رسول.......
بلشت الحفله وبدت الناس تجي واني ابد ماهامني احد اهم شي عندي شمس اذا تجي او لا ؟ وان شاء الله تجي
زينب (بنت اخو رسول وتدرس صف رابع علمي):ماما شوفيه شلون عينه ع لباب
زهراء ام زينب :ياماما وانتي شعليج بالرجال ليش متضايقه
زينب :شلون مااتضايق وهو اكيد منتضرهه
زهراء :غير اعرف منتظر منو
زينب :البنت الشاغله باله الي شفت صورته بموبايله
زهراء :وج زينب عوفي الرجال بحاله خلي يشوف حياتي يگضي عمره مرتبط بيج وبالتالي تعوفينه وتشوفين حياتج وتزوجين
زينب :اووووووف
رسول.........
وبعد دقايق وصل حازم وعائلته الا شمس ماكو بصراحه اني تضايقت المهم رحت سلمت عليهم واستقبلتهم وعرفتهم على اهلي ومااشوف الا شمس دخلت وعبالك ملاك نازل من السما مو مره تموت ولابسه فستان تركواز طويل بدون ردان وشعره كيرلي وعطره ترس الصاله ترس
اني عفت الكل ورحت عليهه
رسول :اتضايقت عبالي ماتجين گلت علمود تغيرين جو
شمس :شكرآ عمو
رسول :هم عمو ؟
شمس :أي عمو
زينب من شافت شمس تضايقت حيل وراحت يم امه الي كانت يم نرجس
زينب :ماما ممكن تجين شويه
زهراء :ها حبيبتي
زينب :شوفي هاي نفس البنت الصورته بموبايل رسول
زهراء :اول شي كولي عمو رسول وثاني شي وج هاي قنبله مو بت نيالك يارسول اذا صدك تتزوجه
زينب :احرك الدنيا اذا تزوجه
زهراء :وليش بالله
زينب :تسوين نفسج ماتعرفين ليش
زهراء :انسي الفات ياماما وابدي حياة جديده
زينب : لا
رسول :تعالي اعرفج على اهلي
شمس :مااشي
رسول.........
اخذت شمس عرفته على اهلي وحبتهم وحبوهه
اما مرت مرت اخوي كانت عبالك تعرف شي او داخله گلبي وشايفته لان حسيت حجيه وي شمس غريب
زهراء :شنو هل جمال
شمس :تسلمين خاله
زهراء :لا ماتريد خاله كوليلي اختي لان عباس ورسول اخوان
شمس مستغربه :هاااا
زهراء: تضحك :لاحبي لايضل بالج جاي اشاقه وياج
شمس : هههه
ياره تشوف بيانو :يااي وج شمس شوفي البيانو
شمس :اشش عيب اسكتي
رسول :تحبين البيانو
ياره :اي تحبه وتعزف عليه امين علمه
رسول مستغرب :منو امين
شمس:خطي.........
حازم يقاطعه :دكتور بجامعه شمس يعني ينطي دروس بتعليم الموسيقى لليريد يتعلم من الطلبه خارج حدود الدراسه
رسول :هاااا
نرجس :وشمس صوته حلو
رسول :يعني تغني
حازم :بنتي
رسول :اوكي ممكن نسمع صوتج
شمس مرتبكه :أه هااااا
رسول :شنو أه هااااا.؟
شمس: ااستحي كدام الناس
حازم : شمس رفعي راسي
شمس : ماشي بابا
شمس...........
رحت اتفقت وي الفرقه الموسيقيه على اغنيه واني عزفته ع لبيانو
ولاغنيه كانت ست الحبايب ياحبيبه
زينب :ماما شوفي شلون يباوع عليه هي نفس البنت الشفت صورته بموبايله
زهراء :يابنتي عيب عليج عوفي الرجال بحاله
زينب; بأصرار :🙅♂ لا وشوفي الا اغني وياها واكسر عليه
زهراء : وج زينب; تردين تفضحيني
شمس ........
بلشي اعزف على البيانو ووديت بووسه بالهوا لماما والفرقه الموسيقيه هم تعزف ورسول كان لازم المايك الي
شمس :ست الحبايب ياحبيبه
يااغلى من روحي ودمي
س......
زينب; تدخل وتفاجأ الكل :ست الحبايب ياحبيبه
يااغلى من روحي ودي
شمس.....
بالبدايه استغربت بس بعدين من سمعت صوت البنت الي غنت وياي عجبني حسيته بداخله شي لغز
شمس : ياحنينه وكلك طيبه
يارب يخليكي ياامي
ياست الحبايب ياحبيبه
شمس :زمان .....
زمان سهرتي وتعبتي وشلتي من همري ليالي
ولسه بردوا بتحملي اهم بدالي
زينب :زماااااان
زمان سهرتي......
بقت البنيه تغني وياي لحدما خلصت الاغنيه
رسول .....
تضايقت من تصرف زينب بس من شفت شمس شلون ندمجت وياها بالغناء فرحت وكلت هاي اشاره حلوه للمستقبل
شمس .....
اخذني رسول عرفني على اهله لان وصلت متأخره وحبيتهم حيل بس حسيت بزينب مامرتاحتلي وبراسه شي تريد توصله الي .....بس ماعرفته شنو
المهم مرت يومين على هلشي واليوم الثالث اني رحت على الشغل وي رسول وبابا ابد مااعترض على شغلي وفرح واني فرحت بهل الشي
اشغلت لمدة اسبوع ورسول ابد مافاركني كان مثل خيالي وياي حتى تضايقت وفكرت اترك الشغل بس شسوي مجبوره ابقى حتى مااتذكر اي شي فات
المهم ان بيوم من الايام واني رايحه للشغل حسيت بوجع بأسفل بطني مو طبيعي بس كلت شي عادي ماكنت اعرف ان هلشي حيكون سبب رئيسي بتغير حياتي.......
شمس وجهه مصفر :صباح الخير ماما
نرجس :صباح الجمال شبيج حياتي متأخره ووجهج مصفر
شمس :لا يضل بالج ماكو شي بس لان سهرانه البارحه
نرجس :ماشي عمري كعدي ارتاحي واني ح سويلج ريوك
شمس :لا ماما ح أكول بالشغل
نرجس :وين رايحه وانتي تعبانه
شمس :مابيه شي لا يضل بالج
شمس .......
بعدما طلعت ووصلت الشغل ماكدرت اسيطر على نفسي لزمت بابا المول وضليت اعيط من الوجع......
رسول.......
اني كنت واصل قبل شمس وبصراحه ضل بالي يمه لان اليوم تأخرت وهي التأخير مو من عوايده ضليت منتضرهه علباب لحدما اجت الساعه 10 تقريبآ بس نزلت من السياره حيل تعبانه اني اباوع عليه لزمت باب المول وضلت تعيط
شمس :آه آآه آآآآآآه بطني...
رسول (مرتبك مابين خايف ) يتبع
