ملكتني عشقا

الحلقة الرابعة

فتحية : تبكي و محروقة على ولدها وحاطه كل اللوم على خديجة انها هيا سبب
خديجة : حاطة راسها على حجر جداها وتبكي من الخوف
سامر رفعوه للتحقيق وكان فيه ضابط اسمه مصطفى : احكيلي القصة كيف صارت
سامر : نسمع في صوت سبان وكلام زايد اطلعت القيت ميلود ايخبط على حوش جيران كلمته قتله عيب اعليك رد اعليا كلام اتعركنا طلع الحربة بيضربني شديت ايده ابدينة نتعارك من غير قصد ضربته الحربة
مصطفى : وانتا شن دخلك فيهم جيران
سامر : دخلي فيهم ونص واني دافعت اعليهم نطلع غالط ، ولله
مصطفى : توا وقت سلاح وتخاف على روحك
سامر : اني راجل مش عيل ، راجل افهمها وخبط على طاولة وعيونه حمر ومتعصب
مصطفى : شن تحساب روحك في شارع
سامر : نحساب روحي في المركز
مصطفى : حطوه في الشيلا
""""""في المستشفى"""""""
دكتور : ماصارله شي هذا جرح سطحي مش عميق
خالد (( أخ ميلود)) : تمام دكتور نقدر انشوفه
دكتور : اتفضل في الحجرة 2
خالد : معقولة هكي يا راجل تفضحنة قدام ناس شن دارتلك البنت ومنين تعرفها
ميلود : فكني من جو الأخلاق لي دير في 🔞🔞
والله لما انخليها تتفكرني طول عمرها لما اندمها
هيا وياه
خالد : ميلود مادير شي توا اني نتصرف امعاه بطريقة انها تندم طول حياتها
فتحية : كله منك كله منك انت سبب في حبست ولدي ، كانك مش انتي عطيتيه وجه لي ميلود راهو ما صارش هكي
خديجة : تبكي تبكي ولله ما ليا ذنب والله
روحت تجري
ميلود سكر راسه ورفع قضية ضد سامر محاولة قتل العمد مع سبق الإصرار و الترصد
محمود : عين محامي لي خوه وحكي القصة للمحامي (( سمير))
سمير : الحل الوحيد انه البنت ترفع قضية تحرش وحاولة اعتداء ضد ميلود وهكي نقدرو انقايضوه او يتنازل على القضية و تقدر تطلع سامر
سامر : انساه الموضوع مستحيل اندخل البنت للمركز

خديجة : اه اه ياربي اعلاش هكي شن ذنبي اه اه يا أمي وينك ليش خليتيني هكي نتعذب ليش انحرمت من الفرحة اه اه ياربي ارحمني ارحمني
حالتها كانت جنونية
☆☆☆الساعة السادسة ☆☆☆
خديجة : لحظتها حسة انه العالم كابوس وكل شي كان أسود و مظلم قدامه ماتشوف في شي غير انها تنهي الموضوع ، خشت للكوجينة اخدت السكين وقطعت شرايين ايديها طاحت خديجة على الأرض وكانت تبكي لين فقدت وعيها
••••••الساعة السابعة والنصف••••••
توتة : طق طق خديجة طق طق هيا وقت
محمود : صباح الخير
توتة : صباح الفل
محمود : خيرك سارية على الفجر للمدرسة
توتة : هكا كساد
توتة : خديجة طق طق هيا
الجدة حليمة : خديجة بنتي نوضي افتحي خديجة
مافيش اي رد من خديجة
الجدة حليمة : ناضت مش للباب فتحت
منو انتي يالي اتخبطتي
توتة : اني تهاني صاحبة خديجة قوليلها هيا نمشو للمدرسة
الجدة حليمة : خشي بنتي شوفيها بالك في دار اتبدل
توتة : خشت للحوش ،
الجدة حليمة : ابنيتي حتى انتعبك جيبيلي طاسة امية من الكوجينة
توتة: حاضر ادللي من عويناتي
انصدمت توتة من المنظر اللي شفاته ، خديجة كانت غارقة في دمها ودبشها شبه امزق كله
توتة : خشت للدار جري جابت بطانية غطت خديجة
توتة : محمود محمود اتعالا بسرعة محمود
محمود كان قدام الباب يستنى في إبراهيم خش يجري للحوش
محمود : شن فيه خيرك اتعيطي تهاني
توتة : خديجة القيتها تنزف دم
محمود : قامها طالع بيها للسيارة يلقى إبراهيم
إبراهيم : خيرها شن فيه
محمود : اركب سوق يا راجل بلا اسئلة
ركبت توتة من قدام ، محمود كان ماسك خديجة
إبراهيم ايسوق بسرعة
^^^^^ وصلو للمستشفى^^^^^
خشو بسرعة للطوارئ دكاترة يجرو بش يسعفوها
حاولو ايوقفو نزيف لكنها خسرت دم كبير
دكتور : لو سمحتم نبي حد يبرع بي دم لانه خسرة كمية دم كبيرة لو سمحتم حد منكم فصيلة A+
إبراهيم : انا نفس الفصيلة ، عادي نتبرع
دكتور : ممرضة بسرعة ارفعيه لوحدة الدم
امشي ابراهيم للوحدة اعطي دم
ويستنو في دكتور ايطمنهم
♤♤♤بعد إنتظار ساعتين في المستشفى♤♤♤
دكتور : من منكم قريب المريضة
محمود : انا خوها
دكتور : ياريت تتحمل اللي بنقوله او شي مؤسف
البنت اتعرضت للاغتصاب و قطع شرايين كان محاولة إنتحار
إبراهيم : لاحول الله
توتة: بدت تبكي لين طاحت ع لوطا