لا اريد غيرها

الفصل الثاني

متنسوش رأسكو وفوت ♥️

ميرنا بعصبية : انتي غبية عامية وقعتي عليه العصير

ميرا بدموع : انا اسفة والله هو اللي قام فجاة

اسر بعصبية: انتي بتزعقي ليها ليه!!!! انا السبب والعصير وقع كله عليها اساسا انتي مالك انتي!!!!

سالي معلقتش ولا ادت اي رد فعل لانها مش عايزة اسر يمسك عليها غلطة
لكن حاولت رانيا تدخل تبوظ غباء بنتها لانها بدات تحس انه اسر مش قابل ولا واحدة من بناتها ودا زود خوفها انه الثروة تضيع منها

رانيا بهدوء : هي مش قصدها طبعا يا اسر هي بس خافت عليك وهي تعتذر للبنت طبعا

ميرنا بصدمة : ماما اعتذر ايه!!!!

رانيا بتحذير : ميرنا اعتذري

ميرنا بتأفف : sorry

ميرا بهدوء : حصل خير عن اذنكوا

الهام : يلا اسر اطلع غير هدومك وتعالى نكمل اكل

اسر : شكرا شبعت عن اذنكو

طلع اسر اوضته غير هدومه وكان مخنوق جدا من فكرة ان بنات خالته هيقعدوا هنا فترة معاهم في الفيلا خصوصا انه في العادي مش بيطيق ولا واحدة فيهم اساسا من زمان عشان هو فاهم غرضهم ايه بالضبط
غير هدومه وقرر يروح لميرا يعتذر ليها بردو لانه محبش خالص تصرف ميرنا وحس ان اعتذارها ليها كان مجرد كلام وخلاص او يمكن دي الحجة اللي اخدها عشان يروح لميرا هو مش عارف ماله مهتم يعرف هي مالها بس قرر انه لازم يروح
نزل المطبخ للخدم وسأل عليها قالوا انها في اوضتها طبعا عرف مكان الاوضة وراح خبط عليها فتحتله الباب واتفاجئت انه هو كانت فاكرة انه حد من الخدم وبقيت محتارة تقوله اتفضل ؟! اتفضل ايه بس عيب دي اوضة نومها طب ايه هتسيبه كدا ومتوترة مش فاهمة ايه اللي جابه دا لحد ما هو بنفسه قطع حبل افكارها

اسر : اسمك ميرا صح ؟

ميرا : ايوا

اسر : انا اسف على اللي حصل جدا انا السبب يعني وكدا وميرنا مش قصدها

ميرا : عادي والله حصل خير انا كمان اسفة المفروض كنت اخد بالي عن كدا

اسر : تاخدي بالك ازاي بس المشكلة كلها عندي انا بس عامة حصل خير انا بس جيت اعتذرلك واطمن عليكي

ميرا بتوتر : شكرا لحضرتك

اسر في اللحظة دي كان الطبيعي هو خلاص قالها السبب اللي جاي عشانه فلازم خلاص يمشي لكن هو مش عايز يمشي عايز يفضل يتكلم معاها هو مش عارف ليه بس دا احساسه اللي مسيطر عليه ولكنه تجاهله

اسر : تمام اسيبك انا

ميرا :تمام

...........................

ميرنا كانت في الجنينة بتتكلم في الموبيل ك العادة مع صحبتها عن اسر وبعد ما خلصت المكالمة