تدرون ابتسامته تكفيني 🖤

1..

اوووف مب حاله ذي نسيت المظله بالبيت مب وقت المططر
هههههههه الحين بيسيح الميك اب حقي وبيخافو الناس مني دخلت اقرب مطعم لين ما يخلص المطر

كنت ناويه اطلب كوكتيل او اي مشروب عشان لا اضيع فلوسي لاااااااه بطني مب وقتك بلييز اممممم خل اشتري وجبه.

اوه نسيت اعرفكم على نفسي انا دانه عمري 21 جامعيه بالسنه الثالثه ادرس ادارة اعمال انا سعوديه وعايشة بسويسرا.. شاللي وداني سويسرا؟ تتسائلون اممم اوك انا جيت لهنا مع زوجي لشهر عسل وكنا مقررين نكمل عيشتنا هنا شرينا بيت ونقلنا اوراقنا والجامعه والخ ذي الامور الممله. بسس زوجي مات بعد اسبوعين من زواجنا خل نرجع لورا وتشوفون شصار معاي.يوم الخميس ودعت اهلي وكان شبه دراما وبكاء وأحضان كنت البنت الكبيرة المجنونة بالعادة الكبيرة العاقلة بس أنا دايم أكسر القوانين .
انتهى الوداع و ركبت الطياره مع فهد >> ما يحتاج اقولكم انه زوجي صح؟ اممم احكيلكم عنه فهد تزوجت وياه زواج تقليدي ما بينا ذاك الحب اللي زي الافلام والروايات.. هو محترم ويستوعبني وان كنت حزينه يضحكني وهو واعي ومنفتح.. بإختصار هو رجل يستحق الإحترام بسسسس الرومنسيه عنده صفر تخيلوا تونا راكبين واستقرينا بمقاعدنا يقولي تبين شي ابي انام؟ هههههههههه قلت لا سلامتك.

بالله عليكم فيه عروس يقولها اول يوم تبين شي ابي انام؟ يعني لازم تصير حركات رومنسيه مبتذله؟ زي اني امثل اني خايفه من الطيران ويمسك يدي او انه نسولف شوي وانام ع كتفه هههههه اشوفه الحين يحط سماعات الاذان ويغمض عيونه. اصلا تدرون احسن خل ينام انا جوعانه ويوم فطرنا سويت نفسي مستحيه

ناديت المضيفه الحلوه الوقحة اللي تنورتها زي طول الاقزام السبعه تخيلوا ليه قلت وقحه.. طلبت منها خمس كرواسان و ثلاث عصير تفاح ناظرتني مصدومه قالت لي كلهم لك وعيونها شوي بتطلع من مكانها امممم قلت ايه لي ليه ؟ عطتني نظره من فوق لتحت وقالت اها عشان كذا عندك كرش ذا كرش الحين؟ ذا كريش صغير كيوت هي اللي بطنها زي الرجال مقسم ست اقسام مدري شيسموه سكسباك؟
حطت اللي طلبته وانقلعت اممم الاكل حلو و لذيذ جلست اتسائل اقدر اتزوجه؟ اووه صح نسيت اني متزوجه فهد اصلا عادي احس ودي ابوس الكرواسان واحضنه معنه طعام الفقراء بس من الجوع انا اقول اطيب من الشاورما تتفقون؟..
...
فهد

انتظرهم يودعون بعض وعمي يوصيني وانا ماسك ضحكتي على صوت بطن دانه هههههههه توه عمي قال انتبه لأكلها وصحتها تتوقعون سمع صوت بطنها؟
الله يصلحهم ذا البنات وحركاتهم الحين يقول من أول يوم مجوعها...
بالعادة استغل وقتي بالطيارة نوم ونوم بس مب جايني نوم..كيف نقضي وقت فراغنا ووش اسولف عنه مع دانه؟ لو لي أخت كان سألتها؛ و أمي وابوي الله يرحمهم.
اعرفكم على نفسي
انا فهد عمري 26 درست إدارة أعمال افتتحت فندقي الخاص ب سويسرا قبل سنتين فندق ريمين Remen ما هو ذاك الشهره توه اربع نجوم.

كنت أدور على سالفة افتحها مع دانة بس يقاطع تفكيري صوت بطنها اوه 🤦‍♂️ قلت دانه انا بنام تبين شي. * ليتكم تشوفون نظرتها تضحك هههههه
دانه ب إبتسامة مزيفة : سلامتك.
سويت نفسي نايم وكل شوي فضولي يخليني أفتح عيوني اراقبها.
تدرون هههههه زوجتي هبلة اشوفها تنافخ عالمضيفة اووه البنت ذي تاكل زي اخوياني الشباب.
قعدت اراقب حركاتها وتفاصيلها وملامحها اممم عيونها واسعة حيل و لون عيونها بني فاتح شعرها كيرلي قصير لون بشرتها يجذب ما هو ذاك البياض اللي يوجع العين ولا اقدر اقول عنه حنطي امممم دانه حلوه هههههه قلبي بدا يحبها من أول يوم؟ ما حسيت على نفسي الا وانا بسابع نومه

أول رواية لي , عطوني أرائكم وانتقاداتكم على اسلوب الكتابة والسرد ؟ هل جذبكم ؟

و إيش تتوقعون بيصير مع الثنائي .

.

.