قـ🖤در خآإئن
حلقه 6
كانت مقعمزة هيام وميرال ومسرة في المطعم يهدرزو
مسرة؛ شنجوك انتي ومحمد
هيام؛ تمام تعرفي ضحكني شادلي كلمه تزوجيني ونغسل الاماعين😂
مسرة؛ هههههههه برغم منظره غريب لكن دمه خفيف
ميرال بحقد: وشن يضحك في موضوع هضا مستهزي عليك
مسرة؛وانتي خيرك حارقه دمك هم حرين شن يهدرزو😏
ميرال: ماقلت شي حتى كان مش لازم تتق فيه
مسرة؛ انتي عندك خطيبك ومالك دخل فيهم
ميرال: حتى انتي مالك دخل وبري اخدمي ع ايامك 😉
هيام؛ بنات خلااااص نفختوها
ميرال؛ ترا وريني محادتكم هيوم
هيام: عليش
ميرال؛ لابس في طلب جاني منك بنشوفه هو ولالا
هيام فتحت نقالها وشافت ميرال ايميله حفظاته
ميرال: اااه لالا مش هو
مسرة😒
وروحو البنات
___
ميرال خشت ع فيس وضافت محمد وبعتتله مسج
(مرحبا كيفك ياحلو انا صاحبه هيام)
كان محمد فاتح: اهلا شن تبي
ميرال؛ بشوي على اعصابك نا بنطمن ع صاحبتي تحبها ولالا
محمد: على مأاظن حاجه تخصني هادي
ميرال؛ بس هيا ماتحبك
محمد؛ باهي شن تاني🙂
ميرال؛ نا نبي نعترفلك انا معجبه بيك اول ماشفتك الحق ومستعدة نسيب خطيبي عشانك
محمد؛، واي مستعدة تبيعي وتخوني صاحبتك
ميرال: اي القلب ومايدير
محمد؛ شوفي انا كان نبيك راه جبت رقمك لكن مانبيكش وفوتيني تو
ميرال بحقد🔥 ؛ باهي خلينا اصدقاء بس
ولاء: شن ديري انتي اصحي على روحك صح انا صغيرة لكن الي ديري فيه خطاء
ميرال عيطت عليها مادخلكش فيا والهي في روحك
ولاء سكتت لانه نقاش ماينفع مع اختها
رد عليها محمد؛ باهي 😀
____
هيام دردش مع محمد
محمد؛ وينك يا دبه
هيام: كنت ناكل كيف روحت من جامعه
محمد؛ بقرة
هيام؛ خزيي بقرة عينك
محمد؛ اسمعي
هيام:، نعم خيرا ان شاءالله
محمد: انحبك ❤
هيام انصدمت اشوي لانها مش مصدقه لان مجرد اعجاب بينهم بس
محمد؛ وين اختفيتي
هيام؛ نتحشم مانعرف نرد ع كلام هكي 🤭
محمد؛ هبله 😂
هيام: عينك
محمد؛ نتصل بيك عادي
هيام: لا محمد فكني ونبي نخاف
محمد؛ باه ياحب براحتك
هيام:، زعلت مني
محمد؛ لالا مش عارف لكن انتي بذات مانقدرش نزعل منك
هيام؛ شن المميز فيا😂
محمد؛ مش عارف
وكملو هدرزتهم طبعة سكرت هيام ع خاطر ماتسهرش
اماميرال مصممه كيف تغير محمد
ميرال بعتت كم صورة للمحمد ع اساس وصلن بالغلط
ميرال: معليش بالغلط ممكن تحدفهم
محمد؛، ع فكرة تهبلي😍
ميرال؛، اي عارفه حلوة واحلى من هيام 😌
محمد؛ شن دخل هيام؟
ميرال وبدت تهدرز مع محمد ومر كم يوم وميرال خطيبها زياد مش مدورته و تبعت في صور وتكلم في فيديوات ل محمد وهو لاهي معاها مرة مرة يرد ع هيام
في جامعه
هيام سارحه وتفكر
ميرال بخبث خيرك ياهيام في شنو تفكري
مسرة شبحت ع جنب لميرال ؛ مافيها شي عادي ضغط قرايه
هيام ؛ماخيرني شي بس محمد معش يرد بسرعه زي قبل
ميرال: فوتي مادوريه مرات لاقى احسن من وانتي تلقي احسن منه😏
مسرة؛ لا شكله مكسد مع وحدة واطيه ونذله ورفقة الملوك ماعجباته و لاقى كناسه تلمه😏
ميرال؛ شن قصدك يامسرة
مسرة؛ ماقصدي شي لكن انتي اوزني كلامك
ميرال؛ ههههه نا من قبل جريئة في كلامي ماتستغربي ولا تزعلي مني ياحبيبتي
مسرة؛ امممم باهي احترمي نفسك مش كل ناس تقبل كلامك ورن نقال مسرة كان باتها ؛ هيام هيا روحي معاي جا بابا
هيام؛ هيا سلام ميرال
ميرال: باي
