البارت الثالث
كملنه غدا وجهزنه اغراضنه وطلعنه حتى نروح لبغداد
بابا :نرجس انتي والتوأم وعباس وياي وشمس خليهه وي رسول خل تغير جو شويه
شمس :بس يابابا......
بابا يقاطعني :بابا رسول مو غريب روحي وياه هدوء وانتي تحبين الهدوء
شمس :اوكي بابا
..حركنه السيارات واني صعدت وي عمو رسول بس بصراحه نضراته ابد ماعجبتني
ومااعرف شنو معناها
رسول.......
اني حاولت اكسر حاجز ااصمت البيني وبين شمس
رسول :شمس شنو كنتي تسوين قبل ماتجين لهنا لبغداد
شمس بحسره :كنت اشتغل بمحل كوزمتك
رسول :صدگ اني عندي مجموعة محلات كوزمتك ببغداد اذا ماعندج مشكله عادي ممكن تديرين جزء من هااي المحلات
شمس بتسمت :صدگ عمو
رسول :اي بس بشرط
شمس ‼بأستغراب :وشنو الشرط
رسول :تبطلين كلمة عمو
مس :ماشي عمو
رسول :😄 😁😀😁😀😁
بعده حسيت نفسي شويه مرتاحه لان لگيت شغل مثل شغلي طلعت فوني وسماعاتي وحبيت اتسمع بلكي انام شويه هم ارتاح من مغثة رسول وهم نعسانه حطيت السماعات بأذني
رسول : شكلج ح تنامين
شمس : اي عمو نعسانه شويه
.....حطيت السماعات بأذاني وسرحت شويه
رسول:من شفت شمس حطت سماعاته استغليته فرصه صورته بدون علمه بس اويلي على هااي الصوره شگد كانت حلوه وبعد دقايق تقريبآ شفت دمعه وكعت على خده شمس
رسول :مو على اساس نعسانه وتريدين تنامين اشو هااي دموع
شمس بحسره :اخذه قاعده ثابته الشخص القلق ومتضايق من شي مستحيل يكدر يغمض عيونه والشخص الي راسه يأذيه مستحيل يكدر يفتح عيونه
رسول :يعني افتهم منج انتي متضايقه من شي
شمس:مو مهم تفهم او لا
واثناء ماكنا اني ورسول بالسياره شفت بنيه تبيع الفراوله وورد احمر واني احب الفراوله والورد الاحمر
شمس :اوه ورد وفراوله شكد احبهم
وماحسيت الا برسول صف السياره ونزل اباوع عليه اشترى كل الورد من البنيه والفراوله وبعده دخل على احد المحلات وبعد دقايق طلع وشايل بأيده علاكه مليانه نساتل وعصائر ومن صعد السياره
رسول :شمس اخذي من ايدي
شمس متفاجأه :بس شنو هذا كله
رسول :الورد والفراوله التحبيهم
وهااي نساتل تاكليهم وعصائر لان ماشفت اكلتي بالغدا وكدامنه طريق طويل
شمس بخجل : شكرآ عمو
رسول : العفو حبي
شمس :هااااا
رسول :ولا شي
اني بقيت اباوع ع لورد واحسب
شمس :هاي الورده بابا وهاي ماما وهذولي اخوتي ههه
رسول :وانتي وين
شمس متضايقه اني يدوب ورقه خضره بهاي الورود
رسول:شمس انتي متضايقه مني احجيلي
...بس اني حتى اغير الموضوع لان شفت عنده ملحه سألته ..ومااعرف شلون حجيت وياه هيج
شمس :انته هم عندك بنات
رسول :ههههههههاي لا
شمس :عليش تضحك
رسول :لان اني مامتزوج
شمس :شعجب وانته شاب شغيل وغني والف وحده تتمناك
رسول :لا بس اني اتمنى وحده وبس
شمس :هاااا
رسول :شمس اذا خطبج احد بعمري توافقين
شمس :اكيد لا
رسول :فرق العمر مو ؟
شمس :هذا اهم احد الاسباب
رسول : اوكي
........خلصنه الطريق كله سوالف حسيت برسول يريد يوصل لشي بس ماحاولت اعرف شنو المهم وصلنه لمنطقه كلش حلوه وراقيه
رسول : وهاي وصلنه لبيتكم الجديد
شمس تتلفت يمين ويسار :بس بابا ماكو
رسول يأشر وراها :هذولي اهلج وصلوا
شمس : اوه
.....نزل بابا من اسياره وتشكر من رسول وهاي السوالف طلب بابا من رسول يفوت يتعشا ويانه وهو كأنه ماصدك دخلنا للبيت لكيناه جاهز ومرتب وكانت اكو خادمه مجهزه العشا الظاهر يعرفه رسول لان من دخلنه انطاها فلوس وراحت يادوب دخلنا لاحمام وغيرنه ملابسنه وبعدهه
كعدنا على طاولة الاكل ورسول كانت مقابيلي اني حسيت رگبتي انشنطت من نمت بالسياره لذلك خليت شعري على جهه وعصرت رگبتي من الجهه الثانيه انتبهت و شفت رسول شلون صافن عليه من شفته اني خزرته هو ارتبك وباوع على بابا
رسول :ابو شمس باجر عيد ميلاد الوالده ال 60 اذا تكدرون تجون انته والاهل
حازم :ان شاء الله العمر كله
رسول......
اويلي من شمس عصرت رگبته اتمنيت الزمه واكله بأسناني بس جاي هذا اليوم مو بعيد
كانت غايتي من هاي الاعزومه اشوف شمس
شمس..........
المهم خلصت الليله على خير واجه اليوم الثاني والكل جهزو نفسهم حتى يرحون للاعزومه بس اني ماجهزت
حازم :نسيم ليش مالالبسه
شمس :لا بابا اني مارايحه
حازم :انتي بالذات لازم تروحين
شمس بأصرار :لا يعني لا
..........................
