بسم الله
كنت طفل صغير عندى خمس سنين
لما والدى اتوفى وسابنا انا وامى
وأختى بدر بصيت على امى وهى بتبكي وتقول هناكل منين احنا خلاص ضعنا ما عندناش حاجه
ولكن كلامها مهتمتش بيه كنت متأكد من جوايا أن ربنا هيعوضنا خير وأنه شايفنا وحاسس بينا
كلام الحريم في العزاء ضايقنى ليه كده كلهم عندهم ضعف ايمان بالله
اختى بدر بتعيط من الجوع اخدتها من أمى ودخلت الاوضه بتاعتنا كانت صغيرة بس جميله طبطبت عليها لحد ما هديت ونامت
تلات ايام العزاء انتهت بقيت ابص على الباب أن حد يجي يساعدنا لكن مفيش امى بتعيط وبدر جعانه والفلوس قربت تخلص روحت لامى
وقلتها انى عايز اشتغل قالتلى هتشتغل ازاى انت لسه صغير هيضربوك بحجه أن هما بيعلموك وفي الاخر هيدوك ملاليم
قالتها خلاص يا امى مش هتعلم ووفرى الفلوس
زعقت فيه وقالتلى ازاى ما تتعلمش دى مشكلتى انا لازم تتعلم وان كان على المصاريف بسيطه هتتدبر
قربت المدرسه مفيش ملابس مفيش شنطه كل الفصل بيضحكوا عليه
ولكن انا مش متأثر بكلمهم وضحكهم إلى احنا فيه مخلينى اتجاهل اى كلام وسخريه من اى حد انى وأختى محتاجنى كل يوم بروح المدرسه وبذاكر لوحدى بقيت شاطر الحمد لله بمجهودى كبرت وبقا عندى عشر سنين امى تعبت من قله الفلوس جتنى فكرة حلوة
ماما احنا ممكن نعمل مشروع صغير انا وانتى
قالتلى وهو ايه
قالتلها انتى تخبزى العيش البلدى وانا هاخده ابيعه في البندر هما بيحبوا العيش بتاعبنا
قلقت عليه عشان الطريق بس طمنتها
ياامى احنا محتاجين وأختى بتكبر ولازم تتعلم ما تخفيش عليه انا هروح في الإجازة وهاخد عجله أبويه عشان الموصلات والبندر مش بعيد علينا عشان خاطرى وافقى وانا هخبزة معاكى مش هنحتاج لحد
وفعلا عملنا كده امى تخبز وانا بروح ابيع العيش الحقيقه الناس في البندر حبونى وكل يوم يشتروا منى كان في بنت بتبيع مناديل بتقعد جمبي بس انا كنت بخاف ابصلها عشان حرام لازم اغض بصرى كل يوم اروح اشوفها جمب مكانى بتسلم عليه اول ما تشوفي قولتلها في مرة عيب انتى بنت وانا ولد واخاف عليكى زعلت منى وخصمتنى لكن هى ما تعرفش انى حبتها وعشان بحبها لازم اكبر وبعدين اروح اطلبها من أهلها عارف هتضحكوا عليه بس انا اتربيت على كده بشوف امى بتصوم وتصلى وتقولى دايما دا عيب ودا غلط
بصلي وبصوم وبدعى ربنا أنه يقوينى
واكبر واعوض انى وأختى
كبرت ودخلت ثانوى ازهرى وكبرت اختى بقت في سته ابتدائى بقت جميله كنت بخاف عليها عشان كده
بوديها المدرسه واجبها كنت أنا إلى بذاكر ليها عشان اوفر الفلوس لانى حلمى قربت احققه
وهى ذكيه وبتفهم بسرعه كنت فرحان بيها اوى
وفي يوم اتفقت مع صاحبي أننا نفتح مشروع في البندر صغير على قدنا ووافق لميت فلوسي مع فلوسه وفتحنا فرن عيش ولأن الناس عارفنى اشتروا من كنت فرحان اوى وانا شايف سعاده امى وفرحتها بيه
قالتلها خلاص ارتاحى تعبتى كتير ودا دورى وما تخفيش عليه ولا على بدر
افتكرت بياعه المناديل حبيبتى رجعت لنفس المكان هى زى ما هى في مكانها جميله ورقيقه قربت منها
وسألتها عن احولها الحقيقه استغربت
انى بكلمها
وقالتلى من امته بتكلمى وفين غض البصر
اتنرفزت عليها انا غلطان اصلا انى جيت اسأل عليكى
رجعت في كلامها بسرعه خلاص انا اسفه بس انت غبت كتير
قالتها ورجعت تانى اسأل عليكى
ردت انا كويسه الحمد لله
بكل صراحه قولتلها لو ربنا أراد نصيب ليه معاكى هيكون ولفيت وشي ومشيت وانا مبتسم على تعبير وشها كان يضحك رجعت شغلى تانى بكل حماس وحمدت ربنا اتمنيت أكبر بسرعه عشانها
مرت الايام ودخلت الجامعه الازهريه
انا بحب دينى جدا وعايز اعرف اكتر عنه
كبرت اختى وكانت الاولى على الطلاب
كل يوم بنكبر وحبيبتى كمان اتمنى تستنانى وتكون فهمت قصدى من الكلام الى قولته
رفضت امى أن هى تسيب البلد
احترمت رغبتها جددت البيت بقا شكله جميل وبنيت شقه ليا فوقيهم
عشان اكون معاهم وما نفترقش ابدا
قراءه ممتعه
نوفيلا حكايه حب
رأيكم حلوة ولا
😍😍😍
