قلوب من فيروز ||داليا المسلم||

5

رواية
#قلوب_من_فيروزة
#داليا_المسلم 
#الحلقة_5

بتولة ~~
، اتعرف مـا الذي يحـزنـني !
أنـهم  جـادلـوني بـكَ مراراً ،
لـكن أخبـرتـهم أنـك  مـخـتـلـف
ف خذلتني )))) ،،،، 💔

~~~~~~~~~~~~~~~

كمت وكفت وحسيت بالغربة وانه كاعده يمه
صدك ماعرفتك غريب انته عني بآرق شهل
الطلب هذا چا من كل عقلك تحجي

- اي كل عقلي احجي ترديني
أقبلي  بشرطي

- اسفة بارق مو انه الي انكر ربات اختي
وتعبها عليه مو انه الي ابيع اخيتي على مود
رجال الي يطلبني يتقبلني بزيني وعيوبي
وانه احمد الله كل عيوب مابينا وانته تعرفنا كلششش زين

خنكتني العبرة وخانتني الدمعة نزلت نار
تحرك وجنتي انه مصدومة بيك لو ما ربيت 
بين ايدك وكدام عينك هيج  تحجي عليه هيج  اختي ماتركها عهود حزام ضهري  وكل هلي وناسي والي ينكرها انكره وانكر كلشي
يربطني بيه والي تريده سوي  وخلينا كلمن
يمشي بدربة (( رحم الله امرئً عرف قدر نفسه )) وانه عرفت قدري عندك هسه  من رخصتك

انداريت انطيته ضهري ومشيت نزلت الجهال
هو كالي

- لا اتركيهم  لاتنزليهم انه اوصلكم اكفي بتولة

- مارديت عليه الغصة وصلت لبلعومي احس نفسي ضاك نزلتهم ورجعت مشي للشارع
وهو ورايه يحجي

- بتولة ارجعي بتولة انه اوصلكم

، ماسمعته صعدنا  كراوي ورجعت للبيت
وانه دمعتي مانشفت وصلت للبيت بس دخلت بوجهي للغرفة نزعت الربطة وشمرتها بالكاع  وكعدت حانية ضهري وضليت انحب ليش هيج بآرق ليش فاتت عهود  كعدت كدامي ورفعت راسي من حنجي  مسحت دموعي وخذت ايدي تفركها لان ضليت اشهك

- شو عايني عليه  بتولة خيتي حبيبتي منو
وياج ؟ شووو عايني عليه محد يستاهل دموعج

درت وجهي منها خجلانه  :- مو من احد انه
ضايجة اليوم مخنوكة

- سيف كال جنتو ويه بآرق اشبيه شسوالج
شحجة وياج لتجذبين عليه احجي

- ماسوا شيء
- بتولة تحجين لو ازعل اشون

، ضليت اعاين الها ودموعي تنزل حجيت
بكلبي شكلج ايريدني انكرج اتركج اكطع
كلشي  وياج بس حتى يمتلكني

- احجي  يا عيني احجي

- تنهدت ودنكت خجلت اخلي عيني بعينها
واحجيها بس عنده شرط اذا قبلت بيه نتزوج
واذا  ماقبلت يتركني

- خير ان شاءالله وشنو هذا الشرط !

- ها عاينت الها بلعت ريكي خايفة اكللها
وتنقهر

- احجي

- شسمة كال اقطع علاقتي بيج وانساكم 
حجيتها وغصيت بالبجي بارق حطني
بحفرة كلها نار موجره عهود وكالي طفي
روحج  كليلي ليش هيج ليش