عشك الشيخ علي

البارت السابع ...

هلو بنات رجعنالكم ببارت جديد تصويتكم حبايبي 😍😍

شيخ علي : بعد ما وصفلي ضاري مهره شلون كبرانه ومحلوه لهف كلبي عليهه وظلت حسبه التجيبني وحسبه التوديني ..

في مكان أخر ....
مهره: اهووو ليش هيج ياربي ماشفت شيخ علي اليوم يلا مهره الايام طويله تشوفينه وهنا بدأ الصراع بين عقلي وكلبي ...

عقلي: اهووو مهره هسه شيخ علي بحالج هو شيخ ومعروف والنسوان يتمنن نظره منه وموظفات وياه بالدوام شني ميت عليه ..

كَلبي ❤: ايي مهره شبيج انت هم ابوج شيخ وحلوه والف شيخ يتمناج

عقلي : معقوله ظال لحد هسه مامتزوج هسه ابنه بطوله صاير

كلبي❤ : ايي اذا مزوج مرته تحبه ويحبهه وتبقى وياه واذا مامتزوج معقوله يتزوجني وهو يحسبني مثل بنته

عقلي : مهره اسكتي ونامي شني شصايرلج حتى روحي ناسيتهه

كلبي ❤: ايي آيس يكلبي محد بحالك هسه تزوج ونساني يجوز حتى مايتذكرني

مهره : شو خل انام الله كريم باجر دوام وراي خل التهي بدروسي احسلي من هاي الافكار ...

في صباح اليوم الثاني وفي منزل الشيخ علي ...

شيخ علي : كعدت الصبح بدلت اريد اطلع للدوام انه مهندس معماري وشغلي مقاولات وكذا وبناء وعندي شركه ويه مهندسين موظفين ويانه لبست قميص نيلي وستره سوده وبنطرون اسود ونزلت الصبح ..

شيخ علي : صباح الخير عالجميع جان كاعده امي وأخوي كاظم وعياله

الكل : صباح الخير

ام الشيخ : يمه فدوه لابني ولهل الصباح الحلو اكعد اتريك يمه

شيخ علي : ايي يمه ها اها كعدت صبيلي اجويه ..

ام الشيخ : تفضل يمه وهاي هم  خاشوكه وحده شكر عالجاي ادري بيك ماتحبه حالي كلش ..

شيخ علي : ايي يمه أروح فدوه للمهتمه لتفاصيلي صدك يمه ماكتلج بيت شيخ عكاب ردوا للديره

ام الشيخ : ياا هله بيهم ماادري شوكت ردوا

كاظم : اي خويه بديرتهم احسن الهم من الغربه بعيدين

شيخ علي : ايي يمه صارلهم يمكن تلث تيام من رجعوا للديره ضاري كلي بتهم هاي الزغيرونه ( سويت نفسي ناسي اسمهه بس من تجي للحقيقه محفور بكليبي اسمهه ) تداوم هي واختهه بمدرسه ضاري واجه كلي ...

ساره : شهكت عااااا صدك مهره ويانه بالمدرسه يلا يلا رايحه ركض ( طبعا المفروض انه بالرابع اعدادي بس رسبت وبقيت بالثالث متوسط )

الكل : ضحكوا على ساره من راحت تركض تشوف مهره ..

ام ساره : عمه خل انروح نسلم عله بيت شيخ عكاب العصريه