#الهروب 11 قبل الاخيره
ترن ترن ترن
معتصم:الوو
ميرال:معتصم
معتصم:بصوت متعصب....شن تبي ي كلبه
ميرال:😨😨....كيف؟؟
معتصم:شن تبي مازال وله فضت الساحه عندك
ميرال:بصوووت مصدوم....شن تقول انتا شن تخرط احكي
معتصم:معاش تتصلي بيا رقمك منبيش نشوفه واعتبريه تهديد...وتسسسكر الخط
ميرال:تشوف لتلفون ومصدومه.....معقوله لدرجه هادي وصلت بيه علشان سبب يحقد عليا وينكر فيا
ايمان:فهميني شن قال؟؟
ميرال:علامات الصدمه ع وجها......زي الووحش كان يتكلم حااقد عليا ويتكلم بكل حقد كأنه قاتله حد
ايمان:تنهدت....وعلاش مسمعكش تتكلم بأحترام لو ميبيش مفروض مردش عليك اساسا
ميرال:بنضرات استغراب انا اصلا مش فاهمه شي منه
ايمان:ممكن لأنه زعلان منك هلبا اعذريه المهم انتي اتصلتي
ميرال:بس الحمدالله متأسفتش ومحكيتش الي في قلبي
ايمان:خليه اول مايهدا يتصل بيك بروحه
ميرال:تي من صوته واضح انه كرهني خلاص ومستحيل يكلمني
ايمان:تفائلي خير هوا قعد زعلان منك اول مايهدا حايتصل
ميرال:كلام معتصم يدور في راسها ويحرق فها
معتصم:وهوا يتفرج ع صور ميرال وهيا واقفه ع هيثم في ليل كانت النااااار تاكل فيه شعوور الثقه الي كان اتجاه ميرال كله ضاع في لحضه كان واثق فها وعارفها ارزن من هكي بس نصدم وحط في باله انه لما رفضاته ع خاطر هيثم الي سيبها ودار فها الي ميندارش ومع هدا متزوج نصصدم منها هلبا وشعور الكره بدا يتغلب عليه ....حط لفلوس ع طاوله وطلع......
ايمان:تي خلاص نوضي صلي وادعي وبإذن الله حايتصل بيك صدقيني
ميرال:ترا اتصلي بي بدر واسأليه ممكن صايره حاجه
ايمان: اففففف ....خلاص نوضي صلي لعشاء وتعالي ارقدي ولو اتصل بيا بدر حانسأله
ميرال:باهي اتصلي توا بالله ع خاطري
ايمان:لالا مستحيل نتصل ممكن جنبه حد توا
ميرال:ع خاطري بليييبز
ايمان:تي باهي لو عطل حانتصل انا خلاص هيا نوضي زي ماقتلك
ميرال:ناضت من ع سرير....وتفكيرها في معتصم💔
معتصم:داخل للحوش متكنطي.....بدر بدر بدر
بدر:كيف طالع من الدوش.....هااا خيررك؟
معتصم:اقطع علاقتك بي ايمان او حتا ميرال لو اتصلت بيك
بدر:قام حاجبه بنضرة إستغراب.....شن في خيرك انتا
معتصم:بصوت متعصب....كلامي واضح منبيش نسمع انك تحكي مع وحده منهم
بدر:انا مش صغير نعرف نتصرف
معتصم:شن تقصد من كلامك
بدر:كلامي واضح انا نعرف نتصرف ومش صغير قصدي هادي حياتي وخصوصياتي
معتصم:قام حاجبه بتوتر....شن نفهم منك كلامي مش مدوره
بدر:بصووت عالي.....انا لكلام الي عندي قلته
معتصم:يضرررب بدر كففف
بدر:تنهد من الصدمه ....وبدون ردة فعل لانه كان محارم معتصم هلبا خدا جاكيته وطلع
معتصم:انتبه لروحه ...قعمز ع صالون شن درت انا ؟💔
ترن ترن ترن :-
بدر:مقعمز في الجردينه...بصوت مخنوق. الو
ايمان:اهلين بدر شن جوك توا؟؟
بدر:دموع في عيونه ومتكنطي هلبا.....كويس
ايمان:خيرا صوتك متغير شن في؟؟
بدر:قام راسسه فووق ....لالا غير البرا قعد
ايمان:قلبي مش مريحني قوول لو في حاجه
بدر:خلاص انا بنسكر اعذريني توا
ايمان:علاش في حاجه صايره احكي؟؟
بدر: بصوت متعصب .....ايمان قتلك خلااااص سكري
ايمان:حسست انه بدر متكنطي ...اوكى تمام براحتك اول ماتهدا نحكو
بدر:سسسكر الخط.......
أنت تقرأ
الهروب ( روايات ليبية )
Romanceللكاتبة : ميلو حسن ، تدور الاحدات حول هروب مفاجئ لبنت مع ابن عمها يحدت في احد العائلات يقلب حياتها راس علي عقب ؟ فما مصير حياتهم بعد الهروب ؟ رواية من داخل المجتمع الليبي ؟
