البارت الثاني
بعد الي صار والشي الي بدر من بابا كرهت حياتي يعني فجأه اخسر دراستي وشغلي وخطيبي بوقت واحد هلشي كان صعب عليه بقيت ابجي واندب حضي للساعه تقريبآ 1:25 .......فكرت هوااي ووصلت لحل ان اگطع وريدي كلت بكي اخلص من هلدنيا وفعﻵ گطعت وريدي وبعدهه ماعرفت الصار لحد مافتحت عيوني بالمستشفى
........
....يمه بنتي ماتت
حازم :وج نرجس بسرعه لبسي عباتج خل ناخذه للمستشفى
نرحس :يمه بنيتي يمه
حازم يعيط على نرجس :بلا ولوله يلله بسرعه
.....وصل للمستشفى حازم شايل شمس بين ايديه وامه تبجي
حازم بباب الطوارئ :دكتووووووووور وين الدكتور بنتي ح تموت
دكتور الطوارئ والممرضين التمو واخذوا شمس من بين ايدين ابوها
نرجس حاولت تدخل وي شمس بس الدكتور ماقبل
الدكتور :لو سمحتي ابقي هنا
بقت شمس فتره اقل الساعه داخل غرفة الطوارئ وبعده طلع الدكتور
حازم :ها دكتور
الدكتور :ماراح اسأل شنو سبب محاولة انتحار بنتك بس اكول دير بالك عليه هلمره كدرنه نلحك عليه وننقذهه مره ثانيه لا تكدرون تشوفونه استعادت وعيهه
حازم :اشكرك دكتور
الدكتور :هذا واجبي
دخل حازم ونرجس حتى يشوفون شمس
نرجس تحضن بشمس :بنتي حبيبتي
شمس :اسفه ماما خوفتكم عليه
حازم :حمد الله على السلامه بابا
شمس :بابا اني اسفه 🙇♀ ماكان قصدي
بابا حازم :ولا يهمج بنتي اني ماتصرفت هيج اذا مااريد مصلحتج
شمس بأحباط :اعرف بابا
حازم :يعني الاعرفه انتي ماعندج اعتراض بأتخاذي قرار انفصالج عن خطيبج
شمس :لا بابا ماعندي اشكال
حازم يبتسم :مااشي اني راح اشغل السياره وانتم تعالن وراي
شمس :👍 اوكي بابا
بعد ماطلع حازم
نرجس :ماما انتي شتكولين معقوله تنسين امين
بها
سهوله
شمس دمعته بعينه :مجبوره ماما مو بيدي
ماما نرجس : اوف منك حازم ح تظلم البنيه من ورا سوالفك
شمس :ماما.لا تحجين هيج مااله داعي لان لايقدم ولا يأخر خلينه نطلع هسه بابا منتظرنه بره
ماما نرجس :يالله يمه يالله
.......
اليوم الثاني صادف يوم الاربعاء ودوام المدارس والكليات وكله مداومه ماعدا اني بقيت لحد الضهر تقريبآ مانايمه
واتكلب واندب حضي ماما ماصاحتني اساعده بالغدا لان تعرفني تعبانه وماالي خلك
قبل الغدا تقريبآ بنص ساعه رجع بابا ع البيت ووياه صديقه رسول
بابا حازم :نرجس تعالي سلمي على ضيفنه
ماما لبست حجابه وطلعت :ياهلا بالضيف رحبت بي
رسول :ياهلا ام شمس
حازم :نرجس هذا رسول صديقي رسول هاي نرجس زوجتي
رسول :اهلا اخت نرجس تشرفت
نرجس :اهلا بيك الي الشرف
حازم :نرجس جهزتوا كلشي ح نطلع بعد الغدا
نرجس :أي بس البنات يجون من المدرسه اليوم عدهم امتحان
حازم : مااشي جهزي الغدا
نرجس :صار تامر امر
كعد رسول بالصاله وي بابا الى ان رجعوا التوأم من الدوام
ياره ويلاف: 👋 مرحبا
حازم :هلو بابا تعالو تعرفوا على عمكم رسول
ياره :مرحبا عمو
يلاف :مرحبا
رسول :هلو بابا مراحب
حازم :هذا رسول صديقي
التوأم :👋 اهلا عمو
ياره :من رخصتكم
ماما بلشت تجهز بالاكل والكل انجمعوا على المائده وحده ماعدا شمس
بابا :ياره روحي صيحي اختج
ياره :اي بابا
اجتي ياره على غرفتي
ياره :شموسه حبي بابا يريدج
شمس :اي جايه
طلعت لان بابا صاحني وكان صديقه موجود سلمت عليه
شمس :مرحبا عمو
رسول (متفاجأ):مراحب
............
مرحبا اني رسول بطل القصه عمري 29 سنه تاجر ببغداد طويل ابيض البشره معضل عيوني حيل عسليات وشعري حلو عندي لحيه
تفاجأت من دخلت شمس سلمت عليه تهت وعشت بعالم ثاني ودگات گلبي يمكن يسمعه سابع جار......
كملنه اكل وبابا كال جهزوا انفسكم بعد نص ساعه طالعين وبدت رحله جديده بحياتي
رسول....طلعتهم حازم وعائلته ويانا لبغداد كانت رحله جديده وحياة جديده حعيشهه... انتظركم بارت القادم
