بسم الله
رجعت ليها وكنت فرحان جدا اخيرآ هطلبها في الحلال واقدر اعبر ليها على مشاعرى إلى مخبيها سنين خلاص قربت من المكان سرعت خطوتى بصيت من على بعض مفيش حد واقف معقول يكون جرالها حاجه
قلبي اتقبض وخوفت روحت على الكشك إلى جمبها وسألت عنها وكان رده أنها اختفت من خمس سنين
بس الحمد لله طلع عارف عنوان بيتها طلبته منه بكل احترام والحقيقه وافق كتبت العنوان في ورقه ركبت التاكسي وطلبت منه يسرع شويه
خلاص انا مستعد انى اكون أسرة وافتح بيت وصل التاكسي وقفت قدام بيتها حبيت اعمل حركه رومانسيه مسكت طوبه وحدفتها على الشباك وانا معرفش إن كان شباكها ولا لاء ضميت ايدى وفضلت أدى تطلع هى بس هتفتكر انا مين ولا نستنى لحظه الشباك بيتفح الله على جمالها في الحجاب بدر منور زى القمر بصتلى باستغراب وقالتلى في حاجه يا استاذ
اتلخبطت ولقتنى بقولها معلش انا بعتذر منك اصل التوبه وقعت منى
كان ردها مرح جدا ياسلام الطوبه بتقع لفوق ولا تحت
رديت عليها انتى مش فكرانى
بصت كويس عليه ابتدأ وشها يضحك افتكرتنى
وقالتلى اهلا بيك اتفضل
دخلت من الباب بيت بسيط ولكن روحه حلوة ومريح تحب تقعد فيه
اد ايه البساطه جميله ومريحه
والدها قرب منى وقعد على الكرسي إلى جمبي ابتسم ليه .. نورتنا يا استاذ خير ياابنى في حاجه
.. عرفته بنفسي وحكيت ليه عنى كل حاجه وبعد ما انتهيت طبطب على أيدى وكان في نظرة فخر في عنيه ليه شجعتنى أن أطلب ايد بنته بقلب جامد
.. في الحقيقه انا حكتلك حكايتى لانى حابب اناسبك في بنتك انا بحبها من سنين واتمنها تكون زوجه ليه وأكمل إلى فاضل من حياتى معاها
رد عليه بكل احترام وتواضع
والله ياابنى انا شايف انك شاب محترم والف مين يتمناك وزى مانتا شايف احنا على اد حالنا وبنتى كانت بتشتغل برضه كان غصب عندى وعلى عينى أن هى تشتغل بس الظروف وقتها كانت ااقوى مننا
قاطعت كلامه .. انا عارف يا عمى
كل حاجه مش محتاج تكلمنى عنها
المهم عندى دلوقتى انك توافق انا استنتها كتير وجيت اطلبها في حلال ربنا
.. وانا موافق بس هى رأيها اهم عن اذنك انادى ليها
وقف باباها وراح ينادى عليها وقلبي بيدق بسرعه في اي يا قلبي ما تهدى شويه خلاص قربنا بس هى توافق
سمعت صوتها هادى ورقيق اتغيرت كتير وقالت السلام عليكم ورحمه الله وبركاته
.. وعليكم السلام ورحمه الله وبركاته
قعدت جمب والدها وكلها خجل
اتكلمت بكسوف .. إلى تشوفه يابابا
.. يااااه معقول انا فرحان قوى وقفت بسرعه وقولتله
.. طيب يا عمى انا هروح اجيب امى وأختى ونقرأ الفاتحه وكتب الكتاب
اتفاجأ من تسرعي كلمته .. ما تقلقش ياعمى هكتب عليها عشان تبقي في الحلال واعرف ااقعد معاه ونخرج سوا وان شاء الله الفرح بعد شهر وكل حاجه جاهزة
مشيت من قدامه بسرعه الصراحه تعبير وشهم منى كان مضحك انا عارف انى اتسرعت بس اعمل ايه بحبها والايام كفيله تثبت لوالدها انا شاب كويس ولا سئ
روحت البلد دخلت وانا برقص وبغنى وامى وأختى بيضحكوا عليه
... ايه يا استاذ مالك انت عيان ولاايه
.. بس يا بدر انا فرحان اوى
فهمتنى امى وقامت زغرطتت زغروطته طويله وأختى مستغربه في ايه
.. حصل يا ضنايا صح
.. أيوة يا امى الحمد لله
البسي يلا مفيش وقت الناس مستنيه
.. اصبر يا حبيبى هندخل على الناس وادينا فاضيه
.. معاكى حق شوفى انتى كل حاجه وانا تحت امرك
اتكلمت اختى .. ممكن افهم في ايه
عيب والله الى بيحصل دنا مدرسه اد الدنيا وااقف عبيطه كده
سبقتنى امى في الرد .. اخوكى هيخطب يا بدر عقبالك يا حبيبتي
.. ايه ده يا استاذ من ورايا دنا ما بخبيش عنك حاجه
قرصتها في خدها وبكل مرح قولتلها
معلش يا بدروه المره الجايه ابقا اقولك
.. على العموم مبروك فرحتلك من قلبي ربنا يتمها عليكم بخير
.. يارب يا بدر يارب
قراءه ممتعه
رأيكم طبعا يهمنى
ما تنسوش الكومنت
والڤوت حابيباتى
😍😍😍
