البنات قررو انو اليوم ياخذون اجازة واستأذنو من المدير واعطهم والحين هما في الحديقة البيت يتقهون
لولوا: وين تبون تسافرون الصيف هذا..
بشرى : خالة نبي الكويت..
لولوا: ليش؟
بشرى : خالتي انا جذي عجبتي الكويت.. وعشان بعد نشوف الممثلين اللي يعجبونك
لولوا : فكره حلوه... ومنها اروح عند صديقتي..
يسرى : خالتي انتي عنك صديقه هناك..
لولوا: ايه.. أخر مره حضرت عرسها قبل سنه على م افتكر...
يسرى : اهاا...أكيد الحين عنده ولد او بنت
لولوا : ايه خليني اكلمها الحين... واتصلت.. تعطيني مقفول
بشرى : يمكن مغيره رقم جوالها أو يمكن مقفل
لولوا : يمكن..
في الكويت
دخلت تدور جوالها من امس م تدري وينه بحثت في الادراج وفي الدولاب م لقيته فنزلت تحت وسألت امها : يمه شفتي جوالي
ام سالم : لا..
فدوى بخوف: لايكون انسرق!!
ام سالم : شلون ينسرق.. انتي دورتي في البيت كله سألتي الخدم
فدوى جلست بتعب : ايه يمه
ام سالم : طيب يمكن عند سامي
فدوى وكأنها اتذكرت شي : إيه والله م سألته.. اصلا قلت له يودي عند الصلاح عشان الجوال ينقفل وقالي بيودي الصبح بس للحين مارد..
ام سالم : تلقينه في الطريج ألحين لانو وقت دوامه خلص من ساعتين.. إلا يدخل سامي وسلم على خالته
فدوى : ليش اتأخرت؟
سامي : والله زحمه في المحل وطريج واليوم م خلصت شغلي مبجر..
فدوى : إلا وين فوني؟
سامي مدلها الجوال : كاهو..
أم سالم : سامي متى بتودينه المطار؟
سامي : شوي كذا.. اتصلت على سالم يقول انهم في الطياره..
ام سالم : الله يوصلهم بالسلامة
سامي وفدوى : آمين.. وبعدها قام سامي يريح وفدوى تشوف جوالها ولقيت مكالمه فائته ودقت....
بشرى : خالتي جولك يرن..!
لولوا : الوو... فدوى!... إيه الحمد لله ونتي عساك بخير..... الحمدلله
إيه قررنا نجيكم الصيف... إيه منها اشوف ولدك.... إيه انزين..... يلا مع السلامة..
4:20 ساعة عصراً
____________
في الكويت 🇰🇼❤️
في بيت ام سالم كانت تشرف على الخدم عشان اليوم عندهم عشا لانو.. مناير وسالم بيجون..
-------------------
في مطار الكويت
توهم نزلو من الطياره وشافوا سامي وفدوى قاعدين في كراسي الانتظار
لمحهم سامي : شوفيهم يو..
قامت فدوى صوب اختها وسلمت عليها وكمان سامي
سالم : وين امي؟
فدوى : هي ما تدري موعد طيارتكم في ذا الوقت عشان جذي اهي في البيت.. قلنا نسوي لها مفاجأة
مناير: حرام عليكم.. الحين تلاقيها خايفه علينا..
سامي جوالها يرن : كاهي تدق.. اتصل عليها وقال لها أهما في الطريج
____________
في السعودية 🇸🇦 💖
في بيت بشرى ويسرى...
بالمجلس..
يسرى : والله كسرت خاطري..
.... : إيه والله الحين مين بيعاملنا مثل طيبتها..
بشرى : اخخ بس.... الا جود ليش مجيتي مع إيان ونجود؟
جود: والله نجود تعبانه ومافي احد بي بيت غير إيان الله يعطيها العافيه..
يسرى بحزن: وامك للحين بالجبيل..
