#حمايتي
البارت 3
👑 اللهم انك عفو كريم تحب العفو اعفو عنا 👑
انور اول اما شاف الفديو اللي صورته جوري اتصدم ..وفاء بتعيط بنتها هتضيع نفسها
انور: انتي مش بس متهوره انتي بقيتي خطر حتي علي نفسك
وفاء بدموع : حد شافك
جوري بكدب: لا. بس انا هقدم الفديو للبوليس
انور: مفيش خروج من البيت ده.
جوري: بس يابابي ده غلط انت عايزنا نسكت علي الغلط
انور: انا هتصرف متتدخليش انتي. ومن هنا ورايح مفيش خروج تاني.
جوري: بابي انا مش صغيره
وفاء بدموع : لا صغيره. احنا قولنالك كذا مره بلاش تهور وخليكي عاقله وكبيره. بس مفيش فايده تصرفاتك تصرفات اطفال. افرضي كانو شافوكي. كنتي بعد الشر ميته
انور: بعد الشر.
جوري: انتم مكبرين الموضوع . اليوم عدا خلاص
انور: انا قولت مفيش خروج يعني مفيش خروج
جوري: يابابي والجامعه بتاعتي .اعمل فيها ايه
انور سكت شويه بيفكر هيعمل ايه. هي مينفعش تخرج لوحدها تاني خايف عليها.
وفاء حضنتها : جوري انتي لو حصلك حاجه انا هموت. انتي بنت قلبي . ارحميني واسمعي الكلام
جوري بزعل : اسفه يا مامي والله هسمع كلامك انتي وبابي بس متعيطيش كده.
وفاء: مش هعيط بس انتي اسمعي كلامي وكلام باباكي
جوري: اوكي هسمع ومش هخرج من البيت
وفاء: ربنا يحميكي ويخليكي لينا
جوري : ويخليكي يا احلي ام . هطلع انام بقي . تصبحو علي خير
وفاء: وانتي من اهله يا حبيبتي
لسه هتطلع شافت انور قاعد وماسك راسه وشكله مضايق
قعدت جنبه وحضنته : بابي انا كويسه . متخفش عليا
انور: مخفش ازاي. انتي بنتي الوحيده .بنت عمري كله . لو مخفتش عليكي .هخاف علي مين
جوري: ربنا يخليك ليا يا احلي اب في الدنيا
انور: ويخليكي ليا
جوري: تصبح علي خير .
انور: وانتي من اهله
طلعت جوري اوضتها وغيرت هدومها وحاولت تنام بس شكل الراجل وهو بيموت لسه قدام عينيها . حاولت تفكر في اي حاجه تاني بس مش عارفه.... هتعمل ايه
......
تاني يوم في مصر ..
رجب : ولاء بتعملي ايه
ولاء: هو ابن اخوك فين
أنت تقرأ
حمايتي (مكتمله)
Romanceقال لها : لا تخافي من اي شئ سأكون حمايتك حين اكون بجانبك او تكوني بعيده عني ساحميكي من اي شئ .... هي: عندما اكون بقربك لا أخشي شئ . عندما اكون بقربك لا اري اي شئ سواك.... فعينيك تنبعث منهم الاطمئنان اما قربك فهو الحمايه والامان لي .. ❤ أحب ا...
