قـ🖤در خآإئن
حلقة 5
صبح ناضت هيام جهزت روحها ومشت هي وصاحبتها مسرة للجامعه طبعا خدن محاضرتهم ويفطرن في كافتيريا
هيام حكت كل الي صار معاها للمسرة
مسرة؛😱حيي جديات تحكي
هيام؛ والله قريب متت من الخوف تخايلي ماما شافتني 😖
مسرة؛ بس طلع الاخ جريئ بكل 😂
هيام؛ اممم بكل
مسرة؛لكن بدون كذب حلو صح 😂
هيام؛ هههه اي بس واطي
__
كانت ميرال مقعمزة ابروحه ماتعرف حد فجت عند هيام ومسرة تعرف عليهم وتقعد معاهم
ميرال؛ معليش صبايا ممكن نقعد معاكم عشان جديدة ومانعرفش حد 😊
هيام؛ تفضلي عادي
مسرة؛ اااه قعمزي
ميرال؛ شكرا انا اسمي ميرال وتو جديدة ف جامعه
مسرة: ومخطوبه الباين😉
ميرال؛ شافت ل دبلتها اي تو جديد😅
هيام؛ باهي مبروك وتعرفو ع بعض وخدت ارقامهم
ميرال: نستأذن نتلاقو باي
هيام؛باي
مسرة؛ بصراحه ياهيمو مش مرتحتلها🤷♀️🤨 نحسها خبيثه
هيام: واو في دقايق حللتي شخصيتها😗 المواقف بس تبين حقيقه الشخص
مسرة؛ اي صح بس نا هكي احساسي
كملوها هدرزة
_____
محمد كان في جامعه بس غايته كلها كيف يوصل هيام
محمد؛ بست ياحلو
البنت؛ هههه من تعاكس فيا انا
محمد؛ اي هو في عسل غيرك اصلا
البنت؛ هههههه🤭 (طبعا في بنات هكي من كلمه خلاص طايحه وفرحانه عاكسها حد)😒👊 مهم نكملو
محمد؛، نبي خدمه زعما يقدر عليها العسل😉
البنت؛ حاضر من عيوني😍
محمد؛ شوفتي البنت الي مقعمزة غادي جيبيلي رقمها او ايميلها ع فيس
البنت؛ شن تبي فيها هادي تقرى معاي وحدة دمها تقيل
محمد في سره؛ عليك نفاخه حصلت فيها والله الا دمك زي كراديم السحلب😒
البنت؛ خيرك ساكت شنو
محمد؛، ااه 😅 مش انا نبيه صاحبي يبي يعترفلها تو نعطيك رقم اتصلي عليه ع اساس فصل شحنك وكان بتزيدي الخير جيبي حتى ايميلها ع فيس😅
البنت ؛،امباهي ومشت شور هيام🙆♀️
_____
هيام كانت تهدرز لعند جت طبت عليهم البنت
البنت؛ هيوم معليش شحن تليفوني فصل ممكن تليفونك اشوي نتصل بيه على اختي بنروح وعطيني اسم ايميلك نبي اشوي شيتات صوريهم ليا
هيام ع نياتها وعطاته لها: خودي بس مطوليش ماعنديش رصيد وهضا اسمي ع فيس ( ميمو99)
البنت: اوك حبيبتي وكتبت رقم محمد واتصلت عليه ودارت روحها تكلم في اختها😂🤷♀️ وبعتت رسالة فيها اسم الايميل وحدفتها 😒
وكله نضرات مسرة الي زي ام زكي تفكر وتحلل😑🤨
البنت: يسلمو😊 مشت
مسرة؛ مش مرتحتلها😑
هيام؛ مسيو بطلي كل ناس تشكي فيها كل واحد ونيته سواء خير او شر مردودة عليه 😊❤
مسرة؛ اي والله هيا جا بابا روحي معاي
هيام؛ هي
