ردت من المدرسه م لقت احد بصاله وقعدت فيها،وشوي واخونها اللي يدخل واللي نازل من داره.
جهاد رمى نفسه على الكنب :وييي أخيراً.
ميلاء :وش صار؟
جهاد :ماكو مبسوط انو اليوم خميس.
ميلاء :امم اما انا مالت علي.
جهاد :محد قالك شجلي مدرسه امريكيه.
ميلاء : بس الحلو اني صرت اتكلم انقلش.
جهاد : همم.
عناد صلح لنفسه قهوه وجلس والا تكلم جهاد :هاا كيف الدوام يديد؟
عناد بطنازه : مثل منت شايف.
ميلاء بتعاطف : م عليك من هو يشد عليك لانه يبي يشوفك شي في مستقبل.
عناد :بالله ازين ليش كل م يشوفي لازم يفشلي جدام اي كان م خلالي كلمه حتى جدام الموظفين وكان اول يوم ويبي مستقبلي يكون زين.
جهاد :ندري بس هاذا طبع ابوي يبينا كلنا نكون قدام واول ناس.
عناد :انا صراحه م ني متحمل لا تلومي لو يوم راددته لان كل ذا كان بسبته (وقام).
ميلاء : الله يستر لا تقوم حرب بين ابوي وجهاد.
___
يسرى وبشرى قاعدات يتغدون.
خالتهم: كيف كان الاختبار اليوم.
يسرى :يجنن حييل سهل.
بشرى : ايه صدق اختبار اليوم سهل، الا اقول خالتي اليوم عادي نروح عند صديقتنا نذاكر؟
خالتهم:ايهه بس مو تتأخرون!
بشرى :طيب.
___
نرجع للكويت عند مناير اللي متحمسه انها بتداوم ومتوتره انها خلاص بتخرج عن جو المدرسه والبنات.
لبست بنطلون وردي فضفاض وبلوزه فضفاضه تنزل للركب شوي عليها حركات ولبست اسورتها اللي تدل على رقي ذوقها ولبست طرحه (شيله) بنفس لون البنطلون وخذت شنطتها البيضا وخرجت ( طبعا حاطه ميكب خفيف لانها م تحب تكثر) نزلت تحت شافتهم متجمعين.
جلست: صباح الخير.
الكل: صباح نور.
سالم: ها مستعده؟
مناير: ايه وايد، بس شوي متوتره.
فدوه: هاوليه اختباره هو.
مناير: لا بس ما ادري شكلي تعودت على العبايه.
فدوه: ولا يهمج مع الايام بتتعودين، وبعد الدوام انا عازمتج.
مناير بإتسامه: صج؟ على وين؟.
فدوه: اخليها لج مفاجئه.
مناير وهي تحمل الكوب: همم حمستني عيل بخلص شغل مبجر.
ام سالم: الا سالم وين؟.
سامي: نايم ها الايام صار ينام وايد شكلي بدخله المدرسة ازين من الحضانه.
ام سالم: ايه ازين من ها الحضانه انا للحين م شفت فايدا لهم بس جذي ياخذون ديناراتكم.
فدوه: ليه يمه بلعكس.
سامي: اجل لو جذي تدوين حل لودج.
فدوه: هو بس يتدلع ها اليومين بس بوقف.
سامي: نشوف.
سالم وهو يقوم ويبوس راس امه: ها يا الغايه تامرين بشي.
ام سالم: ايه ما عليك امر ابغى جم شغله من جمعيه.
سالم: ولا يهمج يم سالم.
ام سالم: ايه راح الله يحفظك.
مناير وهي تبوس راس امها بغير: ازين يمه ونا ما لي دعوه.
ام سالم: انتي بعد الله يسهل دربج.
فدوه: ونا.
سالم بمزح: لا عاد ما صارت.
ام سالم: لا عنقودتي وتستاهل ونتي بعد الله يوفقج انتي وريلج هو بعدلا يزعل.
سامي: افا يخالتي ازعل منج عاد.
ام سالم: والله اني ادعيلكم كلكم من سالم ليَ سالوم اناالله يحفظكم ويسهل دروبكم.
سالم: ويخليج ذخر لنا.
الكل: اميين.
مناير: اوه سلوم بنتأخر، باايي.
وخرجو كلهم اللي راح دوامه واللي رجعت تنام.
_____
