الطالبة والخباز-مكتمله-

البارت الرابع

الماز... كعدت ثاني يوم جمعه باوعت لساعه شفتها بـسبعه ونص كمت اخذت صابونتي ومعجون الاسنان وطلعت للمغسله غسلت وكملت فتحت الثلاجه طلعتلي كلاص حليب وموزه وكعدت بالحديقه اكلتهن وكملت كمت غسلت الطرمه واني احجي بيني وبين نفسي ياربي منو هذا الشخص لحد ماصحيت على نفسي اني مكمله الطرمه رجعت للغرفه باوعت لساعه 8 الا خمسه اخذت كتابي ورجعت للحديقه لان الاحد عندي امتحان انكليزي شويه اسمع امي تصيح عليه

ام الماز... الماز الماز اذا كاعده تعاي مرتك اخوج تريدج

الماز... يي يي جيت يمعوده
بيني وبين نفسي ياستار هاي شتريد مخابره عليه نوب من الصبح عوذة
ها يوم منو

ام الماز... شبيج شهلاء

الماز...😒
الووو هلو شهلاء شلونج

شهلاء... هلاو المازه شلونج اخبارج

الماز... الحمد لله وانتي

شهلاء... دومج يحلوه اني تمام بخير

الماز... اشو اليوم صايره حلوه وكذا كولي محتاجه شي 😒😏😏

شهلاء... يي رايحه اروح للمجمعات مال الملابس تروحين امر عليج لو لا

الماز.... يي مري اروح وياج وحدج ترحين🙍🙍

شهلاء.... يي وحدي

الماز... ماشي تمام

شهلاء... مع السلامه
مرحبا احب اعرفكم على نفسي اني شهلاء زوجة اخ الماز الوسطاني اني طويله لون بشرتي سمره طويله رشيقه عيوني كبار حلكي وخشمي وسطانيات
صارت ساعه بـ 10 خابرت ابو فاطمه زوجي كتله حروح لبيت عمي كال روحي والعصر اجيج رحت لبيت عيالي ولكيتهن نايمات البنات بس الماز وعمتي كاعدات بس البيت نظيف ومعطر والشاي على الطباخ وريحت الهيل تعط منه سلمت وبوستهن وكعدت ضلينا نسولف سالتهن على ريم وهدى كالت عمتي نايمات
شويه والماز جابت الشاي ومسويات كليجه

الماز... اتفضلي عيني ام فطومه شاي والكليجه من ايدي

شهلاء... ليش هيج اني بنيت البيت مو خطار

الماز... دكلي هسه وانطيني رأيج بالكليجه

شهلاء... والله كدامج و وراج اني اكول الماز حماتي معدله

الماز... شكرا اكلج شوكت نروح هسه لو العصريه

ام الماز... لا العصر على كيفجن روحن

شهلاء... هو اجيت اتغده يمكم والعصريه نروح

ام الماز.. يي واني هم اروح وياجن اجيب قماش اسوي للتخم

شهلاء... ماشي

الماز... رحت لـ امي كتلها ماما شنو اسوي غده