عشك الشيخ علي

البارت العاشر ..

ورجعتلكم ياحبايبي بس تصويتكم فدووه يحفزني اكتب ... ❤الاصيله 💌

لا عاد الصبر يلجم مصب العين 👀😢
ولامثل الخلك بدموعنه أنمثل

طالت والعمر
كلما تلف يطول ..
غم ذاكه العمر من ينكضي اتعلعل 😑

وفي بيت الشيخ علي ...
ساره : بابا عكب باجر عدنه سفره مدرسيه فدوه خل اروح ..

كاظم : اي بابا روحي عادي تونسي بس من بعد قبول عمج علي لان هو بمثابتي

شيخ علي : خطيه خل اتروح تتونس ويه البنيات اي عمي روحي قابل

ام ساره : ساره من هسه مو تصعدين لعبات عاليه وتجيني دايخه ووجهج اصفر مثل العام

ساره : اي يمه مااصعد ويه مهره اظل اتمشى

شيخ علي: بكلبي ها مهرتي هم تروح وياهم

مريم : من سمعت ساره تريد أتروح ويه مهره سفره كلت اييي فرصه خل اروح وياهه للسفره واشوف مهره شنو شلون شكلهه ..ورحت حاجيت ساره

مريم : ساره ساره فدوه عندي حجايه وياج

ساره : ها مريم كولي🤔
مريم : فدوه انه ضايجه خل اروح وياج للسفره عكب باجر

ساره : خيه والله ماادري المديره كالت لاتجيبون أخوانكم الزغار 

مريم : صدك جذب هسه انه ازغيره

ساره : خيه والله باجر خل اسألج المعاونه واكلهه يصير اجيب وياي كرايبنه جبيره بلكي تقبل .

مريم : اي فدوه سراوي والله ضايجه

ساره : اي بس انطيني كروه خمسه تالاف خاف تقبل ترحين وماعندي خمسه

مريم : اي اي هسه اجيبلج بجنطتي عندي ....بس توسلي بالمعاونه فدوه خل اروح

في بيت مهره ...

مهره : يمه يمه عكب باجر عدنه سفره شأخذ وياي اكل

رفل : اي يمه حتى انه اريد اروح وياهه

ام اليسار : خوش يمه روحن شتريدن اسويلجن اكل

رفل : يمه عليمن تطبخين وتعبين نأخذ لفات كص ( شاورما ) جاهزه ويانه ..( الكاتبه : جعت والله ههههه😂😂😄😄)

مهره : والله تفكرين يرفيله عندج عقل

ام اليسار : اي واشكد الكروه

مهره : يمه خمسه وانه ورفل اتصير عشر تالاف وباجر اخر يوم للدفع وانسجل بالروحه مال السفره

رفل : يمه انه البس بنطروني وتشيرتي ابو السنافر
ام اليسار : اي يمه بس البسي فوكاهن صايه من تطلعين ( صايه : يعني جبه اوعباءه اسلاميه واهل البصره يسمونهه كاب واحبكم جميعا كلنا العراق 😍)

رفل : اي يمه هنه هم ضيكات البس فوكاهن صايه احسن

مهره : يمه وانه البس فستاني الوردي هو مستور وحلو