حب قاسى💜😈 بقلم / لوكى مصطفى

البارت 13💜✨

البارت 13

جاسر ببرود:نعم يا ياسين انت مش فى شهر العسل المفروض

ياسين:الحق يا جاسر مامت رغد اتوفت

انتفض جاسر من على السرير

جاسر بخضة:انت بتقول ايه

ياسين:زى ما بقولك كدة

جاسر:طيب طيب سلام

اغلق جاسر الخط و هو يلعن ياسين و أخباره

وقف جاسر و ارتدى بنطلون قطنى و تيشرت رياضى

تقلبت رغد عدة مرات و تحسست مكان جاسر و لكنها لم تجده ففتحت عيناها وجدته جالس على الاريكة يفكر فى شئ

كانت رغد تبحث على اى شئ قريب منها لترتديه فلم تجد سوا قميصه فأرتدته و هى تحت الغطاء

وقفت رغد و اقتربت منه ثم جلست بجانبه و لكن الغريب انه لم يشعر بها

رغد بتوتر:جاسر

نظر لها جاسر بتساؤل

رغد بحنان:مالك بتفكر فى ايه جامد كدة

جاسر بتوتر:مش بفكر في حاجة

امسكت رغد ذقنه و جعلته ينظر لها

رغد:قول مالك

اقترب منها جاسر و احتضنها بقوة و تأكد انها لن تعرف الخروج من براثنه

جاسر بألم و حزن:رغد مامتك اتوفت

لم يشعر جاسر الا بصفعة حادة نزلت على وجنتيه

رغد بغضب:انت مجنون ازاى تقول كدة على ماما

نظر لها جاسر بحدة و لكنه هدء لانه يعرف انها صدمة كبيرة عليها

جاسر بهدوء:مامتك اتوفت بجد يا رغد انا مش بكدب عليكى

نظرت له رغد بغضب و حاولت الافلات منه لكنه احكم قبضته عليها

جاسر:أهدى يا رغد أهدى

رغد بغضب:انت حيوان ليه بتقول كدة على ماما

جاسر بصوت عالى:اهدى بقا

توقفت رغد عن التحرك و اجهشت فى بكاء مرير

رغد بدموع:يعنى ماما ماتت بجد يعنى خلاص مش حشوفها تانى ولا حسمع صوتها

نظرت له رغد بحزن و الم و لكن نظراتها تحولت إلى غضب و ظلت تضربه فى ذراعه

رغد بغضب و بكاء:انت السبب أيوة انت السبب انت الاتجوزتنى غصب عنى و خلتنى ابعد عنها منك لله انا بكرهك يا جاسر بكرهك انت من ساعة ما دخلت حياتى دمرتها

ادمعت عين جاسر و ربت على ظهرها

بكت رغد بقوة بين احضانه و تشبثت به بقوة

.......................................................

فى المساء

كان يقام العزاء فى منزل رغد القديم

وصلت رغد و جاسر الى المنزل

صعدت رغد السلم و هى منهارة و كان خلفها جاسر

دخلت رغد المنزل و وجدت الجميع يجلسون مرتدين الملابس السوداء و ينظرون لها بشفقة

دخلت رغد غرفة والدتها و جلست على السرير و بكت بحرقة ثم احتضنت وسادت والدتها

دخل جاسر عليها وجدها تحتضن الوسادة و تبكى

آلامته دموعها فأقترب منها و جلس بجانبها ثم احتضنها بقوة

رغد ببكاء:ماما وحشتنى اوى يا جاسر

جاسر بهدوء و هو يمسح على ظهرها:هى فى مكان احسن دلوقتى يا رغد و بعدين هى لو كانت عايشة مكنتش هتحب دموعك دى ابدا

ابتعدت رغد عنه ثم نظرت الى الفراش و ابتسمت بألم و حزن

رغد بأبتسامة و دموع:عارف يا جاسر ماما كانت على طول تقولى ان مهما حصل معيطش او ابين ضعفى لحد كانت بتقولى خليكى قوية كانت بتخاف عليا من اقل حاجة كانت على طول تقولى انا نفسى اشوفك عروسة و البسك الطرحة بنفسى

بكت رغد بقوة ثم هدأت قليلا

رغد بدموع:تعرف لما بابا مات ماما قالتلى متلبسيش اسود عشان ابوكى ميزعلش فى تربته و قالتلى كمان انها لما تموت ملبسش اسود انا مبسوطة انها راحت لبابا عشان كان نفسها تروحله بس زعلانة انها سابتنى لوحدى

مسحت رغد دموعها التى تنهمر على وجنتيها بغزارة ثم رفعت وجهها فى اتجاه جاسر فوجدته يبكى على بكائها فأقتربت منه و احتضنته لتستشعر الامان

رغد بهدوء:تعالى نطلع ناخد العزا بس حغير الاول

اومأ جاسر برأسه و مسح دموعه ثم خرج من الغرفة ليترك رغد تغير ملابسها

.......................................................

فى الخارج

جلس جاسر بجانب باب الشقة ليأخذ عزاء والدة زوجته

خرجت رغد من الغرفة و هى ترتدى عبائة بيضاء و طرحة بيضاء و دموعها تحبسها

نظر لها الجميع بإندهاش و سخرية

سيدة 1 بهمس:بصى البت لابسة ابيض ازاى تلاقيها فرحانة بموت امها

سيدة 2 بهمس:دى بجحة

سيدة 3 بهمس غاضب:اسكتى يا ولية منك ليها احنا عارفين رغد كويس و عارفين انها بتعشق امها

سكت السيدات

لكنها تجاهلت نظراتهم و همساتهم و جلست بجانب زوجها

كانت رغد تنظر لباب المنزل بشرود و لكنها صُدمت عندما رأت ........

دمتم سالمين 💜