الهروب ( روايات ليبية )

حلقة 2🔥

#الهرووب 2

دنيا معتمه وكلها ضلام ونا نجري بأنفاس متقاطعه وجسدي كله تعبان ومرهق عقلي يشتغل بس مش مركزه  في شي حاسه باتعب الروح ونا نجري بخطوات متسرعه ومش راحمه نفسسي تخطيت مسافات طويله بدون مانتلفت ورايا كمية خوووف رهيبه حاويتني ريقي نششف ونا ع امل ابعد من هني ومش عارفه لي وين نووصل  بش غرضي كان الهروووب وبس ونا مش منتبها لشي لن نسمع صووت فرينو سياره عاااااااااالي وحسيت نفسسي طرت بالهوااااء ونخبط راااسي ع صخره كبيره وحسيت بالدنيا لفتت بيا وفقدت الوعي تماما......🔥🔥

بدر:اححيه اححيه شن درت ....فتح باب السياره ونزل يجري
ميرال:طايحهه ع الارض ومش حاسه بي شي والدم نازل من راسها
بدر:حااس روحه متشنج مع بعضه ومش عارف يتصرف.....ياربي شن اندير توا ي بنت ي بنت نوضي حط يده ع رأسها وشاف الدم ع وشاحها .....بدا يرجف مع بعضه لو تطلع ميته وننحبس وين بنرفعها توا ....لن سمع صووت تلفونه يرررن في سياره

ترن ترن ترن ترن ترن
بدر: مشا جهة السياره.....بصوت يرعش الووو
معتصم:الووو وين البووخه الجماعه تستنا ي زفات
بدر:اءءءءءءء
معتصم:شن في خيرك مايجيش منك غير لمصايب احكي
بدر:بصووت يرعش......انا انا ضربت البنت بسياره
معتصم:تنهد بقووووه......كك كيف بنت من ؟؟ماتت وله لا
بدر:معاش قدر يتحكم في دمووعه......مش عارف راسها كله دمه
معتصم:مترفعهاش المسستشفى جيبها للحووازه ونا نجيبلها دكتوور بسسرعه قبل ماتمووت
بدر:اءءء تت تتمام هيا هيا
معتصم:سسسكر الخط

بدر:شال ميرال بين يديه وحطها في سيارره وطلع بسسرعه.....

معتصم:بعد ماكمل تلفونه دخل لصاله الي فها صحابه....هيا شباب صاير مووضوع وضروري كلكم نطلعو من هني
شخص 1:هههه علينا عصووم اكييد بنت عااادي بدوور
معتصم:تي اما بنت هادي اطلع بسسسرعه انتا ويااه مش وقت كلام
شخص2:باهي احكي شن في مرات نلقوو حل وله مش بينا اسرار
معتصم:لا شكرا انا متعلمتش نطلب مساعده من حد والموضوع ميخصنيش ضروري يكوون بيني وبين الشخص الي طلبني وبسس
كلهم:يالا يالا شباب
شخص 3:ضروري تلبببز علينا الجوو اقعد فهاا انتا وبووختك...وخدو بعضهم وطلعوو
معتصم:قعمز ع الصالون متعصب.....ربي فووت لمصيبه هادي ع خيرر

معتصم:مواليد 89 مواصفاته طويل وجسمه حلوو متناسسق عضلاته بارزه ع بسيط ملامحه حلووه عيونه ملونه  شخصيته قووويه كلامه وااعر في كل شي جدي هلبا ميتعاملش مع اي شخص عنده اصحاب وناس معينه يتعامل معاها ميحبش الشهدره والدوشه يحب كل شي يتم ويبدا ع ساااكت شخص غريب شوويه واي حد يشوفه يحسه انه زعيم مافيا وهوا عكس هككي تماما ميحبش جنس حواء ميتعاملش معاهم ومتعودش اصلا لانه عايش من صغره هوا وخوه بدر مع جداه في حوش واحد بعد وقت توفت جداه وهوا وبدر عااشو مع بعض كل احتياجتهم اكل لبس ترتيب يديرو فها بنفسسهم