قعدت ميرال ابروحها اتصلت ب محمد اكتر من مرة مبش يرد
روحت بعدهم
____
في سيارة
مسرة: تعرفي كان ماتطلع هي وراء قصه محمد
هيام؛ لالا هي مخطوبه كيف تخون خطيبها
مسرة؛ في بنات ماتعرفيهم وانتي نيتك طيبه
هيام؛ مش هامني موضوع لكن فكرة ميرال تخون مستحيل
مسرة؛ كيف مش هامك مش اتحبيه؟ تو تشوفي الايام توضح الحقيقة
هيام؛ مش عارفه لكن شكلي حبيته😕🔥
ووصلت للحوشهم
خشت بدلت وتغدت وتجرأت هالمرة هيام تتصل ب محمد
محمد؛ ايواا شن خطر عليك
هيام؛ قلت نطمن بس
محمد؛ اممم متأكده هضا هو بس
هيام؛ سكتت اشوي بعدها ردت اي كان تبي تعترفله بس فضلت تسكت
محمد؛ حمدالله كويس
هيام؛ عليش معش تفتح ف فيس
محمد؛ خدمه والله فوق راسي
هيام؛ شن خدمتك ماقتلي قبل🤔
محمد؛ ااه 😅 خدمتي نخدم في محل ونجيب ونبيع في بضاعه
هيام؛ اهااا ربي يعاون مانطول عليك
محمد؛ انحبك يادبه سلام
هيام؛ ههههه سلام
محمد؛ مزال مابتقوليها
هيام؛ كلمة زي هادي مش بالساهل تطلع مني
محمد؛ ههههه بقرة هيا تصبحي
هيام: سلام انحبك ماحست بروحها وحطت يدها ع فمها🙊
محمد؛، واخيرا حمدالله ع سلامتك 😂🔥
هيام صكرت عليه ؛ حي عليا انا شن قلت افف يلا مش مهم ربي يباعده عني كان في شر
_____
عند ميراال نار والعه فيها تضرب على محمد مايرد ومرة مشغول بعد كم اتصال رد
ميرال؛ ايوا وين حادف نقال
محمد؛ شن تبي توا
ميرال؛ نسأل بس
محمد؛ اسمعي معش تتصلي
ميرال: ليش
محمد؛ هكي وخلاص اخطيني
ميرال؛ كذاب انت تحبها صح صح 😭
محمد؛ نقصي صوتك مايعلى عليك مدخلك فيا وفي خصوصياتي
ميرال؛ باه تمام ونار تغلي داخلها🔥👿 صكرت ميرال وكلمت هيام
ميرال؛ ايوا هيام
هيام؛، نعم ميوره
ميرال؛ ممكن نجي للحوشكم نبيك في موضوع ضروري
هيام تفضلي ان شاءالله خير
ميرال؛ تمام دقايق وجايه
ولاء؛ انتي شنو فهميني ماتتحشم على وجهك راك خاينه لخطيبك وخاينه لصاحبتك
ميرال بحقد ؛ مدخلكشش طز فيهم عشان مصلحتي ندير اي شي
ولاء: لاحول الله راه دنيا دور اختي ونبي اعقلي
ميرال؛ خبري ماما ماشيه للصاحبتي .
و دفت اختها ومشت للحوش هيام
___
هيام تفضلي
خشت ميرال سلمت على امها ومشو لدار هيام
هيام؛ خير شن في وقفتيلي قلبي
ميرال؛ انا نبي نقولك موضوع بصراحه لكن ماتزعلي مني
هيام؛ قولي
ميرال؛ انا انحب محمد ومستعدة نسيب خطيبي عشانه وهو يحبني واتفقنا الخطوبه في العطلة بعد القرايا
هيام كأنه من عطاها كف ولا من طعنها في قلبها💔🔥 غمضت عيونها وخدت نفس من امتى تحكو
ميرال؛ مش عارفة بس من فترة هيام ونبي ماتزعليش مني نا عمري ماحبيت حد الا هو بس قلبي ارتاحله😭
هيام: تمام مابنوقف في طريقك تقدري تمشي وانتي مطمنه 💔
ميرال؛ حضنت هيام حضن كذب ؛ شكرا حبي تفاهمتيني مع سلامه
هيام ؛ قعدت واقفه ع مرايا وتبكي ؛ نا حمارة صدقته 😭ياريتني مااعترفت😭😭💔💔 وخشت لفراشها وقعدت تبكي
.....
....
...
يتبع
____
أنت تقرأ
قـ🖤در خآإئن (رٍوُآيآت آلُِڪآتبَة دِوُدِي الحاج آلُِحٍسنآوُي)
Roman d'amourقصة دور احداتها عن مواقف من خير وشر وكيف القدر يرد فيه ويجمع ف اشخاص كانو يفكرو انها صدفه وصدمة الخيانة من اقرب الناس القصة فيها اشوي احدات حقيقية وشوي من خيال ومش حتفهموها الا لما تابعوها بالقلم الكاتبة؛ D۩♥¤دودي الحاج الحسناوي¤♥۩
