ملكتني عشقا

الحلقة السادسة

سامر : زوجت كيف وايمت ومن , بسرعة هذي
توتة : هذا اللي قلاته بنت عمها
حيدر : خلاص سامر شوف حياتك مش ح اتوقف اعليها الدنيا
""""""""""""الساعة 12 في الليل"""""""""""""""
توتة: اخخخخ ياربي معقولة سامر وخديجة هكي قصتهم تنتهي من قبل حتى ما تبداء ، زعما انكلمها ع الواتساب هيا انجرب بختي
توتة : مساء الأنوار
خديجة : مساء العسل
توتة : الف الف مبروك زواج
خديجة : الله ايسلمك والفال ليك يارب
توتة : استحشتك المدرسة الكل يسألو اعليك
خديجة : توا يوم انجيكم زيارة
توتة : مشاء الله عرسك خت فت
خديجة : اللهم لا حسد ؛ اللطف منك
توتة : كيف حالك جداك
خديجة : وين نندري على عزاها اني ؛ ترا وين متلوفة عند واحد من صغارها
توتة : اهاا ايسلم اعليك ميلود وخالد قاللولك استحشناك
خديجة : سلمي اعليهم قولهم قتلكم انا اكثر
توتة : تعرفي محمود ولله ما سمحته لي توا على لفضيحة امتاع ليلتها اتفكرتيها لما شدلك وشاحك وبدي يسب فيك او ضربه خالد وجي سامر خوه في ليل اقعد يحذف عليكم في رشاد
خديجة : اي حتى انا ماسمحتاش محمود وخوه سامر على فضيحة ليلتها لو مش من خالد راه مش عارفة شن ايصير فيا
توتة : ههههههههههههههههههههههههههههههههه جديات ؛ شن تحسابيني حمارة انتي مش خديجة
خديجة : انا خديجة خيرك
توتة : انتي مش خديجة والله من الاول اعرفت انه خديجة مستحيل دير هكي ؛ او ح اتشوفي كيف خديجة وين شن درتولها والله لما نشكي فيكم يا كلاب اتفووووووو
توتة : اخدت سكرين شوت للمحادثة وطلعت جري من حوشهم للورشة
توتة : إبراهيم نبيك ضروري بروحك لو سمحت
إبراهيم : توتة شن طلع نص ليل او بالله فكيني اهو حاصل في سيارة لي توا سامر ربي يعلم بي حاله واني راني خلاص
توتة : الرقم اللي اعطتهولي البنت مش لي خديجة
إبراهيم : والمعنى
توتة : في حاجة داسينها ؛ خديجة ماتزوجت
إبراهيم كيف اعرفتي
توتة : شوفت سكرين
إبراهيم : اتعالي انقولو لي سامر
توتة : إبراهيم اصبر خلي الصبح نكلمو محمود ونمشو للبنت انرعشوها اشوية توا اتقوللنا خديجة وين
إبراهيم : اتفهمنا يا شريرة
(( الساعة 7:30 الصبح ))
امشي محمود قدم حوش عم خديجة طلعت بنته سندس ماشية للكلية
محمود : معليشي لحظة يا أختي
سندس : اتفضل اي خدمة
محمود : خديجة وين
سندس : في كوريا امسافرة مع زوجها
محمود : في طياح سعد مع 🔞🔞🔞🔞🔞
شكلك ماتفهميش باطيب تعرف لو ماتتكلمي وتقولي خديجة وين لما نطربق🔞🔞🔞🔞 وطلع مسدس
سندس : باهي باهي توا انقوللك ، خديجة هربت من الحوش ماتبيش تتزوج علي واحني اللي ايجي يسأل اعليها انقولو اتزوجت ومشت مع راجلها لي كوريا
محمود : هكي نهداء ونتفاهم امعاك ؛ بري اقلبي وجهك لكن والله لو اتقولي لي حد ع اللي صار لما نمسحك من وجه الكرة الأرضية متفاهمين
سندس : اي متفاهمين
روح محمود للحوش : سامر سامر نوض نبيك
سامر : اخطاني خليني لاهي في همي
محمود : خديجة
سامر : خيرها خديجة اتكلم شن صارلها
محمود : خديجة هربت من حوش عمها ماتزوجتش
ولكلام هذا قالته لي بنت عمها بعد ما خوفتها
سامر : حضن محمود ؛ رجعتلي الأمل من جديد
سامر : ياربي رجعتلي الأمل انه نلقاها من جديد ساعدني ياربي او وفقني اني نلقاها وتكون حلاالي