لعبه البدينه

الفصل الثاني

_اسكتي يا مريم على اللي حصل النهارده بابا قعد يتكلم معايا في نفس الموضوع انا مش عارفه بجد اعمل ايه تفتكري امتى هقدر اعمل حاجه و تتحل كل مشاكلنا يا مريم

_ما تخافيش ان شاء الله ربنا كريم كل حاجه هتكون كويسه عايزاكي بس سيبيها على ربنا و كفايه بقى تتعبي نفسيتك يا بنتي عمو خايف عليكي و كلنا عارفين كده بس برده مش مبرر للكلام اللي بيقعد يقولوا هو لازم يديك الثقه في نفسك انت من زمان يا حور و هي ضايعه عندك لحد مبقتيش عارفه حاجه خالص انا وانتي نفس الظروف بس شوفي الفرق كبير ازاي في طريقه تعاملنا مع الموقف عمو مقتنع ان انت عشان جسمك مليان هيفضل عقبه في حياتك مع انه لازم يعلمك ان الحياه اكبر من انها تقف على حد

_انا بحبك اوي يا مريم كلامك دايما بيريحني .... قوليلي بقى و كفايه رغي عامله ايه مع محمود ايه اخباره معاكي لسه رخم و بارد برده 😂

_محمود بعد الخطوبه اتغير للاحسن والله انا عارفه انك بتغيري منه عشان هو خدني منك شويه بس هو بيحترمك جدا يا حور

_ايوه يا ستي من يشهد للعروسه عارفه لو زعلك بجد هزعل واجيب ناس تزعل 😂🙄

_ هههههه ربنا يخليكي ليا يا حور انا مش عارفه من غيرك كنت هعمل ايه

_كنتي و مازلتي اقرب حد ليا و بحمد ربنا على الصدفه اللي خلتنا نتقابل و نكون قريبين كده اتمنى تلاقي حد يستاهل نقاء قلبك

_يارب يا حبيبتي و يتمملك بخير انتي و محمود
صحيح نسيت احكيلك حاجه النهارده شوفت حفله الدراسات العليا في الكليه مش عارفه اوصفلك قد ايه كان شكلهم مبهج و كلهم فرحه و كمان فيهم شباب سنهم صغير .. شفت حته ولد هناك اللهم بارك عليه وسيم جدا استغفر الله العظيم بس بجد كان وسيم قوي سامحني يا رب 😂

_ايوه قولي كده بقى يا ستي عشان كده مزاجك حلو

_ولا حلو و لا حاجه انا غلطانه اني حكيتلك حاجه

_يا ستي ما تزعليش بهزر  بكره ربنا يرزقك باحسن منه ان شاء الله انتي دايما كنتي صاينه قلبك وعقلك للي يستاهل

_ يا رب اللهم امين اسيبك بقى تروحي تتكلمي مع محمود عشان ما نكرهش بعض اكثر ما بنكره بعض 😂

" كانت ولا زالت مريم الاقرب الى قلب حور فا هي صديقتها المقربه بالرغم صداقات حور الكثيره هي من تفهم حور بنظره عين واحده هي بئر اسرارها ومصدر قوتها و طاقتها هي من تقدر قلب حور الثمين وتعرف حقا نقاءه و ما به من رقه كانوا دائما ممتنتين للصدفه التي جمعتهم فقد اجتمعا على نفس الصفه ايضا وهي السمنه كان الاثنين يتابعان مع نفس طبيب التغذيه انقطعت علاقتهم بالطبيب و لم و لن تنقطع ببعضهم هكذا نحن بعض الصدف تكون لنا حياه " ⁦❤️⁩
                                    ______________