كرونيك:💕😍زواج مجنون😍💕

26

الحلقة 26🍒
نور راحت تغلي غير وصلت للباب رسمت ابتسامة وفتحت
• صباح الخير يا عرسان
• صباح النور
نور سلمت عليهوم سلطانة ومرت بوه وامها ومرت عمها وحياة وجابو معاهوم ياسمين عائلة جات وجانت معاها فطور لعروسة
نور دخلتهوم وراحو للصالون سلمو على قيس وهو هز روحو وطلع لغرفتو يخدم محبش يقعد مع نساء
• نور قعدت تحكي معاهوم حتى سقساتها سلطانة لي كانت جنبها
• ايه بنتي ان شاء الله عدات ليلتك زوينة فريتوها
• نور حمرت معرفت واش تقول نزلت راسها وعملت بايه
• عائلة فرحو وناضو يباركولها
• الف مبروك يابنتي ان شاء الله لدرية صالحة هههه انا من ان حابة حفيد ولا حفيدة هههه
• ان شاء الله نور ناضت للمطبخ توجد حاجة يشربوها وياسمين راحت من وراها
• يااا كلبة حكيلي كيفاش جازت ليلة العمر يااي اكيد قيس شبعك حنانة شوفتي غير تبعي نصيحة نتاعي
• نور كانت تغلي حتى هزت موس وراحت ليها
• ياكلبة تقفلي فمك راني نغلي ليك حابة نقتلك ونقتل روحي غير تبعت كلامك
• ههه واش بيك بعدي عليا موس هدا نور راكي مليحة
• نور رمات موس وراحت كتات للبوتاجير وغش في عيونها
• نور حكيلي
• 😓 انا وقيس والو مصار بيناتنا
• وااش
• ايه راني كرهتو كره موت وانت يا كلبة اخر مرة نتبع كلامك نور حكاتلها كلش وياسمين غير تسمع مشوكية
• سمحلي حبيبتي
• انا كلبة لي خممت نسلملو نفسي وهو بكل بساطة رفضني في ليلة عرسي شخص كيف هداك رفضني واش حاسب نفسو
• وانت كونت مستعدة انك تكوني معاه
• صراحة لا لكن حبيت نعيش فرحة كل عروسة 😥 ياسمين حلم كل طفلة انها تعيش يوم فرحها واما انا عائلتي دمرت حياتي وغير حبيت نحس بسعادة مع قيس اهاني واش حكمة من زواج هدا غير انو دمرو زوج اشخاص وربطوهوم لازم نطلق راني تخدت قراري راح نعيش كيف مانحب خلاص راح نطلق ونحوس على خدمة ونعيش وحدي وقتها واحد مراح يدخل فيا مراحش يهني اذا جيبت عار او لا للعائلتي راح نطلق ونسافر وواش دخلني
• نوور واش تحكي
• خلاص خلينا من موضوع هدا لازم نخرجو عائلة تستنى فينا نور جات تخرج حتى شافت حياة لي سمعت كلش
• ح...يااة
• حياة نطرت ليها وخرجت وراحو للصالون
• نور وياسمين صوفرين
• حياة نطرت ليهوم وحكات
• سمحولنا حنا راح نخرجو للجنانة شويا
• ههه اكيد بنتي راكوم بنات قد بعض وتحبو تحكو
• نور و ياسمين وحياة خرجو للجنانة وحياة شدت نور من يدها
• ااي حياة وجعتني
• نوور اسمعي مليح واش راج نحكي انا نعتبر ختك وتربينا مع بعض راني ختك لكبيرة ومن واجبي ننصح ختي صغيرة راح نقولك كلمة هداك تخمام لي خممتيه قبايل تنحيه من راس هدا فهمت وراجلك حاولي تجبديه لصالحك مشي تطلقي وتبعدي فهمني انت مهبولة تخممي هكدا مخممنيش في جدي في بوك في سمعتنا وفي وعد جدي
• هههه هدا واش يهمكوم وعد جدي برك وانا
• جدي عطا وععدو وخلاص وانت تزوجتي وان حاولي تحافضي عليها وراني راح ننبهك حداري تم حداري نسمع بقصة طلاق هدي وقتها اعرفي راح نوصلها لجدي
• حياة
• شوفي ختي مرانيش نقولك قتلي روحك معاه كوني عاقلة وحاولي تقعدي معاه جيبي بيبي منو
• حياة فاش راني نحكي من وجهو انو مراهوش حاب زواج هدا
• حاولي وكان لالا اصبري 6اشهر راكوم غير بارح تزوجتو وحطيها في راسك هو ان راجلك ووشخص وحيد لي فحياتك
• اوكي
• حياة دخلت ونور قعد مع نور
• كلامها صح
• ايه وانا راح نسمع ليها راح نطلقو خلال 6اشهر وخلال فترة هدي راح نشوف وراح نخليه هو لي يبدا باجرئات طلاقنا
• نوور راسك 😅اوكي .نور دخلت وعائلة زادت شويا وراحو ونور رتبت صالون وطلعت عند قيس لي كان يخدم