ملكتني عشقا

الحلقة الخامسة

^^^بعد ثلاثة أيام^^^
طلعت خديجة من المستشفى
فوزي : لعنة الله اعليك يا خبيثة ، درتي هكي بش ماتتزوجيش علي
خديجة : ضحكت الخبث ووارثته منك
فوزي : ابتتزوجيه غصبا عنك
خديجة : باهي موافقة
☆☆☆الساعة الرابعة عصرا☆☆☆
علي : خديجة حابب نتكلم امعاك في حاجة
خديجة : تمام اتفضل
علي : طبعا انتي عارفة قصة الزواج اللي طلع بيها بوي ، انا مش موافق بس ح نتزوجك احتراما لي بوي ، او نبيه زواج على ورق فقط او ماتتوقعي مني شي تاني
خديجة : رد بالك ادير في بالك انه ميتة اعليك ولا على زواج منك لا بلعكس انا اكثر وحدة نبي زواج على ورق
توتة : تسمع بي استغراب كيف خديجة موافقة على زواج بالرغم انها متعرضة للاغتصاب
♧♧♧روح علي و فوزي ♧♧♧
توتة : خديجة خيرك بعقلك كنتي تتكلمي كيف توافقي
خديجة : عارفة اللي انتي اتفكري فيه
مسكت خديجة ايدين توتة
توتة حبيبتي الدكتورة اللي فحصتني اكدتلي اني ما اتعرضت للاغتصاب والدم اللي كان على رجلية كان من فصيلة O+ واني فصيلتي A+
توتة : مصدومة والتقرير الطبي كيف درتيه
خديجة : اطلبت من الدكتورة طلب هذا وهيا وافقت ودرت روحي عبيطة قدام محمود انه مانعرفش خالد ، شي الوحيد اللي كنت نبيه انه انطلع سامر من سجن
توتة : ينصر دينك يا عشيرتي، و سامر اتحبيه
خديجة : مش عارفة مرات انا اللي نحس فيه مش موجود ؛ مرات هو ايعامل فيا من باب الإنسانية واني افهمت انه معجب بيا
□□□الساعة السابعة□□□
خديجة مقعمزة في الحوش تسمع في صوت زغاريط
طلعت
فتحية : روووووررروووووري
خديجة : عمتي فتحية شن فيه
فتحية : سامر طلعوه من السجن اليوم امروحين بيه
خديجة : الحمد الله على سلامته
وقفت سيارة قدام الباب انزل محمود وسامر
فتحية : سامر وليدي الغالي ؛ حضنته وبدت تبكي
الحاجة حليمة : سامر ع سلامتك وليدي ع سلامتك ، حليلي على وليدي وجهاا اصفر
هيا والله ليلة اعشاك عندي في الحوش
فتحية : والله ما صار الليلة عندي وغدوا عندكم
الحاجة حليمة : والله اللي قامها سماء على الوطا الليله عشاكم عندي
سامر : حاضر من عيوني خلوني نمشي انبدل دبشي ونتريح ونتعشو قداكم
خديجة : تسمع من اورا الباب ماتبيش تطلع لكن فرحت هلبا خشت للكوجينة دارتها سفرة من مجاميعها حلو والحار والكسكسي والبصلة او غير ربي حطته
محمود : سامر نبي نحكيلك حاجة
سامر : اتفضل ، لكن قبلها كيف خليت ميلود يتنازلطلع لي حوش خديجة طق طق
خديجة : لحظة بس
فتحت خديجة الباب سامر حمد الله على سلامتك
سامر : حضنها بالقوة وقلبه كان ينبض بسرعة
سامحيني سامحيني كله مني بسببي خالد اغلط فيك
خديجة : لا يا سامر لا ماصار شي ماتلومش روحك
سامر : حط ايديه على خدودها بي استغراب كيف عندك القوة وقاعدة اتقولي هكي
خديجة : سامر ،خالد ما اغتصبنيش دكتورة اكدتلي شي هذا وانا اطلبت منها تقرير طبي لانه حابة انطلعك من السجن
سامر : يعني ما دارلك شي ما لمسكش بكل الحمد الله الحمد الله وحضنها بقوة وكان حاط ايده في شعرها
خديجة : كانت اول مرة اتحس بحضن صادق وقلب حنون اعليها وكانت محتاجة الشي هذا هلبا
كانت ناسية دنيتها لما حطت راسها على كتف سامر
حست بعطف الأب وحنيت الاخ والحب الصادق
^^^^^ وهما حضنين بعض يخش فوزي^^^^
فوزي : الله الله اعليك يا بنت الناس يا شريفة يا عفيفة
خديجة : عمي ماا مااا
فوزي : ع طول من غير تردد قام ايده وضربها كف
سامر : شده من رقبة سوريته وقام ايده بيضربه وهو متعصب
خديجة : لا يا سامر لا خليه
سامر : حولي من اهني
خديجة : سامر لو كنت اتحبني وتعزني حول ارخيه
سامر : نحه ايده من اعليه وطلع من الحوش
فوزي : توا نوضت امه الحاجة حليمة وخديجة ركبهم في سيارة وطلع بيهم
£££بعد ثلاثة ساعات £££
سامر : امي أمي خيرك مامشيتي لي حوش الحاجة حليمة
فتحية : ماهمش في الحوش
سامر : وين أمشو
فتحية : فوزي عم خديجة ارفعهم من اهني او معاش جايين بكل ، خديجة أنساها موضوع وسكر
سامر : اطلع يجري لي حوش تهاني طق طق طق
((حيدر اخ تهاني)) : شن فيه خيرك سامر
سامر : ناديلي تهاني فيسع قوللها تعرف عم خديجة وين يسكن
توتة : سامر والله مانعرف حوش وين
سامر : لا ياربي لا مستحيل اضيع مني
☆بعدشهر من البحث وتدويروأخيرا القي الحوش☆
امشي سامر وتهاني وحيدر للحوش
تهاني : طق طق
فتحتلها بنت(( سندس)) بنت عم خديجة أخت علي
سندس: اتفضلي منو انتي
تهاني : اني تهاني صاحبة خديجة ؛ موجودة هيا
سندس : خديجة مش موجودة سافرة مع زوجها لي كوريا
تهاني : اهاا خديجة اتزوجت
سندس : اي كان تبي منها شي عادي لما انكلمها توا انقوللها
تهاني : لو عندها إيميل نت اعطيهولي
سندس : تمام لحظة بس توا نعطيك رقمها على الواتساب
خشت سندس جابت الرقم لي تهاني
تهاني : سامر خديجة اتزوجت