لعبه البدينه

الفصل الاول

_حور ... حور  اصحي بقا يا بنتي هو انتي مش بتشبعي نوم يلا قومي بابا مستني برا عشان تروحوا تستلموا شهادتك من الكليه اخلصي بقا تعبتيني

_صباح الخير يا امي براحه طيب هقوم اهو

نظرت لها السيده عائشه نظره توعد فهي منذ نصف ساعة تحاول افاقتها تجنباً لغضب زوجها فهي ادري الناس بزوجها ان غضب سيقيم المنزل ع رأس حور و اخواتها

_خلاص يا حبيبتي صحيت اهو بس قوليلي مش بابا كان هيروح الشغل ايه اللي خلاه يقعد النهارده

_خد اجازه عشان يساعدك في الاجراءات بتاعه شئون الطلبه الخريجين يا بنتي

_طيب ربنا يستر ⁦⁦🤦🏻‍♀️⁩

_مش عاجبك طبعا بنتي و عارفاكي مش بتحبي تخرجي معاه و بذات لو لوحدكم ... صح؟!

_بخاف يا امي و مش ببقي عارفه اتعامل معاه او حتي انطق

_معلش يا حبيبتي هو بيحبك ده انتي بنته الكبيره و بيخاف عليكي بس هو عيبه مش بيقدر يوصل كلامه او مشاعره

_عارفه يا امي عارفه ربنا يديمكم يا حبيبتي تاج ع راسي
_و يديمك يا بكاشه يلا خلصي لبس بقا و حصليني
_حاضر

خرجت السيدة عائشة لغرفه المعيشه لتجد زوجها علي اهبه الاستعداد لصب جم غضبه عليها فا ابتسمت له ابتسامه هادئه و جلست

_ براحه يا سالم العصبيه دي غلط عليك يا حبيبي
_ هو انا يعني مجنون و بتعصب لوحدي كده من باب لطاق

_هي ثواني و هتجهز بس بالله عليك متكلمهاش في موضوع إيه تاني دي نفسيتها تعبانه بنتي و انا عارفاها
_ حاضر يا عائش

لكن هيهات فهو قد اعد لابنته المستهتره عديمه الاراده و العزيمه محاضره يلقيها عليها أثناء ذهابهم للجامعه .

انتهت حور و توجهت لغرفة المعيشة لتلقي السلام علي والدها و يذهبوا الي الجامعه

_ حور مش عايزك تنسي حاجه من ورقك انا عايز اخلص الموضوع ده النهارده
_ متقلقش يا بابا مجهزه كل حاجه
_طيب يلا توكلنا على الله

                          _____________________

_صباح الخير يا دكتور يوسف اللهم بارك النهارده هتكون مهندس و دكتور الله اكبر فرحانه بيك اوي يا حبيبي

_ الحمد لله يا امي ربنا مش بينسي تعب حد و بيعوض دايما

_الحمد لله يابني ...  بس ايه اللي مصحيك بدري كده

_ حبيت اصلي الفجر و اراجع المناقشه كنت متوتر شويه انتي عارفه اد ايه النهارده يوم مهم بالنسبالي

_ربنا يحفظك يابني و يباركلي فيك

صحيح يا يوسف هي سمر خطيبتك هتيجي المناقشه
_ اه يا امي