قلوب من فيروز ||داليا المسلم||

مقتطف

الناقله جنات عزيز janat_51

قلوب من فيروز
داليا_ المسلم
مقتطف من قلب القصة

يقولون بعض الكلمات للحُب
ان احبكُ يعني
ان استيقظ في اخر الفجر ... لااجعلك اول اسمً

في دعاء وتري وان ....اتحرى أوقاة الاستجابة

لا أتضرع للرب بأن .... يجعلك ملكِ

ونشكو بالعيون اذا ....التقينا فأفهمهُ ويعلم مااردتُ

أقول بمقلتي انا متُ شوقاً ! ... فيوحي طرفهُ اني قد فهمت

قال لها
اتمنى لو كُنت ولي آمركِ ....
فقالت لهُ
يكفيك انكَ ولي روحي ❤️
ياعشقي الابدي •

يقولون _ ان _ غيثُ _ الندى 💧
نسمات حب تأتي بأيام غيض الصيف على قلب الفتاة الرقيقة لتنعش الجسم وتريح القلب فهل ياترى يصدق هذا الكلام ام يتحول الى نار توقد قلب الحبيبين ؟؟؟؟

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الناصرية التسعينات شهر 12 والجو قارص
البرودة

،،،،،،،،،،،،،،،،،،،،،،،،،،،،،،، من قلب القصة ،،،

الدنيا باردة وشهر ١٢ ثلجنا كل اشوية افرك
ايدي وانفخ عليهن ادفيهن احس جسمي مكسر اليوم
بس لا بداية فلاونزة وبالي يم الجهال وبتول بس كون
علكم مايتعارك وياها ،،!!

فركت خدوي الي ثلجن كل يوم البس الثام واحسة يخنكني تالي ذبيته على شنو اخاف اشو شباب وكضة باالاه والونة وصرت عجوز العجايز وعجزت قبل ميحاني العندها مثل علكم هم ترتاح ااه يعلكم شغيرك علية بعد

ما جان الكل يشوفني اميرة ومدللة صرت احس حال الجواري احسن من حالي وحالي يرثة الها تنهدت بقهر
على ايام الحلوة الي مضت وادري بيها ماترجع عدلت صندوك الدجاج والسوك هوسه ناس رايحة وناس راده وانه عيني تمشي وياهم بلكن الله ويوكف شراي وابيعن خاطر ارد للبيت من وكت لمحت قاسم مكبل عليه

قاسم وليدي وصديقي وعضيدي كبر كبل وكته رغم هو الواسطاني بس من صغرة صار ابو لاأخوتة واخو اليه وعضيدي عكس اخوه الجبير الي حارك افدي ولا كأنه احنه اهله

وكف يمي وهو شايل صندوك البيض ويلاهث توا راجع
من دوامة سودا عليه وجِهة نصبغ من شمس الصيف
وبرد الشته والتعب اووف يايمة لوبيدي امشيكم على الورد بس شسوي خذيت منه الصندوك ونطيته ماي شرب سالته بعد ماجر نفس

_ ها يمة حبيب ردو اخوتك من المدارس لو لا !! كعد
يلاهث برد

_ اي يمة ردو وخالتي غدتهم ونامو انه جبتلج وياي
غده اكعدي بذاك الكتر تغدي وانه هنا ابيعن بدالج