سيطرة ابي
مرحبا اني شمس عمري 19 سنه طالبة كلية قانون مرحله اولى طولي 155 شبه مايانه عندي غمازه وشفايفي مليانه وعيوني عسلي شعري كيرلي اني هادئه مخطوبه لأبن خالتي محامي اسمه امين
بابا اسمه حازم حيل عصبي ومايتفاهم عنده سوبر ماركت واحنه من سكنة العماره
ماما اسمه نرجس حيل هادئه وطيبه وماعبالك هي ام عبالك صديقه
اخواتي توأم ياره ويلاف صف رابع علمي وطبعآ كل سنه هن من الاوائل
والمدلل عباس صف سادس ابتدائي
اني بعد الدوام اشتغل وي خطيبي بمحل كوزمتك
بيوم رجع بابا للبيت وكان حيل متضايق وكالعاده استقبلته ماما
ماما :هلا ابو شمس كواك الله
بابا :كوه حيلج فايت اصلي لبين مااخلص اريد الاكل جاهز
ماما :تآمر امر
............
ماما اجتي عليه للغرفه
ماما :شمس حبي كومي وياي نحضر الاكل ابوج شكله متضايق وجوعان
شمس :حاضر ماما جايه
............
كملنه الطاوله اني وماما وكلنه كعدنه حتى ناكل
ماما مرتبكه : ابو شمس شكلك متضايق من شي شكو ياعيوني ؟
بابا :نرجس بعد باجر جهزوا انفسكملان رايحين لبغداد
ياره ويلاف : ياااااي شمس :أش خل نفهم شكو
شمس تلتفت لابوها :بس بابا بعد باجر اني عندي امتحان روحوا انتم واني ابقه يم خاله ام امين لبين ماتجون
بابا : لا ماتبقين لان احنه رايحين نسكن ببغداد
شمس توكف وبردة فعل قويه :شنو ؟ مستحيل اني بيت جدي هنا العماره وعدنه دراسه اني واخوتي شلون نروح لبغداد
بابا يوكف :شمس كلمه زياده واكص السانج لاتنسين اني ابوج
ماما :استهدوا بالرحمن وبعدين يارجال شمس كلامه صح .....
بابا يقاطعه :الجهال اني سويتلهم نقل لبغداد ومدارس خاصه باجر يجي صديقي من بغداد مكمل كلشي ويبقى هنا نروح سوا
شمس : وشنو سبب انتقالنه لهناك
بابا : اني هنا فلست والديانه لزمتلي الباب تريد فلوسه
شمس : وبروحتك لبغداد محد يريد فلوسه
بابا : لا عندي صديق ببغداد وباجر جاي يجيب نقل للجهال ويسد فلوس الديانه وهناك انطاني مجموعه محلات
شمس :بس بابا اني مايصيرلي نقل شلون؟
بابا :لازم تضحين علمود اخوتج وعلى مودي
من سمعت كلام بابا عفت الاكل ودخلت على غرفتي بس ابجي وبعد دقايق اتصلت بامين وحجيتله كلشي فهو كال يريد يزرورنه بااليل
مر وقت واني حتى للشغل بابا متقبل اروح
وبالليل اجه امين
امين : مرحبا
بابا : تفضل اكعد .....كول ابني رايد شي
امين :والله ياعمو اني اليوم جاي على شمس يعني حاب ان يكون زواجنه الاسبوع الجاي اذا ماعندك مانع
بابا حازم :بس اني ماعندي بنات للزواج
امين :ياعمو شمس خطيبتي شلون ماعندك بنات للزواج نسيت شنو
بابا حازم :سميه روحي جيبي حلقه الخطوبه وكل الاغراض الي جابه امين شمس هاي الفتره
ماما نرجس : بس......
بابا حازم يقاطعه :بدون حجي روحي جيبي الكتلج عليه
امين بعصبيه :بس هذا مو منطق اكدر اعرف شنو السبب
بابا حازم : هيج بمزاجي
امين : بمزاجك شنو شمس خطيبتي وبنت خالتي..
بابا : اني تعبان وفايت انام اذا اخذت اغراضك تكدر تروح
.............
اني كنت بغرفتي لما ماما دخلت وبدون ماتحجي شي بس وجهه مايتفسر وطلبت مني كل الاغراض الي جابلياها امين بفترة الخطوبه اني بدون تفكير انطتهيا ومااعرفت عليش اخذتهم مني بس سمعت صياح بين بابا وامين وطلعت على الصياح
امين :شمس راح اخذهه منك غصبآ ماعليك
بابا حازم : تحلم حلم تطول اضرفه لان شمس خطبوهه مني الاحسن منك
شمس :بابا انته شجاي تحجي
بابا حازم :انتي مااسمع صوتج فوتي على غرفتج
شمس :حرام عليك كافي تضلم بيه كافي
................
دخلت على غرفتي وماطلعت منه
بالليل الساعه 1:28 نص الليل
ياره كانت متمدده على سريره وتتكلب مامرتاحه
يلاف :ياره انتي گاعده
ياره :مامرتاحه خايفه على شمس
يلاف :اني هم خايفه عليهه
ياره :خلي نروح نشوفها
يلاف :👌 اوك يالله
طلعنه اني وياره حتى نطمن على اختي مانشوف الا الدم طالع من اسفل باب غرفته شمس
يلاف تركض لغرفة ابوها وتصرخ : بابا الحكني شمس موتت روحه
بابا حازم من صدمته وخوفه على بنته ركض ركض وكسر الباب
ماما نرجس تصرخ : يمه بنتي ماتت
.............تصويتكم انزل بارت 🌷🌷🌷
