الطالبة والخباز-مكتمله-

البارت السادس

الماز... دزيتله الرسايل ماكو جواب خليت فوني وبقيت اغفي شويه وحسيت ضوه الموبايل اشتغل فتحت عيووني اشوفه اشعار فايبر كلبي ضل يدك الف

فتحت وشفته دازلي رساله فتحتها

سيد سجاد.... هلا وردايتي شلونج
الله يساعدج ليش تشتغلين هواي

الماز... عادي غير بيتنا

سجاد....ههههه ليش عصبيه

الماز...هاا اني عصبيه😓😓😓

سجاد... يي هسه بعدين عصبي
ماكتيلي اسمج شنو عمرج بيا مرحله درسين

الماز... يالله اكول اسمي اخاف لا لا لا خلي من البدايه اكله

الماز اسمي الماز

سجاد... فدوه رحت لـ المازتي
يي كملي

الماز.... عمري 20 طالبه خامس علمي احيائي

سجاد... ففديت شطورتي صيري سباعيه واطلعي الخامس وان شاء الله يصير خير

الماز... شقصدك يصير خير

سجاد.... كلبي نامي صبح نتفاهم هسه وقت متاخر عيونج مو زين عليهن

الماز... تخاف عليهن

سجاد... صبح اكلج
تصبحي على خير علويتي

الماز.... وانت بالف خير

سجاد.... ديري بالج على نفسج

الماز... اوك
بقيت افكر على شنو يعني الصبح نتفاهم شقصده احس الثول عندي اشتغل فول اندريت اباوع على ريم نايمه اوف شلون بيه غطيت راسي بالبطانيه ونمت كعدت ثاني يوم الصبح باوعت الساعه بـ 6:12 بقيت بفراشي شويه كمت رحت غسلت وجهي لكيت ابويه كاعد صبحت عليه واخذت موزه وكلاص حليب لان عندي نقص كالسيوم كملت ابويه كال في امان الله اني رايح رديت عليه بالسلامه رحت نزلت الصونده وجريتها وبقيت اسقي بالحديقه اتذكرت سجاد ركضت للموبايل فتحته لكيته دازلي

سجااد... صباح الخير علويتي

الماز... صباح النور شلونك سيد

سجاد... يفدوة واخيرا جاوبتي

الماز... اسفه ماادري جنت اسقي بالحديقه
المهم بيقنا نحجي للساعه بالـ 9 كلي يلا اروح للمخبز اني
رديت عليه اخذ راحتك وعدته وكمت اني غسلت الطرمه وكعدت اكلب بالفون دخلت على الفايبر على رقم سجاد على صورته بقيت اباوع عيونه تخبل شعره ولحيته لا هنه اصفر لا اشكر لونهن جوكليتي وبياض على حمار وعضلات وطول يعني صدك الله مخلي بي جمال السيد بعدين كلت معقوله يحبني لو يضحك عليه بس ما مبين شكله يضحك اني ابقه احجي وياه واخليها على الله ارحم الراحمين كعدت امي وراها ريم سوينا ريوك
بعدين امي كالت كملن نروح لسوق كمنا نتراكض صار بيها سوك بدلنا وكملنا يعدين ذكرت السيد كلت خلي اراسله واكله مااعرف شنو شعوري بس كلت خلي اراسله واكله راح اروح لسوق واذا ماقبل اطلع حجه حتى ماروح
الووو سيد موجود
وينك سيددد

سجاد... ها عمري يي موجود اجيت كولي

الماز... سيد اني راح اروح ويه ماما لسوق عادي

سجاد... بوية لج كبرتي بعيني والله من كلتيلي بوية روحي مامنعج مدامج كلتيلي الله يوفقج ويحفظج

الماز... تسلملي سيد

سجاد... هههه بعدين ااحاسبح على كلمه السيد

الماز...😓😓😓 باي
طلعنا واني بداخلي احساس بس مو حساس حب تجاهه سجاد لا مااعرف شنو هذا الاحساس الي بداخلي احساس غريب دخلنا لسوق وبيقينا نمشي ونباوع ونفتر والشي الي نريده نسأل على سعره ونشتري

امير.... ها يالضلع اشوفك تبتسم

سجاد..... والله ياخوي سالفتي ان شاء الله تمام

امير.... يالله نكول صارت

سجاد.... ان شاء الله بس خليها تتعود عليه ان شاء الله افاتحها بالخطوبه مااخليها مربطه لو تجي ناس عليها وياخذونها مني مااتحمل والله
هسه اني الجمعه والسبت اريدهن يخلصن بسرعه اصلا اريد مايجن اريد اشوفها مااتحمل بعدها
يخوي ياميرو وحق هو علي وولايته اني احبها حب طاهر واريدها عمر مو يوم ويومين.

يتبع

.

.

.

.

هلاو يرويحاتي صح تفاعل قليل لان القصه جديده
ان شاء الله متقصرون ربي يحفظكم احبببكم🌹💕🙊