رواية
#قلوب_من_فيروزة
#داليا_المسلم
#الحلقة_3
اصدق العـبارات التي قرئتها كـانت تقول
لأشـيء يبقى للأبد !
صَدماتي من الحياة ...
علمتني ان كُل شيء قابل
للضياع
لا تلُمني لو تغيرت وبدأتُ أقسي..!
فأنا لم أجد من يحتضنني
بوقت ألمي وبؤسي
وها قد خذلتني وخذلتني ...
فما الذي يُسكنكَ رأسي !!
مثل المسيح ...
هكذا صلب جسدي ...
بين يديك ومازالت ..
تلك الجراح تخدشها اعيُن الناظرين .!!
وقساوة اليأسي تحتل قـلبي ....
ونفسي
''''''''''''''''''''''''''''''''''''داليا
البصره 🌴
لان المقدمات بدأت تضجرني بسبب
اوجاعهم تعريفي هذا من دون مقدمة ،،،،،
"أسماء واكفة بالحوش ابيت أهلي ونايف
واكف شايل غيث وثاني رجليه بالكاع
وحاضن رحمة ويبوس بخدها لزمته من
جتفة وانه الغصة احسها تارسة كلبي كله
وجع من وراه
" نايف مو كـافي عـاد كلي احنا نبقى هيج
اشتريلنا حتى لو مشتمل صغير غرفة ومطبخ
هم قابلة مليت من الحجي محد يتحمل احد
تره وانه صاحبة جهال مو بطرك روحي
واتحمل دفع ايدي بنتر وكام وكف
، ترى شلشتي راسي اكلج انه ليش ماأجي واشوفكم من وراه المنكة مالتج مو هاي كاعده ومرتاحة بعد شكو مو هجيتي مني وخليتي
الكل تحجي عليه ودورتي اهلج بعد شتردين
مني
"نايف انت تعرف كلش زين ليش رجعت من الهارثة لهنا من وراه معاملتك اليه تعبت شنو
ذنبي انه اتحمل دكك فوك راسي وتاليها حتى
بيت ماكو ولاتقبل نأجر وين نولي تريد ابقه عد
اختك وعيالها الغربة ضاج نزل غيث وعاط
عليه
. شووو هاج ابنج وانه ماشي وخرري مني
" كضيته من ايده اريده بس يفهمني ماكو
اول مانبدي بالنقاش يتوالني بالصوت العالي ويخلي الصوج كله بيه سحب ايده مني حيل
ودفعني وتالي يشرد
طلع وركع الباب وراه كل حيلة كعدت بنص الحوش وضليت ابجي على حظي على جهالي انوب ااتلث جهال وهو ولا كأنه ابوهم شبعت بجي وغيث ورحمة واكفين يمي يمسحون
بدموعي ليث واكف بعيد وصافن عليه
ليث ؛ يمة خله يولي هذا مو ابو انه اطلع
ادورلج بيت بس لاتبجين اسكتي وامسحي
دموعج
''ضليت اعاين عليه كله عمره ١٣ سنة واحسن
من ابوه يحس بالمسؤلية ورحمة عشر سنوات
وانه الام والاب وكلشي الهم وغيث خمس سنوات صغير كضيت ايده
لا تغلط على ابوك عيب هل المرة حجيتها انوب ازعل عليك ولا لساني ايطخ لسانك فهمت
_ هزيت راسي باإي وبقيت ساگت دنكت شحجي وياج يمة احسها تخنكني من دكلي
اسكت
" عفية وليدي اختك تعاين عليك وتتعلم منك شتحجي كمت جريت الصوندة وفتحت الماي غسلت وجهي وخذيتهم ودخلت مرت اخوي
واكفة بالمطبخ الظاهر جانت تعاين علينا من الشباج بس دخلت وكفت كدامي متخوصرة
وكالت
أنت تقرأ
قلوب من فيروز ||داليا المسلم||
Mystery / Thrillerقصة للمبدعه داليا المسلم قلوبهم من حجر الفيروز لنرى ماذا تخبئ في اكنانهم