_____
طبعا محمد مجرد ماوصله الاتصال ع رقم هيام مشى روح
سالم؛ وين كنت من صبح
محمد؛ كنت في شغل مهم مهم مهم مهم جدا 😍
سالم؛ باااهي فهمنا الزفت انطمر😂
محمد؛ يتكلم بشوي:اليوم نبدا لعبتي🤤💥
سالم؛ احميدا انت كويس
محمد؛، شن تشوف فيا نشرك في شلاتيتي😒
سالم؛ لالا ربي يثبث العقل
محمد؛ اجمعين😀
___
هيام؛ ماما معش تبي شي خلاص
ماما؛ لالا خلاص كملي حوسه وارقدي ماطوليش ف السهر
هيام؛ حاضر ماما وكملت اضم في مطبخ
____
محمد؛ خلي نجرب نتصل 😈 واتصل ع رقم هيام
___
قعد يرن نقال هيام
هيام؛ شن رقم هضا منو الي يضرب فهالوقت😕 خلي يرن ويفصل
___
محمد؛ بقرة وراك وراك تو نوريك وزاد عاود اتصل
هيام؛ اففف احسن شي نفتح نسمع صوت منو وفتحت
محمد؛ ايوا هيام
هيام؛😳 في سرها هضا من يعرفني صكرت عليه
محمد؛ شن وراي ليل بطوله لين تردي ورد يتصل😂
هيام؛ السلام عليكم خوي غالط في رقم
محمد؛ لالا مش غالط هضا رقم هيام
هيام؛ من انت وشن تبي
محمد؛ انتي
هيام؛ بلا دوة زايدة هي وجهك
محمد؛ بقرة
هيام؛ سكتت انت نفسه الي لقيته ف العزومه
محمد؛ ايواه طلعتي ذكيه اسمي محمد
هيام؛ ههه باهي شن تبي نديرلك ومن وين جبت رقمي
محمد؛ مايخفى عليا شي
هيام؛ والله خود بلوك على وجهك هي وسكرت عليه ودراتله حظر
محمد؛ باهي ياهيام تو تشوفي وخشلها ع فيس
هيام تتصفح ع فيس لعند جاها طلب واقفت وماتندريش عليه وخشلها
محمد: تتزوجيني ونغسل عنك الاماعين 😂
هيام؛😂😂ترا احلف
محمد:بقرة
هيام؛ ع الاقل بقرة عندها فايدة مش زي الحمار
محمد؛ معترفه انك بقرة
هيام؛ عينك هيا بلوك حتى فيس
محمد؛ من الاخير بديري حظر بنقعد نتصل من اي رقم انتي بتأكليها ف ماتحظري ع فيس احسن
هيام فكرت كويس احسن ماتصيرلها مشكله مع هلها؛ باهي بنسكر نا وجهك
محمد: تصبحي ع الف خير😁❤
هيام؛🙂🖤🔥
محمد؛ هضا كله كره فيا😂
هيام يملح مش راده وصكرت ورقدت
______
فات اسبوع ومحمد وهيام تعودو ع بعضهم منسجمين مع بعض بس هدرزة على فيس اما اتصال مايتصلش وميرال تقربت من هيام وبدت تحكيلها في كل شي
اما مسرة لتو مش واتقه في محمد وميرال
......
يتبع.....
الكاتبه:دودي الحسناوي
أنت تقرأ
قـ🖤در خآإئن (رٍوُآيآت آلُِڪآتبَة دِوُدِي الحاج آلُِحٍسنآوُي)
Romanceقصة دور احداتها عن مواقف من خير وشر وكيف القدر يرد فيه ويجمع ف اشخاص كانو يفكرو انها صدفه وصدمة الخيانة من اقرب الناس القصة فيها اشوي احدات حقيقية وشوي من خيال ومش حتفهموها الا لما تابعوها بالقلم الكاتبة؛ D۩♥¤دودي الحاج الحسناوي¤♥۩
