قلوب من فيروز ||داليا المسلم||

2

رواية
#قلوب_من_فيروزة
#داليا_المسلم 
#الحلقة_2

سألوني في مرة وقالو لي ماذا ينقصكِ
فكان ردي
ينقصني انت ..
وأنــت كــل شـيء ..
اشتاق لهم لأنّ جمالَ أيّامهم
أقْوى من النّسيان.. عِندما أسافر في متاهات الحنين في مكان آخر.. اجدك بين كل الناس
انت كاجحيم الشوق ..
وكااحضان الوطن .. يُلملم شتاتك ويجفف
دموعي من رصيف العيون ..
داليا '''''''''''''''''''''''''''''''''''''''''''''

'' عهود  صحت على بتولك أكفي انه اطلع
اشون اليوم مانخلص خياط عدلت شيلتي
وطلعت افتح الباب والجهال وراية تركض
صحت منو مـاكـو صوت فتحت الباب ومديت راسي  انصدمت وفتحت عيوني على وسعهن  ضلت انفاسي تتسارع  خوف على صدمة 

شفت  الي صار جزء  من احلامي واستحالة  الاحلام تتحقق شهكت واتراجعت لوره انطبك
الباب بوجهة دفعة سيف وخزرني حسبالة
زلمة غريب سحبته من الباب وخررر ولك هذا
ابوك ابوك رجع احس الدم جمد بعروكي من الصدمة  حسيت روحي بحـلم  حجيت
بصوت  خافت

:- علكم !! رد عليه  وهو يبتسم  بتعب

_ اي انه هو علكم

" عهود مد ابهامة وتحسس خدي وهوَ مبتسم بتعب فتحت الباب وعطت بصوت عالي وشهكت يازلمتي وشمعة داري بجيت من الفرحة حضنته وهو همات  خذاني بالأحضان مامصدكة
روحي علكم انت انت هوو احجي واتلمس
بوجهة  وبجسمة واتلمس بلحيته  وشعره 
ضحك  وسحب ايدي باسها

_ اي انه هو اشونج عهود

_ اشلوني كل يوم انتظر جيتك اشوني بعد
حسيت صوتي رجف من الفرحة اريد احجي
بعد مابيه  سمعت بتولة وراية تهلهل طلعت
تركض  نسيت نفسي ضليت حاضنته وابجي
وهو يمسح على راسي طلعو الولد يركضون
من شافو ابوهم وكفو صافنين عليه اشرتلهم

،، تعالو هذا ابوكم هذا هو التفتت عليه ليش
عفتنا ليش باسني براسي وهو يضحك وكالي

" وهاي انه اجيت رديت تعال يبه قاسم
يبه جاسم

" عهود حضنهم وضل يبوس بيهم  ويبجي
انه غطيت وجهي  بشيلتي وأبـجي مامصدكة وكفت بتولة بصفي وحضنتني   وكل اشوية
تهلهل  وبسمة همات تهلهل

بتولة ؛ امسحي  دموعج خية هذا راعي
بيتج ورد افرحي خية افرحي

عهود ؛ اي فرحانة والفرحة خذت حيلي 

"التمت الجوارين واخوتي كلهم أجونا وهلاهل الفرحة  تعالت ابيتنا كلهن حبايبي اجن
والجكليت ترس الكاع والجهال فرحانة تلم
وتاكل ونسوان اخوتي كلهن اجني ضلينا
نهوس ونركص بتولة والبنات راحن طبخن
العشاء والوادم ملتمة كلها وكل اشوية تجي
ناس تسال على ولدها المتأسرين  وجايبين
صورهم بيهم عرفهم علكم وبيهم لا مايعرفهم

كضة الوكت ما أنتبهت الا تالي الليل الكل
رايحة وأخوتي  كاعدين داير علكم الي بعده  بهدومة  المشككة  ولحيته وشعرة المبعثرة 
قاسم كاعد بصفة وحاضن ايد ابوه وندىٰ
بحضن ابوها جنها تعرفه من زمان وسيف
يتلمس بوجه ابوه فرحانين بيه وهو كاعد
ويحجي لااخوتي عن الشافة والصار بيهم  واشون حال الاسرة العراقيين باإيـران صاحلي
عبدالله