____❤️ سلام عليكم ❤️ ____
____❤️ شلونكم ❤️ ____
_❤️ _❤️ _❤️ _❤️ _❤️ _❤️ _❤️ _❤️ _❤️ _
اكو ظاهرة كلش سلبية كلش منتشرة
عد بعض بنات هذا الوكت مع احترامي للطيبات
البنات اذا يشوفن ولد راجع من شغله ولابس ملابس
العمل الي دائما تكون مستخة وقديمة
يكومن يتنادسن بيناتهن ويبدء فصل الضحك
والاستهزاء وحدة تكول للثانية هههههه هذا زوجج
المستقبلي وترد صاحبتها عابتلج يا........!! لا عيني
هذا زوجج نتي!!!!
يا بنت الحلال ترة العمل عبادة والزلمة عايش بتعبه
وبزوده مو الكيوت الياخذ المصرف من أمه
وأريد اكلجن شغلة( هذا تاج روسجن) للبعض مو
الكل (طبعا هذا كلام مخموط بعدها راح يبدي كلامي)
طبعا هاي ضاهرة صدكية شايفتها بعيوني بعض
صديقاتي ما يعرفن أخوية فة جنة راجعين من
مدرسة أخوية راجع من شغل عمالة مكسور ضهرة
تعبان سودة علي متسخة ملابسة فة حجت صديقتي
كالت هذا زوجج مستقبلي زنيبو ني هنا نغثيت
هواية حتى لو ما تعرف اخوي مفروض ما تحجي
هجي لان هذا زلمة صدكي اخو اخيتة مو نايم
على تبريد يكنك
هواي بنات شايفة يحجن هجي لو شخص معاق
مرة شخص معاق يشتغل يبيع كلنكس وعلج
وهم كذلك شفت بعض أشخاص ماكو رحمة
بكلوبهم شلون يضحكون علي طبعا معلومة هذا
شخص يعني جان قزم مع رغم هوة جبير جان
كو تشوه بوجهة فة ضحكن علي بعض بنات وياي
جان يمة بنية ولد زغار وحدة من بنات وياي
كالت هذا يمكن مزوج زوجتة شافت منة
صراحة ني مو كلكم طيبة ماكو مني بس حسب
تربية تربيت عليها هجي كلام من يمي غثني نجرح
كلبي ودمعت جا حالة هوة شلون حسبي ﷲ ونعم
الوكيل بس
اتمنى بنات يبطلن هاي ضاهرة فكري أخوج ابوج
مكانهم شلون راح تحسين ينكسر كلبج بس مع
الأسف مو بس بنات اتمنى كل يبطل هذا طبع
من يشوف شخص فقير يريد يخطب ما ينطي
بنتة لو ولد صديقة فقير يستحي يصادقة
لا تنسو رسول ﷲ محمد (صلى ﷲ عليه وآله وسلم)
كان راعي غنم...
هذا كلام للعقول راقية لا لناس الهمجية
اذا اتمتم القراءة صلو على نبي ﷲ محمد
وترحمو لشهداء العراق
احبكم
باي
_❤️ _❤️ _❤️ _❤️ _❤️ _❤️ _❤️ _❤️ _❤️ _
