الحلقة 15🎀
عائلة كامل قعدو وامام بدا يهز في لفاتحة وكتب صداقهوم ومهر نتاعها حتى خلصو وهز الفاتحة وصارت مرتو في الشرع ومن بعدها جا لي يعقدلهوم وراحو قعدو فوق طاولة طول وبدا يعقدلهوم حتى خلصت وقبلو هوما زوج ووقعو وصارو زوجين في قانون وعطالها دفتر الزواج وصارت مرتو كل صفقولهوم وبداو يباركو لبعض وهكدا خلص ليوم بعد ما صارت مرت قيس وقصتها ليوم بدات بأحداث مجهولة واش مخبيلها القدر
مرو يومين بلمح البصر ونور معديتها غير في تحضيرات وراحت خيرت لغوب بلونش وأمور بزاف
اشرقت الشمس على بطلتنا وليوم هو يوم حنتها ناضت وحداها راحت غسلت ونزلت تفطر مع عائلة قعدلها يوم واحد برك وتروح لدارها وتعيش مع راجلها غير فطرت راحت لغرفتها وجات عندها ياسمين تحضرها وتعملها غسيل البشرة وعناية بجسمها
• اااع واش جابك انت عندك يومين وانت تنتفي فيا خلاص عييت
• ههه بب لازم 😉😉 وغدوا ليلتك اولي ولازم تكوني سكر
• تفوووووو عليك يا خامجة
• ااا واش خدمتك هدي الحقيقة
• مستحيل نخليه يلمسني
• بب هو حقو الشرعي اذا حب يدي لي يحبو راكي مرتو اولا وتاني شيئ واجبك
• انت اكيد راقدة في عقلك واش خبرتك في اول انا راح نكرهلو حياتو ويطلقني
• قعدي بتخمام هدا اذن وازربي لازم نخلصو باش توجدي روحك للحنة وضيوف قريب يوصلو
نور قعدت تحط في لي ماسك على وجها وتحط في زيوت لجسمها وتفاجأة في حاجة امو صاحبتها طلعت تعرف كلشي هي موسوعة هههه في امور الزواج هههه
بعد ما خلصو كانت وصلت مساء لبست وحطت مكياج سامبل وغير بداو ضيوف يوصلو وبدات الحنة نزلت وجدت صحباتها وكل لي تعرفهوم وبدات الحنة هي محبتش تغبن روحها وتفرح شويا شطحت حتى عيات وطردت طاقتها السلبية ومن بعدها حنات ورسمت رسمة في يدها
• اصبري اصبري نور حطي اسم راجلك
• مرناش في الهند يا بقرة
• حطي وسكتي راح يجي شباب اسمو على يدك 😉😉😍😍
• اووف اكتبي قيس نور غير نطقت اسمو حست بشعور غريب حست بيه اسمو على يدها قعدت تنطر مع اسم حتى خلاصت الحفلة وياسمين رقدت عندها وبقية راحو ولي قعد قعد
نور قعدت سهرانا مع ياسمين هدي اخر قعدة عندهوم قعدو يحكو ونور عقلها مشي معاها واما ياسمين غير تغرد فوق راسها موسوعة كنس
• ارقي تعيش عليا يا خامجة هدو خدميهم انت غير تلقاي تعيس الحط لي راح يتبلا بيك طول حياتو
• امشي حرام عليا غير راني نعيدلك
• ارقدي وخليني نرقد
• ايه زينة لازم ترقدي غدوا يستنا فيك نهار وليل طويل عريض
• اااارقدي ترقدي على راسك ناشاء الله
• ههههه بونوي
جمجمو على حلقات غدوا عندنا عرس وراح يبدا اجمل جزء في قصة 😍😍😍 تفاعلو نحب تفاعل 😘😘😘
أنت تقرأ
كرونيك:💕😍زواج مجنون😍💕
Romanceكرووو جديدة نتمنى تنال اعجابكم للكاتبة المتألقة 👈👈👑 احلام👑 كرونيك راح يكون فيه دراما وكوميديا 😘😘👑 ..رح يكوون اسلوبها بسييط هاييل يحكي على ثنين شخصيااتهم مخلفة كل الاختلاف💔💦يجمعهم القدر عن طرييق الزواااج بالاجبار😢💔.. لي رااح يسبب معانااااة...
