كرونيك:💕😍زواج مجنون😍💕

17

الحلقة 17🎀
• خلاص لحبيبة امسحي دموعك
• ايه خلاص ليوم عرسك ولازمني غير نضحك لكن راني وصيتك انك تحب نور كيف ماتحبني مفهوم يا عريس ههه
• أوكي
قيس خرج مع سلطانة ونزلو غير نزلو كانو كل واجدين ومحضرين رواحهوم باش يروحو للقورتاج ودنيا مقلبة بزغاريت وبارود قيس خرج بسيارتو وطموبلات من وراه
نرجعو عند نور لي مر عندها الوقت بلمح البصر جتى جات عندها ياسمين وساعدتها في لبس لغوب وعملت مكياج خفيف وشعرها خلاتو بطبيعتو ومهم كان جات تهبل بزين غير خلصت قعدت في سريرها حتى جات امها وبوها بزلوها للصالون وكان جو غير زغاريت ولغناء نور قعدت بمدة قصيرة سمعت تزمار وعرفت بلي وصلو هي حست بتوتر وخلعة حتى دخلو ضيوف وهوما يزغرتو
كونت قاعدا نستنا في موكب العرس يوصل حتى وصل حسيت بتوتر بعدها جات سلطانة سلمت عليها ومرت اب قيس لبستلي برنوص وبابا مسك يدي غير جيت خارجا تفكرت كل دكرياتي وين كونت نلعب كل طفولتي مرت بين عيوني حتى شوفت جدي واقف نطرت ليه حتى لو مزالني غضبانة منو لكن نحبو كتر من روحي روحت عندو ورميت روحي في حضنو نبكي وهو كان حاضني وودعتو وهو خلاص نعرف بلي حزين مهما كان نقعد حفيدتو لي يحبها بعدها ودعت ماما وبابا وخرجت من دار اهلي عروسة وخرجني بابا غير خرجني غير خرجنا من بابا هزيت راسي كان مقابلني قيس 😍😍😍😍 كان يهبل خلاني نغرق في زينو واناقتو كان كتلة قعدت نمشي حتى قرب مني وعطالو بابا يدي غير لمس يدي يدو حسيت برعشة سرات في جسمي

قيس يحكي غير وصلنا نساء دخلو وحنا رجالة قعدنا برا كونت قاعد جنب طومبيلتي حتى شوفت أب نور مخرجها غير رفعت راسها كانت ملاك على وجه الارض واي شخص راح يشوفها مراحش يعطيها عمر 19 هي تبين كأنها امرأة فاتنة قعدت نطر ليها حتى وصلت عندي وعمي رؤوف عطاني يدها غير مسكت يدها حسيت برعشتها بتسمت وبعدها حطهالي امانة عندي
نعرها مسكت يدها وروحت فتحتلها باب طاكسي وساعدتها باش ركبت وروحت ركبت جنبها
نور قعدت تشوف معاه غير جا يركب ورجعت نزلت راسها برنوس ديقها فيها وهو مشا وهوما متجهين للقاعة افراح
• اووف هدا خنقني
قيس حسها بلي مقلقة
• نور صفا
• ايه لباس
• حساتك مقلقة
• نور كانت تستنى غير شكون يسألها ونفجرت طول
• ايه والله برنوص هدا خنقني
• هههه ايه نحيه
• متأكد😀😀😀
• ايه متأكد
نور راحت فتحتو وقعدت تتحرك باش تنحيه عليها وهو ينطر ليها واش من مهبولة هدي وراحت رماتو ورها
• اووووف خنقني
• ههههه رتحتي دروق
• ايه
• نور قعدت تشوف مع طريق وهو قعد ينطر ليها بانت ملاك بفستان ابيض
بعدها غير وصلو كان موكب كامل وصل وهوما اخيرين باش يدخلو مع بعض غير وصلو نزل وراح فتحلها باب باش تنزل ونزلت عطالها يدو وهي مسكتو ودخلو للصال غير دخلو كانت لصال تهبل من نوع الرفيع وانيق غير دخلو بداو يباركولهوم وراحو قعدو في مكانهوم وبدا العرس
أما ياسمين كانت جنب نور حتى ستأذنت وراحت للحمام وغير كانت راجعا حتى دخلت في واحد
• وااش بيك شوف قدامك
• علاش انت عورة
ياسمين نطرت ليه وحكات في قلبها ايا على بوقوص هدا بعدها فاقت
• ايه عورة اسي شباب شوف نصحك تعتدر ولا تشوف حاجة جامي شوفتها فهههمت
• ههه روحي عليا انت سور عدك خلل عقلي
• اااااه راح تشوف مختلة وتخبطو بركلة على رجلو حتى وجعتو هو قعد يسب فيها وهي هربت ودخلت للصال وهي تلهت راحت عند نور لي كانت قاعدة تشطح في مكانها غير شافتها ياسمين قفزت وراحت عندها تضحك
• حبي نوضي نشطحو
• جابك ربي غنية هدي نموت عليها كانت اغنية اجنبة بعدها وقفت وراحت تشطح مع يا سمين ونسات روحها بلي هي عروسة كانت تشطح وكل عيونهوم عليها غير نتبه قيس حس نار شعلت فيه كيفاش تشطح هكدا هي صارت مرتو وزيد مراهيش تشطح راهي تقفز