جود تنهدت : إيه.. عند اهلها ومهي براضيه تجي تشوف وش فينا وش حالنا.. (دمعت ) احيانا اقول ابونا احسن من امنا بكثير.. انا في حياتي م شفت بقسوة قلبها..
بشرى تهديها : خلاص جود بطلي بكي والله ترا حتى انا ببكي..
جود تصيح..
يسرى وهي تتصنع القوى : بسكم عاد قلبتوها فلم.. ونتي جود خابرتك اقوى من جذي..
جود وبدت تهدا: الله كريم
بشرى : خذيلك ماي الين تهدين..
جود شربت ماي كله : كم الساعه دحين؟
يسرى تشوف جوالها: الساعة طال عمرك تسع..
جود فزت : اوه تأخرت..
بشرى : بدري لسه م دخلت عشر..
جود وهي تلبس عبايتها : لا مرر تأخرت بشوف وش صار على نجود..
يسرى : لمن تروحين هناك لاتنسين تطمنينا عنها..
جود : يلا باي.. وطلعت
يسرى : والله حالتها حاله..
بشرى : اي والله الله يكون بعونها الحين م تقدر تجهز وباجر عندنا اختبارات وعندها اختها التعبانه وابوها..
يسرى بحزن على صديقتها : اخذت مسؤليها من واهي صغيره... السبه كلها من امها الاتركتهم..
بشرى وقفت : الله يهدها بس.. يلا بجر ورنا مدرسه... وطلعو غرفهم يذكرون اختبارهم ويفكرون بصديقتهم وبمستقبلها المجهول..
__________
دخلت جود بيتهم المتهالك وسمعت صوت اختها في الصاله ودخلت لقتها تذاكر ونجود تساعدها جلست معهم
جود : ماشاءالله مجتمعين... وناظرت إيان.. وين ابوي؟
إيان : للحين م رجع..
جود : اهاا....ونتي نجود كيفك الحين؟
نجود : الحمدلله خفت السخونه..
جود : لازم ثاني مره تسمعين كلام ابله ولا تخرجين من فصل ولا تضاربين
نجود : اوكي
جود : تعشيتو؟
إيان : ايه اكلنا كم لقمه..
جود : اجل بقوم اجهز حق المدرسة ورايه اختبارات... وقامت
__________
في الكويت) الساعة 11:00م
في افخم القصور..
في الديوانية مجمع عياله يكلهم بموضوع الشركاته
ابوهم : اسمع عناد انا قلت تروح مع صبحي (سكرتير ابوهم) عشان يراويك شغل اما شغل الهايته وترجع البيت تالي الليل انا م ابي..
عناد بقهر: بس يبه انت تعرف اني م اداني هاي الشغلات وشغل وشركه وو مدري وش..
ابوه بحده: انا قلت كلامي وانتهى... انت احمد ربك اني اخاف على مستقبلك مهوب سايبك تمشي على كيفك.. شوف اخوك اليوم وش صار دكتور مشهور وناجح وله سمعته اما انت جامعه م خلصت..
عناد : طيب يبه م يحتاج كل م جيت اتكلم تذكرني اني م عندي شهاده وبعدين انت دايم تقارني بخوي وتشوف الشين مني ولا تشوفه فيه.. انت شوف زين مني ولو مره..
ابوه بضحك ساخره : الزين منك انك تشبه ابوي ولانت ما منك فايده.. ووقف.. باجر اشوفك في الشغل اول الحاضرين.. مفهووم!!
عناد بضيق : حاضر.... وخرج ابوه.. تأفف وراح صوب القصر ودخل شافف امه واخته قاعدين يسولفون وصعد داره بالاصنصيل
امه شافت علامت الضيقه في وجهه وعرفت انو ابوه خاصمه ثاني مره وقالت الله يصلحكم
___________
في بيت أم سالم... 1:00 ص
في غرفت مناير كانت تناظر من الدريشه أجواء الكويت باليل كانت رائعة تنهدت بعمق في نفسها... ليه يصير لي شذي... حتى الذاكره فاقدتها.. وانسدحت على سريرها ونامت بعد تفكير...
______
