#حمايتي
بارت17
👑اللهم ارزقنا راحه البال والعافيه والرضا👑
💔 لم اعلم ان عدم القدره علي الاقتراب منك .مميت بهذه الطريقه
اتعرفين معني ان تكوني في مجاعه وامامك اشهي انواع الطعام ولا تاكلين . اتعلمين معني ان تكوني ظمأنه وامامك كوب من الماء. ولا تشربين .💔
بيجاد قرر يمشي من البيت وضب شنطته وراح علي فيلته لازم يبعد علي قد ما يقدر بس مش هيقدر ميشوفهاش . بيته قدام بيتها . واختار الاوضه اللي قدام اوضتها بتطل علي بلكونتها. البيت مش متوضب. بس مش هينفع يقعد هناك اكتر من كده .
الليل بيعدي بالم علي الكل . جوري بتعيط في حضن سهيله ..
سهيله : وافقتي بس ليه يا بنتي. يرضيكي وجع قلبك ده
جوري: كنت منتظره انه يتكلم . متكلمش . باعني خلاص
سهيله. : شكله بيحبك .
جوري: لا مش بيحبني . لو بيحبني فعلا. كان خطفني
سهيله ابتسمت : بس احنا مش في روايات عشان الفارس يخطفك علي حصان ابيض.
جوري: انا مش عايزاه. خلاص. هتجوز ليل.
سهيله: بلاش تهور الامور مش بتتاخد كده بالعافيه دي
جوري: لا هي كده . عند فيه خليه ساكت كده لحد اما اضيع منه . مش هو خايف علي صاحبه ومش عايز يتكلم.
الباب خبط .. جوري مسحت دموعها وسهيله فتحت الباب
ليل : اسف يا طنط. بس عايز جوري
سهيله : جوري كانت هتنام
جوري : لا مش هنام يا مامي. انا جايه .
سهيله اتنهدت علي عند بنتها بتوجع قلبها بايدها
ليل: جوري تعالي عايز اتكلم معاكي تحت
جوري : اوكي.
نزلت جوري وليل في الجاردن بتاع البيت . ومش واخدين بالهم باللي واقف في البلكونه وشايفها وهي ماشيه مع ليل
ومليكه كمان كانت واقفه في شباكها وشايفهم وهما ماشين
ليل ماشي وساكت مش عارف يسالها ازاي وله يبتدي منين
جوري: هتفضل ساكت كتير كده
ليل: انا عايزه اسالك سؤال . بس مش عارف اسال ازاي
جوري: اسال زي ما تحب .
ليل: هو انتي وافقتي علي الجواز ليه
جوري: ليه اسبابي . انت وافقت ليه
ليل: عشان بابا ضغط عليا وانا مقدرش اعارض
جوري: متقدرش تعارض . هو انت بنت . انا اعرف ان البنات هنا هما اللي بيضغط عليهم في الجواز مش العكس
ليل سكت : طيب انتي ليه وافقتي
جوري: كده
ليل : جوري ممكن نكون اصحاب ونحكي لبعض عن كل حاجه بلاش تخبي عليا
أنت تقرأ
حمايتي (مكتمله)
Romanceقال لها : لا تخافي من اي شئ سأكون حمايتك حين اكون بجانبك او تكوني بعيده عني ساحميكي من اي شئ .... هي: عندما اكون بقربك لا أخشي شئ . عندما اكون بقربك لا اري اي شئ سواك.... فعينيك تنبعث منهم الاطمئنان اما قربك فهو الحمايه والامان لي .. ❤ أحب ا...
