#حمايتي
بارت7
👑سبحان الله وبحمده ... سبحان الله العظيم 👑
❤ لست بحاجه ان يوصيني أحدهم عليك فانت محفوظ بين ثنايا القلب ❤
بتعدي الايام والتحقيق شغال في قضيه القتل في المانيا
دكتور انور دخل لبيجاد غرفته عشان يتكلم معاه
بيجاد: نورت يا دكتور اتفضل
انور قعد : بنورك. عايز اتكلم معاك
بيجاد : اتفضل حضرتك.
انور: التحقيق في القضيه شغال و مطلوب مني اروح ادلي باقوالي . المشكله انا خايف علي جوري حد ينتقم منها وله حاجه ..
بيجاد: متخفش حضرتك .انا شغلتي احميها وهحميها بإذن الله .مفيش حاجه هتأذيها
انور : لو حصلي حاجه انزل بيها مصر هي ووفاء
بيجاد : يا دكتور ان شاء الله خير
انور: انا مش مطمن . وحاسس ان هيحصل حاجه .
انا نظرتي في الناس بتكون صح وسليمه. انت راجل وانا في الفتره القصيره دي حبيتك اوي.
بيجاد: ده شرف ليا يا دكتور وربنا يعلم انا حبيتكم قد ايه
انور بجديه: انا مبخلفش وجوري بنت حسين صاحبي الله يرحمه. اخواته طماعين . مات في حادثه ..مراته كانت خايفه منهم وهربت واستخبت في شقه قريبه من شقتي انا ووفاء كانو صحاب ..ويوم ولادتها اهل جوازها عرفو مكانها وهي طلبت مني احمي بنتها واسافر بيها بعيد عن مصر عشان احميها. وفعلا خدتها هي وفاء وسافرنا المانيا واستقرنا هنا .لحد اما كبرت ...جوري السنه الجايه هتم ٢١ سنه يعني هتكون مسوؤله عن نفسها
مهمتك هتكون صعبه لانك هتحميها من خطر هنا وخطر هناك والفلوس اللي انت عايزها هحطها باسمك في حسابك لمده سنتين هنكتب عقد وهتكون الحارس الشخصي ليها .
بيجاد كان بيسمعه باهتمام وتركيز شديد ..
الاتنين ساكتين. انور منتظر رأيه وبيجاد بيفكر في كلامه
انور: العقد اللي هنكتبه هيكون شغل وطبعا انا جتلي الفكره لاني خدت بالي انك بتعرف تتعامل مع جوري . وفاء حكتلي انها خرجت من ورانا وانك رجعتها البيت ومن وقتها وهي مش بتخرج تاني وله حتي بتكلم البنات اللي كانت مصاحبهم . انا تعبت معاها عشان اقنعها ان ااسهر غلط . وكفايه عندي انك حمايتها واصريت انك تروح وراها وترجعها .خليت ثقتي فيك كبيره. رأيك ايه ؟؟
بيجاد : انا مش عارف ارد علي حضرتك بأيه بس ثقتك فيا دي انا مستحقهاش . انا كنت بعمل شغلي .
انور: انا اتعاملت مع ناس كتير واقدر اميز الكويس من السيئ ..ونظرتي فيك في محلها. اعتبره شغل هنعمل عقد عمل بينك وبين جوري ولو عايز تجدده هيكون احسن . لكن مش هتنهي العقد قبل سنتين لحمايتها
أنت تقرأ
حمايتي (مكتمله)
Romanceقال لها : لا تخافي من اي شئ سأكون حمايتك حين اكون بجانبك او تكوني بعيده عني ساحميكي من اي شئ .... هي: عندما اكون بقربك لا أخشي شئ . عندما اكون بقربك لا اري اي شئ سواك.... فعينيك تنبعث منهم الاطمئنان اما قربك فهو الحمايه والامان لي .. ❤ أحب ا...
