الطالبة والخباز-مكتمله-

البارت الخامس

الماز... رجعت هلكانه من التعب رادت تروح شهلاء امي ماخلتها اله تتعشى خابرت على اخويه سامر كلتله تعال يمنه تعشه وروحو شويه واجه واني وريم بالمطبخ نسوي عششه سوينا نواشف وشويت كباب وبطريقنا سوينا بقلاوه وعصير برتقال طبيعي خليته بالمجمده لان شويه تبررد اسرع من الثلاجه لان متنفتح راحت ريم سلمت على سامر وفرشت السفره واني اصب بالمواعين وريم تودي تصفط اخر شي كملنا كعدو على السفره صاحت عليه امي جاوبتها يي يوم يي جيت بس اغغسسل اديه

الماز... هلا شلونك ابو فطوم

سامر،.. هلاوات الماز شلونج

الماز... الحمد لله ابو فطوم

سامر.... دايمه دراستكم شلونها

الماز... الحمد لله على كل حال

ريم.... سمور اني بالنسبه الي دا احاول اصلحها تتصخم وتتلطم😭😹😹😹

سامر... هههه هو انتي ثوله شسويلج بعد

الماز.... لج ريم عيب تكولين سامر كولي ابو فاطمه

سامر... هسه انتي شكو دخلتي نفسج هااا تغارين

ريم.... يي حبيبي سمور تغار الماز

الماز... نجبي وجه الطاوه

سامر... هاي شنو ولج تخبل ريومه

الماز... نننننن😛😛😛😛

الكل....😹😹😹

الماز... ضوجوني كمت من يمهم دخلت للمطبخ غسلت المواعين صاحو عليه رحتلهم
هاااا😒😒

سامر.... يبووووو طنكر الصاك

الماز...😒😒😾

ريم.... ياااا ابو فاطمه اذا الماز صاكه اني شنو

سامر... انتي وجه الطاوه

ريم... تخبل الطاوه منك

الكل...😹😹😹😹

سامر... يلا يابه احنه نترخص

ابو الماز... ويين بعد وكت

سامر... والله حجي باجر دوام اريد اسبح ابدل ملابسي

ابو الماز... يي اسبح اهنااا

سامر... لا حجي والله مااداوم بهاي الملابس

ابو الماز... براحتك وليدي

سامر... يلا شهلاء كومي

شهلاء... يي جايه جايه ابو فاطمه
يلا بنات تصبحن على خيرر

سامر... يالله تصبحون على خير غواالي

الكل... اااجمعين

الماز.... راحو بيت سامر واحنه رجعنا صحت على ريم كتلها طلعي العصير رح اسوي شاميه وافتحي البلازمه وطلعي فلم اسماك الجن المتوحشه(كلش يخبل هذا الفلم)
بديت اسوي شاميه وريم طلعت العصير خلت بدولكه واخذت كلاصات ورحت كعدت يمها ونباوع وميتين ضحك على البطل وحده تكل لثانيه حلوو بس وصخ ويموت من الضحك ومتنا من الضحك لمن طللع هو والمعلم مالته ياكلون دجاج من السوق وركضضت وراهم ام الدجاج وهم شردووو وطار شعر المعلم 😹😹😹😹
كملنا الفلم الساعه بـ 2 ونص بالليل طفرنا للغرفه ريم كعدت تكلب بتلفونها واني هم كلبت بكروبات الفايبر بعدين نعست كلش ذبيت الموبايل واذكرت الولد بقيت افكر يارب شنو هذا ليش هيج نوب ذكرت الورقه كمت على السريع لجنطه الي جنت لابستها من رحت
طلعت الورقه وخليتها بصدري ورجعت لفراشي نمت بفراشي وغطيت راسي بالبطانيه وشغلت الفلاش مال الموبايل وفتحت الورقه لكيت مكتوب بيها

شلونج شخبارج اخاف اكلج يروحي ويعمري وحرام عليه وتكولين هذا الشخص ميستحي ما عيب عليه لا يبنيتي اني سيد وابن محمد اريد احبج حب مبني على طهاره حب طاهر مابي اي شابه تشوبه اني ما رافع عيني ولا على بنيه ولا شايلها على بنيه لان اني استحي ومو من النوع الموخوش ومااريد اكتب بالورقه حجي هواي هذا رقمي واتمنى تخابريني حتى نتفاهم اني وياج وان شاء الله يصير خيير.

اوف اني قريتها وكلبي ضل يدك الف يربي شسوي طلع يحبني ونوب سيد شلون بيه اوف يربي بالله اضيف الرقم بالفايبر ضفته وطلع عنده فايبر ضفته على الواتس اب هم طلع مكتوب نائم وعلى الفايبر سيد سجاد

كضيت ودزيت رساله على الفايبر
مرحبا
شلونج شخبارك
اسفه راسلتك بهلوقت بس كنت مشغوله وعدنا خطار يصير على الرساله √√ بس متنشاف.

يتبع

.

.

.

.

شلونكم حبايب كلبي شخباركم شلون ويه الحجر متنا باجر اروح للبساتين واصورلكم وانزلهن بنهايه البارت
ان شاء الله عجبتكم القصه
طبعاً والله القصه كلها حقيقه والماز صديقتي
اتفاعلوووو يعمري
حبكم❤💕🌹