اليوم التالي..
صحي من النوم بعد م طف التكيف ودخل خذله شور وتجهز عشان الشغل.. ونزل يفطر مع أهله... لقى امه وابوه قاعدين وراح باس راسهم وقعد : صباح الخير
امه وابوه : صباح النور
جهاد ناظر السفره : الا وين الباجي ؟
إلا نزلت ميلاء (اخته) وسلمت على الكل وجلست وبعدها بشوي جا عناد وجلس وبدو ياكلون بهدوء...
عناد وقف : الحمدلله وطلع بدون ولا كلمه
ميلاء : يمه وش فيه عناد؟
امها ناظرت ابوها : م به شي... كلملي فطورج عشان تلحقين المدرستج...
ميلاء : اصلا شبعت... جهاد عادي توصلني.؟.
جهاد وقف : ايه عجلي... يلا يمه توصون على شي.؟
امه : سلامتك..
طلع ينتظر ميلاء في السيارة
__________
في الشركة)
دخل بهيبته المعتاده واللي يخاف منها الموظفين وصعد للمصاعد دخل مكتبه وهو يشوف المناقصات دخل صبحي (السكرتير) ومعا اورق توقيع لشركات اخرى كمل شغله وقال له : عناد جا؟.
صبحي : ايه طال عمرك..
ابوه جهاد : خله ييني..!
صبحي : حاضر.. وراح ي ناديه شوي ودخل عناد وجلس مقابل ابوه
ابوه : ليش مايت الصبح؟
عناد ببروده: كنت عند رفيجي..
ابوه بغضب: وانا كم بقولك التزم بمواعيد بس ماكو فايد منك..
عناد : يبه حتى في الشركة انت تزفني..
ابوه : لين تعقل وتعرف انك كبرت خلاص..
عناد وهو يبي يخلص من ابوه : اجل يبه قول لي وش تبي مني؟
ابوه بحده:، تكلم ب ادب تراني ابوك... والحين اذلف عند صبحي يوريك مكتبك..
تنهد عناد وقام الكلام مع ابوه م يودي ولا ييب وراح حق صبحي وراوه المكتب وكان بالحيل جميل وقعد يشوف شغله..
________
في المدرسه..
قاعة الاختبارات كانت متوتره مرهه عشان مقدرت تذاكر كل القطعه نادت ابله سمر وجات عنده اكيد بتساعده عشانها طيبه الجود: ابله معرفت السؤال هذا..
سمر بتفأول : لا عاد الانتي قلت انتي شاطره وتقدرين تحلين بس (شافت السؤال)
لا يا الجود هذا اسهل سؤال..
الجود : والله ي ابله مقدت احفظها هو بذات مع اني م نمت من امس وانا اذاكر..
سمر : خلاص اقربلك الجواب صح وخطأ يعني م..
قاطعها الجود : ابله خلاص تذكرت ( وكملت حل)..
اندق الجرس والبنات سلموا الاوراق..
______
في الأنصراف..
بشرى : ها كيف الاختبار؟
الجود وهي مستانسه : اقولك مرهه سهل انا توقعت اني ما راح اجيب الدرجه الكامله..
يسرى وبشرى فرحوا لفرحتها وقالت يسرى : اقول جودي ايش رايك اليوم نسوي مغامره قبل السواق يجي؟.
بشرى : انا عن نفسي م عندي مشكله..
الجود بحماس : طيب من فين نبداء؟.
________
في الكويت..
في الصاله كانوا يسلوفون ويشربون قهوى..
فدوه وهي تشرب القهوه : منو اشلون كانت السعوديه.؟
مناير : ولا احلى بس تصدقين اشتقت للكويت..
ام سالم : ايه والانسان له غنى عن ديرته الي عاش فيه..
فدوه : اكييد لا..
سالم : إلا اقول فدوه وين راح ولدج.؟
فدوه بملل: عند ساندي..
ام سالم : وانتي كل مره تقطين ولدج عند الخدامه..
سالم : ايه م تخافين اذا كبر يقول للخدامه ماما.؟
مناير بأيد: ايه حتى لمن ينى م شفنا..
فدوه بعصبيه : ياخي ولدي وكيفي بس عشان انتي م عندك عيال(هنا م تدري فدوه انها كسرت قلب مناير بهاالكلام القاسي وقامت بسرعه)
ام سالم بغضب : انت كلج م تعرفين تمسكين لسانج..
فدوه بطفش : يمه ترا خلاص الولد ولدي مهوب بولدها..
ام سالم : طيب محد قال شي على اقل احترمي اختج تراهي اكبر منج والحين روحي استسمحي منها..
فدوه : يمه مناير لازم تدري انو بناتها (ودخلت مناير وبكاء باين في عينها وقعدت)
مناير : ايه كملي لازم ادري انو بناتي ماتوا ولازم انساهم بس انك تعايريني هذا م ارضى فيه وبعدين محد قالك ربي سالم (ولدها) مثقل عليج عيطي امي تربي وترا حنا نصحج عشان الولد لا تغير عليج لاتلومين الا نفسج..
سكتت فدوه بعد كلام اختها وحست انها جرحتها وقالت : انا اسفه مناير بس ترا..
قاطعتها مناير : لا عادي حصل خير وبعدين انتي اختي الصغيره انا لازم اتحمل اخطائج..
فدوه وهي تجلس جنبها : يعني مسامحتني..؟
مناير بإبتسامة : انا لايمكن ازعل عيلج في يوم..
فدوه ضمتها بفرح وبعدت : بعد قلبي والله..
ام سالم : الله لايحرمك من بعض..
الكلل : آمين..
