لا يمه مااشتهي مستعجل يلا ساره كومي اوصلج بدربي

ساره : جايه عمو

شيخ علي : وخذت ساره واريد اوصلهه للمدرسه على امل بلكي اشوف مهرتي وبنص الطريق

ساره : عمو عمو اوكف هذوله مهره واخوانهه خل نوصلهم بطريقنه عفيه

شيخ علي : ملتهي اسوق وساره كالت مهره وخوانهه خل انوصلهم اجتني من الله كتلهه يلا بس خل ادكلهم هورن ويصعدون ..

مهره : جاي امشي انه وخواني واسمع سياره ادك ورانه والتفتت واشوف

ساره : مهره مهره صعدوا خل نوصلكم